1 Samuel 2:8 - Ang Pulong sa Dios

⁸ Gihaw-as sa Ginoo ang mga kabos sa ilang kawalad-on ug gipalingkod sila sa Ginoo uban sa mga halangdon ug gihatagag kadungganan. Siya ang tag-iya sa patukoranan diin gipahimutang ang kalibotan.

Ang Biblia 2011

⁸ Siya magbangon sa kabos gikan sa abog; siya magtuboy sa timawa gikan sa tapok sa abo, aron palingkoron sila uban sa mga pangulo, ug manunod sa trono sa himaya. Kay ang mga haligi sa yuta iya sa Ginoo, ug diha niini iyang gipahimutang ang kalibotan.

Maayong Balita Biblia

⁸ Gikan sa yuta bangonon niya ang kabos ug alsahon ang nalup-og sa abo ug palingkoron niya sila tupad sa mga prinsipe ug hatagag harianong lingkoranan. Kay iya man sa Ginoo ang mga patukoranan sa kalibotan ug diha niini gipahimutang niya ang kalibotan.

Ang Bag-ong Maayong Balita Biblia

⁸ Gikan sa yuta bangonon niya ang kabos ug alsahon ang nalup-og sa abo ug palingkoron niya sila tupad sa mga prinsipe ug hatagag harianong lingkoranan. Kay iya man sa Ginoo ang mga patukoranan sa kalibotan ug diha niini gipahimutang niya ang kalibotan.

1 Samuel 2:8 Cross References

Genesis 41:14

Busa gipatawag sa hari si Jose, ug diha-diha gipagawas siya sa prisohan. Human siya nakapatupi ug nakapamalbas, nag-ilis siya sa iyang bisti ug miadto sa hari.

Genesis 41:40

Himuon ka nako karon nga tigdumala sa akong palasyo ug gobernador sa tibuok Ehipto, ug motuman kanimo ang tanan kong katawhan. Ako ray labaw kanimo kay hari man ako.”

2 Samuel 7:8

“Sultihi usab si David nga ako, ang Ginoo nga Makagagahom, nag-ingon, ‘Magbalantay ka kaniadto sa mga karnero, apan gipili ka nako nga magdumala sa akong katawhan nga mga Israelinhon.

1 Mga Hari 16:2

“Gikuha ka nako gikan sa ubos nga kahimtang, ug gihimong pangulo sa akong katawhan nga mga Israelinhon. Apan gisunod mo ang binuhatan ni Jeroboam ug ikaw ang nahimong hinungdan sa pagpakasala sa akong katawhan, ug gipalagot mo ako tungod sa ilang mga sala.

2 Mga Hari 9:6

Mitindog dayon si Jehu ug misulod sa balay. Unya gibuboan siya sa propeta ug lana sa ulo, ug giingnan, “Mao kini ang giingon sa Ginoo, nga Dios sa Israel: ‘Gipili ka nako nga hari sa akong katawhan nga mga taga-Israel.

Job 1:21

Miingon siya, “Natawo ako nga walay dala ug mamatay usab ako nga walay dala. Ang Ginoo ang naghatag sa tanan nga anaa kanako, ug siya usab ang nagbawi. Dayegon ang ngalan sa Ginoo!”

Job 2:8

Nagkuha si Job ug tipak sa buak nga kolon ug gikagis sa iyang mga hubag-hubag samtang naglingkod siya sa abo.

Salmo 102:25

Kaniadto gibuhat mo ang kalibotan ug ang kalangitan.

Salmo 104:5

Gipahimutang mo ang kalibotan sa iyang pundasyon, ug dili kini matarog hangtod sa kahangtoran.

Salmo 107:41

Apan gihaw-as niya ang mga kabos gikan sa ilang mga pag-antos, ug gihimo niyang sama kadaghan sa panon sa mga hayop ang ilang mga pamilya.

Salmo 24:2

Kay siya ang nagmugna sa kalibotan diha sa lawom nga katubigan.

Salmo 75:3

Kon matay-og ang kalibotan ug mokurog sa kahadlok ang mga lumulupyo niini, ako ang nagpalig-on sa mga pundasyon niini.

Salmo 75:4

Miingon ako sa mga mapasigarbohon nga dili na sila magpasigarbo, ug sa mga daotan nga dili na nila ipasigarbo ang ilang katakos.

Salmo 75:7

kondili sa Dios lamang. Siya ang naghukom; ipaubos niya ang uban ug ang uban pasidunggan.

Ecclesiastes 4:14

Posible nga ang maong batan-on mahimong hari bisan ug napriso siya, ug mouswag bisan ug natawo siyang kabos.

Isaias 22:23

Ipahimutang ko siya nga malig-on diha sa iyang katungdanan sama sa sab-itanan diha sa dingding. Ug maghatag siyag dungog sa panimalay sa iyang amahan.

Daniel 2:48

Unya gipasidunggan pag-ayo sa hari si Daniel ug gihatagan ug daghang matahom nga mga gasa. Gihimo niya kini nga tigdumala sa tibuok nga probinsya sa Babilonia ug pangulo sa tanang maalamon sa Babilonia.

Daniel 4:17

“Mao kini ang hukom nga gipamantala sa mga anghel aron mahibaloan sa tanan nga ang Labing Halangdon nga Dios naggahom sa mga gingharian sa mga tawo. Ug mahimo niya kining ihatag kang bisan kinsa nga iyang magustohan, bisan pa sa pinakaubos nga tawo.

Daniel 6:3

Napakita ni Daniel nga mas maayo siya kay sa uban tungod sa iyang pinasahi nga abilidad, busa naghuna-huna ang hari nga padumalahon niya si Daniel sa tibuok niyang gingharian.

Mga Hebreo 1:3

Diha kaniya makita ang nagsidlak nga gahom sa Dios, ug kon unsa ang Dios mao usab siya. Siya mao ang nagbuot sa tanang mga butang sa tibuok kalibotan pinaagi sa iyang gamhanan nga pulong. Sa dihang nahinloan niya kita sa atong mga sala, milingkod siya sa tuong dapit aron magdumala kauban ang Dios.

Santiago 2:5

Paminaw kamong mga hinigugma ko nga mga kaigsoonan! Gipili sa Dios ang mga kabos dinhi sa kalibotan aron maadunahan sila sa pagtuo ug mahimong manununod sa gingharian nga iyang gisaad sa mga nahigugma kaniya.

Gipadayag 1:6

Gihimo niya kita nga mga hari ug mga pari alang sa pag-alagad sa Dios nga iyang Amahan. Iya ang himaya ug ang gahom nga walay kataposan. Amen.

Gipadayag 22:5

Wala nay gabii didto, busa dili na nila kinahanglanon ang mga suga o ang kahayag sa adlaw, kay ang Ginoong Dios mao na ang ilang kahayag. Ug magdumala sila isip mga hari sa walay kataposan.

Gipadayag 3:21

Ang mga nagmadinaugon palingkoron ko tapad kanako sa akong trono, sama kanako nga nagmadinaugon usab ug karon naglingkod tapad sa akong Amahan diha sa iyang trono.

Gipadayag 5:10

Gihimo mo silang mga hari ug mga pari sa pag-alagad sa atong Dios. Ug padumalahon mo sila sa kalibotan.”

1 Samuel 15:17

Miingon si Samuel, “Bisag giisip mo kaniadto ang imong kaugalingon nga ubos, gipili ka gihapon sa Ginoo nga mahimong hari sa mga tribo sa Israel.