1 Samuel 14:3 - Ang Pulong sa Dios

³ Didto usab si Ahia nga pari, ug nagsul-ob kini ug efod. Si Ahia anak ni Ahitub, nga igsoon ni Icabod. Si Ahitub anak ni Pinehas. Si Pinehas anak ni Eli nga pari sa Ginoo sa Silo kaniadto. Walay nasayod nga milakaw si Jonatan.

Ang Biblia 2011

³ Ug si Ahias nga anak ni Ahitub nga igsoong lalaki ni Icabod nga anak ni Pinehas nga anak ni Eli, ang pari sa Ginoo sa Silo, nagsul-ob ug ephod. Ug ang katawhan wala mahibalo nga si Jonatan milakaw.

Maayong Balita Biblia

³ Uban usab kaniya si Ahias nga maoy nagdala sa epod. Si Ahias mao ang anak ni Ahitub nga igsoon ni Ikabod nga anak ni Pinehas nga anak ni Eli, ang pari sa Ginoo didto sa Silo. Wala masayod ang ubang kasundalohan nga milakaw si Jonatan.

Ang Bag-ong Maayong Balita Biblia

³ Uban usab kaniya si Ahias nga maoy nagdala sa epod. Si Ahias mao ang anak ni Ahitub nga igsoon ni Ikabod nga anak ni Pinehas nga anak ni Eli, ang pari sa Ginoo didto sa Silo. Wala masayod ang ubang kasundalohan nga milakaw si Jonatan.

1 Samuel 14:3 Cross References

1 Samuel 1:3

Matag tuig, moadto si Elkana ug ang iyang pamilya sa Silo aron sa pagsimba ug paghalad ngadto sa Ginoo nga Makagagahom. Niadtong panahona ang duha ka anak ni Eli nga si Hofni ug si Pinehas mao ang mga pari sa Ginoo didto sa Silo.

1 Samuel 14:36

Miingon si Saulo, “Sulongon nato karong gabhiona ang mga Filistihanon. Kuhaon nato ang ilang mga kabtangan ug pamatyon nato silang tanan hangtod sa buntag.” Mitubag ang mga tawo, “Himoa kon unsa ang maayo alang kanimo.” Apan miingon ang pari, “Pangutan-on una nato ang Dios mahitungod niini.”

1 Samuel 2:18

Unya, ang bata nga si Samuel nagpadayon sa pag-alagad sa Ginoo. Nagsul-ob siya sa efod nga hinimo sa lino.

1 Samuel 2:28

Sa tanang tribo sa Israel, ang pamilya ni Aaron ang akong gipili nga mahimong akong mga pari aron sa pag-alagad diha sa akong halaran, sa pagsunog sa insenso, ug sa pagsul-ob sa efod diha sa akong presensya. Gihatag ko usab kanila ang tanang mga halad pinaagi sa kalayo nga ginahalad sa mga Israelinhon.

1 Samuel 22:20

Apan nakaikyas si Abiatar nga anak ni Ahimelec ug nakig-uban kang David.

1 Samuel 4:21

Sa wala pa siya mamatay ginganlan niya ang bata ug Icabod, kay miingon siya, “Wala na ang gamhanang presensya sa Dios sa Israel.” Mao kini ang iyang giingon tungod kay nailog ang Sudlanan sa Dios ug namatay ang iyang bana ug ugangang lalaki.

1 Samuel 4:4

Busa gipakuha nila gikan sa Silo ang Sudlanan sa Kasabotan sa Ginoo nga Makagagahom. Ang tabon niining Sudlanan adunay estatuwa sa duha ka kerubin, ug nagpuyo ang Ginoo taliwala niini. Miuban sa pagkuha sa Sudlanan sa Dios ang duha ka anak ni Eli nga si Hofni ug si Pinehas.