1 Samuel 15:12 - Ang Pulong sa Dios

¹² Sayo pa kaayo pagkasunod adlaw, mibangon si Samuel ug milakaw aron sa pagpakigkita kang Saulo. Apan adunay nakasulti kaniya, “Miadto si Saulo sa Carmel aron magpatindog didto ug monumento alang sa iyang kadungganan, ug pagkahuman moadto siya sa Gilgal.”

Ang Biblia 2011

¹² Ug si Samuel mibangon ug sayo aron pagsugat kang Saul sa pagkabuntag ug kini gisugilon kang Samuel, “Si Saul miadto sa Carmel, ug nagpatindog siya ug usa ka monyumento alang sa iyang kaugalingon, ug mitalikod ug milakaw ug milugsong ngadto sa Gilgal.”

Maayong Balita Biblia

¹² Sa pagkabuntag, misayo pagmata si Samuel aron pagpakigsulti kang Saul apan gibalitaan si Samuel nga miadto si Saul sa Carmel ug didto naghimog monumento alang sa iyang kaugalingon ug unya milahos siya sa Gilgal.

Ang Bag-ong Maayong Balita Biblia

¹² Sa pagkabuntag, misayo pagmata si Samuel aron pagpakigsulti kang Saul apan gibalitaan si Samuel nga miadto si Saul sa Carmel ug didto naghimog monumento alang sa iyang kaugalingon ug unya milahos siya sa Gilgal.

1 Samuel 15:12 Cross References

Genesis 21:14

Pagkaugma, sayo kaayong mikuha si Abraham ug pagkaon ug tubig nga nasulod sa panit nga sudlanan, ug gibutang niya kini sa abaga ni Hagar. Unya gipalakaw niya si Hagar uban sa bata. Nagbaklay sila sa kamingawan sa Beersheba nga wala masayod kon asa sila paingon.

2 Samuel 18:18

Niadtong buhi pa si Absalom nagpatindog siyag monumento alang sa iyang kaugalingon didto sa Walog sa Hari, tungod kay miingon siya, “Wala akoy anak nga lalaki nga modala sa akong ngalan.” Ginganlan niya kadto ug “Monumento ni Absalom,” ug mao gihapon ang ngalan niini hangtod karon.

2 Samuel 23:35

si Hezro nga taga-Carmel; si Paarai nga taga-Arba;

1 Mga Hari 18:42

Busa milakaw si Ahab aron mokaon ug moinom, apan si Elias mitungas sa tumoy sa Carmel ug nag-ampo, nga nagluhod ug nagyukbo sa yuta.

2 Cronicas 26:10

Nagpatukod usab siyag mga tore sa kamingawan ug nagpakalot ug daghan mga bangag nga pundohanan ug tubig, tungod kay daghan siyag mga kahayopan sa kabungtoran sa kasadpan ug sa kapatagan. Mahiligon usab siya sa pagpanguma. Aduna siyay mga tawo nga nag-atiman sa iyang uma ug tamnanan sa ubas sa kabungtoran ug sa kapatagan.

Josue 15:55

Ang Maon, Carmel, Zif, Juta,

1 Samuel 13:12

Nakahuna-huna ako nga tingalig mosulong kanamo ang mga Filistihanon dinhi sa Gilgal ug wala pa ako makahalad sa Ginoo sa pagpangayo kaniya ug tabang. Busa napugos ako paghalad sa halad nga sinunog.”

1 Samuel 13:15

Unya mibiya si Samuel sa Gilgal ug miadto sa Gibea nga sakop sa yuta sa Benjamin. Giihap ni Saulo ang nahibilin niyang mga tawo; mga 600 silang tanan.

1 Samuel 17:20

Busa sa pagkasunod nga adlaw, sayo pa kaayong mibangon si David ug giandam ang pagkaon nga iyang dad-onon. Gibilin niya ang mga karnero sa usa ka magbalantay, ug unya milakaw siya sumala sa giingon sa iyang amahan. Sa pag-abot niya sa kampo sa mga Israelinhon, mao usay pagpanggawas sa mga sundalo nga nagsinggit sa pagpakig-gira.

1 Samuel 25:2

Didto sa Maon adunay usa ka tawo nga adunahan kaayo, nga adunay yuta sa Carmel. Adunay 1,000 siya ka kanding, ug 3,000 ka karnero nga iyang gipatupihan didto sa Carmel.

1 Samuel 7:12

Unya mikuha si Samuel ug bato ug gibutang sa tunga-tunga sa Mizpa ug Shen. Ginganlan niya kinig Ebenezer kay miingon siya, “Hangtod karon ginatabangan kami sa Ginoo.”