1 Samuel 16:12 - Ang Pulong sa Dios

¹² Busa gipatawag ni Jesse si David, ug gipaadto didto kanila. Guwapo siya, nindot ang iyang mga mata, ug pulahon ang iyang nawong. Unya miingon ang Ginoo kang Samuel, “Dihogi siya sa lana kay siya ang akong gipili.”

Ang Biblia 2011

¹² Iyang gipasugoan ug gidala siya sa sulod. Pulahon siya ug nawong ug nindot ang iyang mga mata ug ambongan. Ug ang Ginoo miingon, “Tindog, dihogi siya kay mao kini siya.”

Maayong Balita Biblia

¹² Busa gipakuha ni Jesse ang kamanghoran. Pulapula siyag nawong, nindot siyag mata ug guwapo. Miingon ang Ginoo kang Samuel, “Sigi, dihogi siya, kay mao kini siya ang akong gipili.”

Ang Bag-ong Maayong Balita Biblia

¹² Busa gipakuha ni Jesse ang kamanghoran. Pulapula siyag nawong, nindot siyag mata ug guwapo. Miingon ang Ginoo kang Samuel, “Sigi, dihogi siya, kay mao kini siya ang akong gipili.”

1 Samuel 16:12 Cross References

Genesis 39:6

Gitugyan ni Potifar ang tanan kang Jose ug wala na siyay gikabalak-an pa gawas sa paghuna-huna kon unsay iyang kaonon. Guwapo si Jose ug maayog barog.

2 Samuel 23:1

Si David nga anak ni Jesse gihimong bantogan sa Labing Halangdong Dios. Gipili siya sa Dios ni Jacob nga mahimong hari, ug siya ang nagsulat sa maanindot nga mga awit sa taga-Israel. Mao kini ang kataposan niyang mga pulong:

2 Samuel 7:8

“Sultihi usab si David nga ako, ang Ginoo nga Makagagahom, nag-ingon, ‘Magbalantay ka kaniadto sa mga karnero, apan gipili ka nako nga magdumala sa akong katawhan nga mga Israelinhon.

1 Mga Hari 1:34

ug didto dihogan ni Sadok ug ni Natan ug lana ang ulo ni Solomon sa pagpaila nga siya ang pinili nga hari sa Israel. Unya patingoga ninyo ang budyong ug singgit kamo, ‘Malungtarong kinabuhi alang sa Mahal nga Haring Solomon!’

Salmo 2:2

Ang ilang mga hari ug mga pangulo nagtigom ug nangandam sa pagpakig-gira sa Ginoo ug sa hari nga iyang pinili.

Salmo 2:6

Miingon siya, “Gipahimutang ko na sa Zion, nga akong balaang bungtod, ang hari nga akong pinili.”

Salmo 78:70

Gipili sa Dios si David nga mahimong iyang alagad. Gikuha niya siya gikan sa pagkamagbalantay sa karnero ug gihimong hari sa Israel, ang katawhan nga iyang gipanag-iyahan. Sama sa usa ka magbalantay sa mga karnero.

Exodo 2:2

Namabdos ang maong babaye ug nanganak ug batang lalaki. Sa dihang nakita niya nga maayog panglawas ang bata, gitagoan niya kini sulod sa tulo ka bulan.

Awit sa mga Awit 5:10

Guwapo ug himsog ang akong hinigugma. Madanihon siya, ug walay sama kaniya sa liboan ka mga kalalakin-an.

Mga Pagbangotan 4:7

Kaniadto, ang mga pangulo sa Jerusalem lig-on ug maayo gayod ug mga lawas. Sinaw ang ilang kaputi sama sa snow o gatas. Mapula-pula ang ilang pamanit sama sa mahalong bato.

Zacarias 4:14

Busa miingon siya, “Nagkahulogan kana sa duha ka tawo nga gipili aron sa pag-alagad sa Ginoo nga naggahom sa tibuok kalibotan.”

Mga Buhat 4:27

Natuman na karon ang imong gisulti niadtong unang panahon tungod kay dinhi gayod sa Jerusalem ang mga katawhan sa Israel ug mga dili Judio, apil si Herodes nga hari ug si Pilato nga gobernador nagkauyon nga batokan ang imong balaan nga sulugoon nga si Jesus nga imong gipili nga mahimong hari.

Mga Buhat 7:20

“Mao kadtong higayona nga natawo usab si Moises, usa ka bata nga nahimut-an sa Dios. Giatiman siya sa iyang mga ginikanan sa ilang balay sulod sa tulo ka bulan.

Mga Hebreo 11:23

Tungod sa pagtuo, ang mga ginikanan ni Moises wala mahadlok sa pagsupak sa sugo sa hari, tungod kay sa dihang nakita nila nga matahom ang ilang anak gitago nila kini sulod sa tulo ka bulan.

1 Samuel 16:18

Mitubag ang usa sa iyang mga alagad, “Ang anak ni Jesse nga taga-Betlehem maayong motukar ug harpa, ug dili kay kana lang, isog siya ug maayong makig-away. Guwapo siya ug maayong manulti, ug nag-uban kaniya ang Ginoo.”

1 Samuel 17:42

Sa dihang naklaro ni Goliat nga si David usa lang ka batan-on nga guwapo, ug pulahon ug aping, gibiay-biay niya kini.

1 Samuel 17:55

Niadtong nakita ni Saulo si David nga nagpaduol kang Goliat aron makig-away, nangutana siya kang Abner nga komander sa mga sundalo, “Abner, kang kinsang anak kana nga batan-on?” Mitubag si Abner, “Wala gayod ako mahibalo, Mahal nga Hari.”

1 Samuel 9:17

Sa dihang nakita ni Samuel si Saulo, miingon ang Ginoo kang Samuel, “Siya ang tawo nga giingon ko kanimo. Siya ang mangulo sa akong katawhan.”