1 Samuel 14:41 - Ang Pulong sa Dios

⁴¹ Unya nag-ampo si Saulo, “Ginoo, Dios sa Israel, ipahibalo kanamo kon kinsa ang nakasala.” Ug pinaagi sa hulbot-hulbot, si Jonatan ug si Saulo ang nahulbotan ug dili ang mga tawo.

Ang Biblia 2011

⁴¹ Busa si Saul miingon, “O Ginoong Dios sa Israel, nganong wala man nimo tubaga ang imong sulugoon niining adlawa? Kon kining salaa ania kanako o sa akong anak nga si Jonatan, O Ginoo, ang Dios sa Israel, ihatag ang Urim apan kon kining salaa anaa sa imong katawhan nga Israel, ihatag ang Tumim.” Ug si Jonatan ug si Saul ang natumngan apan ang katawhan nakalingkawas.

Maayong Balita Biblia

⁴¹ Busa si Saul miingon, “O Ginoo, Dios sa Israel, nganong wala mo man ako tubaga karong adlawa? Kon ako ang nakasala o si Jonatan, ipakita ang Urim, apan kon ang nakasala mao ang katawhan sa Israel, ang Tumim maoy ipakita.” Apan ang natungnan sa ripa mao si Jonatan ug si Saul.

Ang Bag-ong Maayong Balita Biblia

⁴¹ Busa si Saul miingon, “O Ginoo, Dios sa Israel, nganong wala mo man ako tubaga karong adlawa? Kon ako ang nakasala o si Jonatan, ipakita ang Urim, apan kon ang nakasala mao ang katawhan sa Israel, ang Tumim maoy ipakita.” Apan ang natungnan sa ripa mao si Jonatan ug si Saul.

1 Samuel 14:41 Cross References

Mga Panultihon 16:33

Maghulbot-hulbot ang mga tawo aron mahibaloan nila kon unsay hustong desisyon, apan ang tanang desisyon nag-agad sa pagbuot sa Ginoo.

Mga Panultihon 18:18

Ang hulbot-hulbot makapaundang sa panaglalis, ug makahusay sa panagbangi sa duha ka gamhanang tawo.

Jonas 1:7

Unya nag-ingnanay ang mga tripulante, “Dali magripa kita aron mahibaloan nato kon kinsa ang hinungdan niining katalagman nga midangat kanato.” Busa naghulbot-hulbot sila, ug si Jonas ang natungnan.

Mga Buhat 1:24

Unya nag-ampo sila, “Ginoo, ikaw ang nakahibalo sa kasing-kasing sa tanang mga tawo. Busa ipakita kanamo kon kinsa niining duha ang imong gipili

Mga Buhat 1:26

Pagkahuman nilag ampo, naghulbot-hulbot sila. Ug ang nahulbotan mao si Matias. Busa si Matias mao ang nadugang sa onse ka apostoles.

1 Samuel 14:40

Unya miingon si Saulo sa tanang mga Israelinhon, “Tindog kamo diha, ug ako ug ang akong anak nga si Jonatan motindog dinhi.” Ug misugot ang mga tawo.

1 Samuel 14:42

Unya miingon si Saulo, “Ripaha kon kinsa kanamo ni Jonatan ang nakasala.” Ug ang nahulbotan mao si Jonatan.