1 Samuel 17:13 - Ang Pulong sa Dios

¹³ Ang tulo niya ka magulang nga anak miuban kang Saulo sa gira. Ang kamagulangan mao si Eliab, ang ikaduha si Abinadab, ug ang ikatulo si Shama.

Ang Biblia 2011

¹³ Ug ang tulo ka kamagulangang anak nga lalaki ni Jesse misunod kang Saul sa gubat, ug ang ngalan sa tulo niya ka anak nga miadto sa gubat mao si Eliab, ang kamagulangan, ug ang sunod si Abinadab, ug ang ikatulo si Samma.

Maayong Balita Biblia

¹³ Ang tulo ka magulang nga anak ni Jesse mikuyog kang Saul sa panggubatan. Sila mao si Eliab, ang kamagulangan, si Abinadab, ang sunod, ug dayon si Sama.

Ang Bag-ong Maayong Balita Biblia

¹³ Ang tulo ka magulang nga anak ni Jesse mikuyog kang Saul sa panggubatan. Sila mao si Eliab, ang kamagulangan, si Abinadab, ang sunod, ug dayon si Sama.

1 Samuel 17:13 Cross References

2 Samuel 13:3

Adunay amigo si Amnon nga ginganlan ug Jonadab. Maro kaayo kining tawhana. Anak siya sa igsoon ni David nga si Shimea.

2 Samuel 13:32

Apan miingon si Jonadab nga anak sa igsoon ni David nga si Shimea, “Mahal nga Hari, ayaw pagtuo nga gipamatay ang tanan mong mga anak nga lalaki, si Amnon lang ang gipatay. Sukad sa adlaw nga gipakaulawan ni Amnon ang iyang igsoon nga si Tamar, nagtinguha na si Absalom sa pagpatay kaniya.

2 Samuel 21:21

Sa dihang gibugal-bugalan niya ang mga Israelinhon, gipatay siya ni Jonatan nga anak sa igsoon ni David nga si Shimea.

1 Cronicas 2:13

Ang kamagulangan nga anak ni Jesse mao si Eliab, ang ikaduha mao si Abinadab, ang ikatulo mao si Shimea,

1 Samuel 17:28

Sa dihang nadunggan ni Eliab, ang kamagulangang igsoon ni David, nga nakigsulti si David sa mga tawo, nasuko siya pag-ayo. Miingon siya kang David, “Nganong mianhi ka dinhi? Kinsay gipabantay mo sa pipila lang kabuok natong karnero sa kamingawan? Mianhi ka lang aron sa pagtan-aw ug gira! Ngano si kinsa ka ba? Kahambogiro gud nimo.”