1 Samuel 19:1 - Ang Pulong sa Dios

¹ Unya, gisugo ni Saulo si Jonatan ug ang tanan niyang alagad nga patyon si David. Apan gimahal gayod ni Jonatan si David,

Ang Biblia 2011

¹ Unya si Saul misulti kang Jonatan nga ang iyang anak ug sa tanan niyang mga sulugoon nga ilang patyon si David. Apan si Jonatan nga anak ni Saul nalipay pag-ayo kang David.

Maayong Balita Biblia

¹ Unya gisugo ni Saul si Jonatan nga iyang anak ug ang tanan niyang mga sulugoon sa pagpatay kang David. Apan si Jonatan nagmahal pag-ayo kang David.

Ang Bag-ong Maayong Balita Biblia

¹ Unya gisugo ni Saul si Jonatan nga iyang anak ug ang tanan niyang mga sulugoon sa pagpatay kang David. Apan si Jonatan nagmahal pag-ayo kang David.

1 Samuel 19:1 Cross References

Genesis 37:18

Layo pa si Jose nakita na siya sa iyang mga igsoon. Ug sa wala pa siya makaabot, nagplano na sila sa pagpatay kaniya.

2 Samuel 4:8

Pag-abot nila sa Hebron, gidala nila ang ulo ni Isboset kang David ug miingon sila kaniya, “Ania ang ulo ni Isboset nga anak sa imong kaaway nga si Saulo nga nagtinguha sa pagpatay kanimo. Karong adlawa nanimalos ang Ginoo alang kanimo batok kang Saulo ug sa iyang mga kaliwat.”

1 Samuel 18:1

Human magkasulti si David ug si Saulo, nagkasuod na dayon si David ug ang anak ni Saulo nga si Jonatan. Gimahal pag-ayo ni Jonatan si David sama sa pagmahal niya sa iyang kaugalingon.

1 Samuel 18:25

miingon si Saulo, “Ingna ninyo si David nga ang pangayoon ko lang ingon nga bayad sa pagpakasal niya sa akong anak mao ang panit sa tumoy sa kinatawo sa 100 ka mga Filistihanon, ingon nga akong panimalos ngadto kanila nga akong mga kaaway.” Mao kadto ang plano ni Saulo aron mapatay si David sa mga Filistihanon.

1 Samuel 18:3

Naghimo si Jonatan ug pakigsaad kang David nga mag-inunongay sila hangtod sa kahangtoran, tungod kay gimahal niya kaayo si David sama sa pagmahal niya sa iyang kaugalingon.

1 Samuel 18:8

Nasuko pag-ayo si Saulo sa dihang nadunggan niya ang ilang awit. Miingon siya sa iyang kaugalingon, “Nag-ingon sila nga tinag-pulo ka libo ang napatay ni David apan ang ako linibo lang. Sa sunod himuon na nila siyang hari.”

1 Samuel 18:9

Busa sukad niadto ginapanid-an na ni Saulo si David tungod kay nasina siya niini.

1 Samuel 19:2

busa gipahimangnoan niya si David. Miingon siya, “Nangita ug higayon ang akong amahan sa pagpatay kanimo, busa magbantay ka gayod. Ugma sa buntag, tago sa usa ka dapit sa uma, ug ayaw pagbiya didto.

1 Samuel 20:1

Unya, miikyas si David gikan sa Nayot sa Rama ug miadto kang Jonatan ug nangutana, “Unsa ba ang sala nga akong nahimo ngadto sa imong amahan nga buot man niya akong patyon?”

1 Samuel 20:19

Sunod adlaw, inigkagabii na, adto sa uma nga imong gitagoan kaniadto. Paghulat didto sa may bato sa Ezel.