1 Samuel 17:22 - Ang Pulong sa Dios

²² Gibilin ni David ang iyang mga dala sa tigdumala sa mga kinahanglanon sa mga sundalo, ug midagan ngadto sa awayanan ug nangumusta sa iyang mga igsoon.

Ang Biblia 2011

²² Ug si David mibilin sa iyang dala ngadto sa tigbantay sa mga dala, ug midagan ngadto sa panon sa kasundalohan ug nakighimamat sa iyang mga igsoon.

Maayong Balita Biblia

²² Unya gibilin ni David ang iyang dala sa tigbantay sa mga butang ug midagan siya ngadto sa kasundalohan aron paghimamat sa iyang mga igsoon.

Ang Bag-ong Maayong Balita Biblia

²² Unya gibilin ni David ang iyang dala sa tigbantay sa mga butang ug midagan siya ngadto sa kasundalohan aron paghimamat sa iyang mga igsoon.

1 Samuel 17:22 Cross References

2 Samuel 11:7

Pag-abot ni Uria, gipangutana siya ni David kon kumusta si Joab, ang mga sundalo, ug ang ilang pagpakig-gira.

Exodo 18:7

Busa gitagbo ni Moises ang iyang ugangan, ug miyukbo siya ug mihalok agig pagtahod kaniya. Nagkinumustahanay sila ug unya nanulod sa tolda.

Isaias 10:28

Gisulong sa mga taga-Asiria ang Ayat. Didto sila nangagi sa Migron ug gibilin nila sa Mikmas ang ilang mga dala.

Mga Maghuhukom 18:15

Mihapit sila sa balay ni Micas ug nangumusta sa Levita nga nagpuyo didto.

Mga Maghuhukom 18:21

Sa naglakaw sila, gauna kanila ang ilang mga kabataan, mga kahayopan, ug mga kagamitan.

1 Samuel 17:21

Ug nag-atubangay ang mga Israelinhon ug ang mga Filistihanon nga andam na sa pagpakig-gira.

1 Samuel 25:5

Busa nagpadala siyag napulo ka batan-ong lalaki sa Carmel. Gisugo niya sila nga isulti kini nga mensahe kang Nabal: “Kumusta! Hinaut nga maangkon mo ang taas nga kinabuhi. Ug hinaut nga maayo ang imong kahimtang ug ang kahimtang sa imong tibuok panimalay, ug ang tanan nga anaa uban kanimo.

1 Samuel 30:21

Sa dihang nakabalik na sila si David sa Walog sa Besor, gitagbo sila niadtong 200 niya ka mga tawo nga nagpabilin tungod sa labihang kakapoy. Nagpaduol sila si David sa ila ug gipangumusta niya sila.