1 Samuel 18:1 - Ang Pulong sa Dios

¹ Human magkasulti si David ug si Saulo, nagkasuod na dayon si David ug ang anak ni Saulo nga si Jonatan. Gimahal pag-ayo ni Jonatan si David sama sa pagmahal niya sa iyang kaugalingon.

Ang Biblia 2011

¹ Unya sa pagkahuman ni David ug pakigsulti kang Saul, ang kalag ni Jonatan nahiusa sa kalag ni David ug si Jonatan nahigugma kaniya ingon sa iyang kaugalingong kalag.

Maayong Balita Biblia

¹ Human si David makigsulti kang Saul, nagkasuod pag-ayo si Jonatan ug si David.

Ang Bag-ong Maayong Balita Biblia

¹ Human si David makigsulti kang Saul, nagkasuod pag-ayo si Jonatan ug si David.

1 Samuel 18:1 Cross References

Genesis 44:30

“Busa, ang kinabuhi sa among amahan nabugkos sa kinabuhi sa among kamanghoran. Kon mopauli kami nga dili namo siya kauban,

2 Samuel 1:26

Nagbangotan gayod ako tungod kanimo, Jonatan, nga akong igsoon! Gimahal ko gayod ikaw, ug ang imong gugma kanako labaw pa kay sa gugma sa mga babaye.

1 Cronicas 12:17

Migawas si David sa pagtagbo kanila ug miingon, “Kon mianhi kamo aron sa pagtabang kanako ingon nga higala, dawaton ko kamo ug maghiusa kita. Apan kon mianhi kamo aron sa pagtugyan kanako ngadto sa akong mga kaaway bisan wala akoy gihimong daotan, hinaut pa nga makita kini sa Dios sa atong mga katigulangan ug silotan niya kamo.”

Salmo 86:11

Tudloi ako, Ginoo, sa imong pamaagi, ug tumanon ko kini nga matinud-anon kanimo. Tabangi ako nga mahimong matinud-anon sa akong pagtahod kanimo.

Mga Panultihon 18:24

Adunay panaghigalaay nga dili molungtad, apan aduna usab panaghigalaay nga mas suod pa kaysa managsoon.

Deuteronomio 13:6

“Kon pananglit ang imong igsoon o anak o ang imong pinalanggang asawa o ang imong labing suod nga higala modani kanimo sa sekreto ug moingon, ‘Mosimba kita sa ubang mga dios’ (mga dios nga wala nimo mailhi ug sa imong mga katigulangan,

Mga Taga-Colosas 2:2

Gihimo ko kini aron madasig kamo ug lakip usab sila. Gitudloan ko kamo nga adunay paghigugma, ug gipaabot ko nga masabtan gayod ninyo ug masayran ang tinago nga plano sa Dios bahin kang Cristo,

Mga Maghuhukom 20:11

Busa nagkahiusa ang kalalakin-an sa Israel sa pagsulong sa Gibea.

1 Samuel 14:45

Apan miingon ang mga tawo kang Saulo, “Si Jonatan ang nagpadaog kanato, ug karon ato siyang patyon? Dili mahimo! Manaad kami sa buhi nga Ginoo nga dili gayod siya maunsa, kay ang Dios ang nagtabang kaniya sa gihimo niya karong adlawa.” Busa wala patya si Jonatan, kay giluwas siya sa mga tawo.

1 Samuel 18:3

Naghimo si Jonatan ug pakigsaad kang David nga mag-inunongay sila hangtod sa kahangtoran, tungod kay gimahal niya kaayo si David sama sa pagmahal niya sa iyang kaugalingon.

1 Samuel 19:1

Unya, gisugo ni Saulo si Jonatan ug ang tanan niyang alagad nga patyon si David. Apan gimahal gayod ni Jonatan si David,

1 Samuel 19:2

busa gipahimangnoan niya si David. Miingon siya, “Nangita ug higayon ang akong amahan sa pagpatay kanimo, busa magbantay ka gayod. Ugma sa buntag, tago sa usa ka dapit sa uma, ug ayaw pagbiya didto.

1 Samuel 20:17

Gipasaad pag-usab ni Jonatan si David sa pagmahal kaniya, tungod kay gimahal gayod niya si David sama sa pagmahal niya sa iyang kaugalingon.

1 Samuel 20:8

Kon mahimo, tabangi ako ingon nga pagpamatuod sa imong gipanumpa kanako atubangan sa Ginoo. Apan kon nakasala gayod ako, ikaw na mismo ang mopatay kanako. Nganong itugyan mo pa ako sa imong amahan?”

1 Samuel 22:8

Mao ba kana nga tanan kamo nagplano ug daotan batok kanako? Wala gayoy nagsulti kanako nga ang akong anak naghimo ug kasabotan uban kang David. Wala gayod kamo mabalaka kanako, kay wala gayoy usa nga misulti kanako nga giaghat sa akong anak ang akong alagad nga si David sa pagpatay kanako sama sa iyang gihimo karon.”

1 Samuel 23:18

Naghimo silang duha ug kasabotan sa presensya sa Ginoo. Unya mipauli si Jonatan, apan si David nagpabilin sa Horesh.