1 Samuel 2:20 - Ang Pulong sa Dios

²⁰ Ug didto, bendisyonan ni Eli si Elkana ug ang iyang asawa nga nag-ingon, “Hinaut pa nga hatagan ikaw sa Ginoo ug dugang mga anak pinaagi niining imong asawa puli sa usa nga iyang gipangayo ug iya ra usab nga gihatag sa Ginoo.” Ug unya namauli sila.

Ang Biblia 2011

²⁰ Unya si Eli nagpanalangin kang Elkana ug sa iyang asawa ug miingon, “Ang Ginoo maghatag unta kanimo ug mga anak pinaagi niining babaye tungod sa gasa nga inyong gitugyan ngadto sa Ginoo.” Ug unya namauli sila ngadto sa ilang kaugalingong balay.

Maayong Balita Biblia

²⁰ Unya panalanginan ni Eli si Elcana ug ang iyang asawa ug ingnan niya sila, “Ang Ginoo maghatag unta kaninyog dugang mga anak tungod kay gihatag man ninyo si Samuel ngadto sa Ginoo.” Human niini namauli sila.

Ang Bag-ong Maayong Balita Biblia

²⁰ Unya panalanginan ni Eli si Elcana ug ang iyang asawa ug ingnan niya sila, “Ang Ginoo maghatag unta kaninyog dugang mga anak tungod kay gihatag man ninyo si Samuel ngadto sa Ginoo.” Human niini namauli sila.

1 Samuel 2:20 Cross References

Genesis 14:19

Gipanalanginan niya si Abram nga nag-ingon: “Hinaut pa nga panalanginan ka, Abram, sa Labing Halangdong Dios nga nagbuhat sa langit ug sa yuta.

Malaquias 2:15

Dili ba nga gihiusa na kamo sa Ginoo sa lawas ug espiritu aron mahimong iya? Ug nganong gihiusa niya kamo? Kay gusto niya nga makabaton kamo ug mga kabataan nga diosnon. Busa siguroha ninyo nga dili ninyo luiban ang asawa nga inyong gipakaslan sa batan-on pa kamo.

Lucas 2:34

Sa napanalanginan na sila ni Simeon, miingon si Simeon kang Maria nga inahan sa bata, “Kini nga bata gipili sa Dios aron sa pagpaubos ug sa pagpataas sa daghan nga tawo sa Israel. Mahimo siyang ilhanan nga gikan sa Dios.

Ruth 2:12

Hinaut nga gantihan ka sa Ginoo sa imong gihimo. Hinaut nga dako nga ganti ang imong madawat gikan sa Ginoo, nga Dios sa Israel, nga imong gidangpan.”

Ruth 4:11

Mitubag ang mga tigdumala sa lungsod ug ang tanang mga tawo didto sa pultahan, “Oo, mga saksi kami. Hinaut pa nga ang imong pangasaw-onon himuon sa Ginoo nga sama kang Raquel ug kang Lea nga nanganak ug daghan, nga maoy nahimong mga katawhan sa Israel. Hinaut nga maadunahan ka sa Efrata ug mahimong bantogan sa Betlehem.

1 Samuel 1:11

Nanaad si Hana sa Ginoo nga nag-ingon, “O Ginoo nga Makagagahom, tan-awa ang akong pag-antos. Hinumdomi ako nga imong sulugoon ug ayaw gayod ako kalimti. Kon hatagan mo akog anak nga lalaki, ihatag ko siya pagbalik kanimo aron mag-alagad siya kanimo sa tibuok niyang kinabuhi, ug dili ko paputlan ang iyang buhok.”