1 Samuel 16:7 - Ang Pulong sa Dios

⁷ Apan miingon ang Ginoo kang Samuel, “Ayaw basihi ang iyang hitsura o ang iyang gitas-on. Dili siya ang akong gipili. Dili ako sama sa tawo. Ang tawo nagtan-aw sa hitsura, apan ako nagtan-aw sa kasing-kasing.”

Ang Biblia 2011

⁷ Apan ang Ginoo miingon kang Samuel, “Ayaw pagtan-aw sa iyang nawong o sa gitas-on sa iyang barog tungod kay ako nagsalikway kaniya, kay ang Ginoo nagtan-aw dili ingon sa makita sa tawo, kay ang tawo nagtan-aw sa panagway sa gawas apan ang Ginoo nagtan-aw sa kasingkasing.”

Maayong Balita Biblia

⁷ Apan ang Ginoo miingon kang Samuel, “Ayaw pagtan-aw sa iyang panagway o sa iyang pamarog kay dili siya maoy akong gipili. Ang akong paghukom dili sama sa paghukom sa tawo kay ang tan-awon sa tawo mao ang panagway apan ang tan-awon sa Ginoo mao ang kasingkasing.”

Ang Bag-ong Maayong Balita Biblia

⁷ Apan ang Ginoo miingon kang Samuel, “Ayaw pagtan-aw sa iyang panagway o sa iyang pamarog kay dili siya maoy akong gipili. Ang akong paghukom dili sama sa paghukom sa tawo kay ang tan-awon sa tawo mao ang panagway apan ang tan-awon sa Ginoo mao ang kasingkasing.”

1 Samuel 16:7 Cross References

Genesis 4:5

apan wala siya malipay kang Cain ug sa iyang halad. Ug tungod niini, nasuko pag-ayo si Cain ug nagmug-ot.

2 Samuel 14:25

Walay makatupong sa kaguwapo ni Absalom sa tibuok Israel, busa ginadayeg gayod siya sa tanan. Wala gayod siyay deperensya gikan sa ulo hangtod sa lapa-lapa.

2 Samuel 7:20

“Unsa pa may akong ikasulti kanimo, Ginoong Dios, nga nasayod ka man kon kinsa gayod ako nga imong alagad?

1 Mga Hari 8:39

pamatia sila diha sa imong puloy-anan sa langit. Pasayloa sila, ug himoa sa matag-usa kanila ang angay sa ilang mga binuhatan, kay ikaw lamang gayod ang nasayod kon unsay anaa sa kasing-kasing sa tanang mga tawo.

1 Cronicas 17:18

“Unsa pa may akong ikasulti sa pagpasidungog mo kanako? Nasayod ka kon kinsa ako nga imong alagad.

1 Cronicas 28:9

“Ug ikaw, Solomon nga akong anak, ilha ug alagari ang Dios sa imong amahan sa tibuok mong kasing-kasing ug huna-huna, kay nakita sa Ginoo ang matag kasing-kasing ug nahibalo siya sa atong motibo ug huna-huna. Kon modangop ka kaniya, tabangan ka niya; apan kon mobiya ka kaniya, isalikway ka niya hangtod sa kahangtoran.

2 Cronicas 16:9

Kay nagtan-aw ang Ginoo sa tibuok kalibotan aron paglig-on sa mga tawo nga matinud-anon gayod kaniya. Binuang ang imong gihimo! Busa sukad karon kanunay ka nang makig-gira.”

2 Cronicas 6:30

pamatia sila diha sa imong puloy-anan sa langit. Pasayloa sila, ug himoa sa matag-usa kanila ang angay sa ilang mga binuhatan, kay ikaw lamang gayod ang nasayod kon unsay anaa sa kasing-kasing sa tawo.

Job 10:4

Ang pagtan-aw mo ba sama sa pagtan-aw sa tawo?

Job 35:5

Hangad sa langit ug tan-awa ang mga panganod ibabaw nimo.

Salmo 139:2

Nahibalo ka kon kanus-a ako molingkod o motindog. Bisan anaa ikaw sa halayo nasayod ka sa tanan kong gihuna-huna.

Salmo 7:9

Santaa ang daotang binuhatan sa mga tawong daotan, ug panalangini ang mga matarong, kay ikaw matarong man nga Dios, ug imong ginasusi ang among mga huna-huna ug mga kasing-kasing.

Mga Panultihon 15:11

Kon nahibalo ang  Ginoo kon unsay nangahitabo sa dapit sa mga patay, mas labaw pa siyang nahibalo kon unsay anaa sa kasing-kasing sa tawo.

Mga Panultihon 16:2

Sa atong huna-huna husto na gayod ang tanan natong ginahimo, apan ang  Ginoo ray makahukom kon unsay atong tumong.

Mga Panultihon 24:12

Moingon ka nga wala ka mahibalo bahin niini, apan nahibalo ang Dios kon nagsulti ka sa tinuod o wala. Nagbantay siya kanimo ug nakahibalo siya kon unsay anaa sa imong huna-huna. Balosan ka niya sumala sa imong binuhatan.

Mga Panultihon 31:30

Ang pagkamadanihon malimbongon, ug ang katahom lumalabay lang; apan ang babaye nga nagtahod sa Ginoo angay nga dayegon.

Jeremias 11:20

Apan nag-ampo ako, “O Ginoo nga Makagagahom, matarong ang imong paghukom, ug nasayod ka sa huna-huna ug kasing-kasing sa tawo. Pakit-a ako nga imo silang panimaslan, kay gitugyan ko na kanimo ang akong reklamo.”

Jeremias 17:10

“Ako, ang  Ginoo, gasusi sa kasing-kasing ug huna-huna sa tawo. Ihatag ko sa matag-usa ang angay sa iyang batasan ug binuhatan.”

Jeremias 20:12

O Ginoo nga Makagagahom, nasayod ka kon kinsa ang matarong. Nasayod ka sa kasing-kasing ug huna-huna sa tawo. Ipakita kanako ang pagpanimalos mo kanila, kay gitugyan ko kanimo ang akong pagpakigbisog.

Lucas 16:15

Miingon si Jesus kanila, “Nagpakaaron-ingnon lang kamo sa mga tawo nga maayo kamo. Apan nahibaloan sa Dios kon unsa ang anaa sa inyong kasing-kasing. Kay ang gipalabi sa tawo gidumtan sa Dios.

Juan 7:24

Ayaw una kamo paghukom nga daotan ang gibuhat sa tawo kon wala pa ninyo kini masusi. Susiha una aron masayran ninyo ang tinuod.”

Juan 8:15

Ang inyong paghukom dili kasaligan tungod kay sumala lang kana sa tawhanong panghuna-huna. Apan ako wala maghukom kang bisan kinsa.

Mga Buhat 1:24

Unya nag-ampo sila, “Ginoo, ikaw ang nakahibalo sa kasing-kasing sa tanang mga tawo. Busa ipakita kanamo kon kinsa niining duha ang imong gipili

2 Mga Taga-Corinto 10:10

Kay ang uban diha kaninyo nag-ingon nga isog lang ako kon sa sulat, apan kon nag-atubang na gani huyang ako ug walay bili ang akong mga gipanulti.

2 Mga Taga-Corinto 10:7

Huna-hunaa ninyo pag-ayo. Kon adunay nagtuo nga siya iya ni Cristo, angay niyang huna-hunaon nga kami iya pud ni Cristo.

Mga Hebreo 4:13

Walay makatago gikan sa Dios; ang tanan makita niya ug dayag gayod sa iyang panan-aw, ug kaniya kita mohatag ug husay sa atong mga binuhatan.

1 Pedro 2:4

Siya ang buhing bato nga gisalikway sa mga tawo, apan gipili sa Dios ug bililhon alang kaniya. Ug samtang nagduol kamo kaniya,

1 Pedro 3:4

kondili patahomon ninyo ang sulod sa inyong kasing-kasing, sa maayo nga pamatasan nga dili gayod mausab. Magmalumo kamo ug magbinuotan. Mao kini ang bililhon alang sa Dios.

Gipadayag 2:23

Pamatyon ko ang iyang mga sumusunod, aron masayran sa tanang mga tumutuo nga nasayod ako sa mga huna-huna ug mga pangandoy sa mga tawo. Balosan ko ang matag-usa kaninyo sumala sa inyong mga binuhatan.

1 Samuel 2:3

Undangi na ninyo ang pagkamapasigarbohon ug pagkamapahitas-on kay ang Ginoong Dios nga nahibalo sa tanan, ug ginatimbang-timbang niya ang mga binuhatan sa tawo.

1 Samuel 9:2

Si Kish adunay anak nga si Saulo. Batan-on pa si Saulo, ug siya ang pinakaguwapo ug pinakataas nga tawo sa Israel.