1 Samuel 16:18 - Ang Pulong sa Dios

¹⁸ Mitubag ang usa sa iyang mga alagad, “Ang anak ni Jesse nga taga-Betlehem maayong motukar ug harpa, ug dili kay kana lang, isog siya ug maayong makig-away. Guwapo siya ug maayong manulti, ug nag-uban kaniya ang Ginoo.”

Ang Biblia 2011

¹⁸ Unya mitubag ang usa sa mga batan-ong lalaki, “Nakita nako ang usa ka anak ni Jesse nga taga-Betlehem, batid nga motugtog, isog nga tawo, tawo sa gubat, ugdang nga manulti, maayo ug barog ug ang Ginoo nag-uban kaniya.”

Maayong Balita Biblia

¹⁸ Usa sa mga batan-on miingon, “Nasayod ako nga usa sa mga anak ni Jesse nga taga-Betlehem maayong motugtog ug alpa. Batan-on pa siya, isog, ugdang nga manulti, maayog barog ug nag-uban kaniya ang Ginoo.”

Ang Bag-ong Maayong Balita Biblia

¹⁸ Usa sa mga batan-on miingon, “Nasayod ako nga usa sa mga anak ni Jesse nga taga-Betlehem maayong motugtog ug alpa. Batan-on pa siya, isog, ugdang nga manulti, maayog barog ug nag-uban kaniya ang Ginoo.”

1 Samuel 16:18 Cross References

Genesis 39:2

Giubanan gayod sa Ginoo si Jose, busa nagmauswagon siya. Didto siya mipuyo sa balay sa iyang agalon nga Ehiptohanon nga si Potifar.

Genesis 39:23

Wala na maghuna-huna pa ang tigdumala sa prisohan bahin sa mga butang nga gitugyan niya kang Jose, tungod kay uban ang Ginoo kang Jose ug gihatagan siya sa Ginoo ug kalamposan sa tanan niyang gihimo.

2 Samuel 14:20

Gihimo niya kini aron mahibalik ang maayo ninyong relasyon ni Absalom. Apan nasabtan mo kini, Mahal nga Hari, kay sama ikaw sa anghel sa Dios nga nasayod sa tanang nahitabo sa atong nasod.”

2 Samuel 17:10

Unya bisan ang labing isog mong mga sundalo, nga sama kaisog sa liyon, mahadlok. Kay nahibalo ang tanang Israelinhon nga ang imong amahan hanas sa pagpakig-away ug isog ang iyang mga tawo.

2 Samuel 17:8

Nakaila ka sa imong amahan ug sa iyang mga tawo; mga maisog sila nga sundalo ug bangis sama sa oso nga giilogan ug mga anak. Gawas pa niana, ang imong amahan hanas sa pagpakig-away, ug dili siya makig-uban ug katulog sa iyang mga tawo.

Mga Panultihon 12:8

Ginapasidunggan ang tawong maalamon, apan ginatamay ang tawong baliko ug utok.

Mateo 1:23

“Magmabdos ang usa ka dalagang putli, ug manganak siyag usa ka bata nga lalaki. Ug ang maong bata pagatawgon nga Emmanuel” (nga ang buot ipasabot, “Ang Dios uban kanato”).

Mateo 28:20

Tudloi ninyo sila sa pagtuman sa tanan nga akong gisugo kaninyo. Hinumdomi ninyo nga kauban ninyo ako kanunay hangtod sa kataposan sa kalibotan.”

1 Samuel 10:7

Kon matuman na kining tanan, himoa kon unsa ang maayo, kay ang Dios mag-uban kanimo.

1 Samuel 16:12

Busa gipatawag ni Jesse si David, ug gipaadto didto kanila. Guwapo siya, nindot ang iyang mga mata, ug pulahon ang iyang nawong. Unya miingon ang Ginoo kang Samuel, “Dihogi siya sa lana kay siya ang akong gipili.”

1 Samuel 16:17

Busa miingon si Saulo sa iyang mga alagad, “Sige, pangita kamo ug tawo nga maayong motukar ug harpa ug dad-a ninyo siya dinhi kanako.”

1 Samuel 16:19

Busa nagpadala si Saulo ug mga mensahero kang Jesse aron sa pagsulti nga paadtoon kaniya ang anak niini nga si David nga magbalantay sa mga karnero.

1 Samuel 17:12

Unya, adunay anak si Jesse nga si David. Si Jesse usa ka Efratanhon nga nagpuyo sa Betlehem nga sakop sa Juda. Tigulang na siya sa panahon ni Saulo. Aduna siyay walo ka anak nga lalaki.

1 Samuel 3:19

Nagtubo si Samuel nga giniyahan sa Ginoo; ug natuman ang tanang gisulti ni Samuel.