1 Samuel 14:12 - Ang Pulong sa Dios

¹² Unya gisinggitan nila si Jonatan ug ang tigdala sa iyang armas, “Tungas kamo dinhi kanamo, kay tudloan namo kamo ug leksyon!” Busa miingon si Jonatan sa tigdala sa iyang armas, “Sunod kanako! Kay gitugyan na sila sa Ginoo ngadto sa Israel.”

Ang Biblia 2011

¹² Ug ang mga tawo nga nagbantay sa kuta misinggit kang Jonatan ug sa tigdala sa iyang hinagiban ug miingon, “Ngari kamo kanamo ug pakit-on kamo namo sa usa ka butang.” Ug si Jonatan miingon sa tigdala sa iyang hinagiban, “Sunod kanako sa pagsaka kay ang Ginoo nagtugyan kanila ngadto sa kamot sa Israel.”

Maayong Balita Biblia

¹² Unya gitawag sa mga Filistihanon nga nagbantay sa Agianan sa Mikmas si Jonatan ug ang tigdala sa iyang hinagiban, “Tungas kamo ngari kanamo kay may ipakita kami kaninyo.” Giingnan ni Jonatan ang tigdala sa iyang hinagiban, “Dali, sunod kanako kay gitugyan na sila sa Ginoo ngadto sa Israel.”

Ang Bag-ong Maayong Balita Biblia

¹² Unya gitawag sa mga Filistihanon nga nagbantay sa Agianan sa Mikmas si Jonatan ug ang tigdala sa iyang hinagiban, “Tungas kamo ngari kanamo kay may ipakita kami kaninyo.” Giingnan ni Jonatan ang tigdala sa iyang hinagiban, “Dali, sunod kanako kay gitugyan na sila sa Ginoo ngadto sa Israel.”

1 Samuel 14:12 Cross References

Genesis 24:42

“Busa pag-abot ko ganina sa atabay, nag-ampo ako. Matod ko, ‘Ginoo, Dios sa akong agalon nga si Abraham, hinaut nga hatagan mo ug kalamposan ang akong tuyo sa pag-anhi dinhi.

Genesis 24:48

Unya miyukbo ako ug misimba sa Ginoo. Gidayeg ko ang Ginoo, nga Dios sa akong agalon nga si Abraham. Siya ang nagtultol kanako sa husto nga dapit, aron makita ko ang anak sa paryente sa akong agalon nga mahimong asawa sa iyang anak.

2 Samuel 5:24

Inigkadungog ninyo sa kasaba nga daw pagmartsa sa mga sundalo ibabaw sa mga kahoy nga balsam, sulong dayon kamo kay mao kana ang timailhan nga gauna na ako kaninyo sa pagsulong sa mga Filistihanon.”

2 Mga Hari 14:8

Unya, nagpadala si Amazia ug mga mensahero ngadto sa hari sa Israel nga si Joas nga anak ni Jehoahaz ug apo ni Jehu. Mao kini ang iyang mensahe: “Dali, atubanga ako sa usa ka panag-away.”

Mga Maghuhukom 4:14

Miingon si Debora kang Barak, “Lakaw na! Mao na kini ang adlaw nga itugyan sa Ginoo kanimo si Sisera. Mag-una ang Ginoo kanimo.” Busa milugsong si Barak gikan sa Bukid sa Tabor ug misunod kaniya ang 10,000 ka mga sundalo.

Mga Maghuhukom 7:14

Mitubag ang usa, “Na! Wala nay laing gipasabot niadto kondili ang espada ni Gideon nga Israelinhon, nga anak ni Joas. Padag-on siya sa Dios batok sa mga Midianhon ug kanatong tanan.”

Mga Maghuhukom 7:15

Sa dihang nadungog ni Gideon ang mahitungod sa damgo ug ang kahulogan niini, miyukbo siya sa pagdayeg sa Ginoo. Unya mibalik siya sa kampo sa mga Israelinhon ug giingnan niya ang iyang mga kauban, “Tana! Kay gitugyan na sa Ginoo kanato ang mga Midianhon.”

Mga Maghuhukom 9:54

Dali-dali niyang gitawag ang tawo nga tigdala sa iyang armas ug giingnan, “Ibta ang imong espada ug patya ako aron dili sila makaingon nga usa lang ka babaye ang nakapatay kanako.” Busa giduslak siya sa iyang sulugoon ug namatay.

1 Samuel 14:10

Apan kon moingon sila nga kita ang motungas, motungas kita, kay mao kana ang timailhan nga ipapildi gayod sila sa Ginoo kanato.”

1 Samuel 14:13

Mitungas si Jonatan, ug misunod ang tigdala sa iyang armas. Gipamatay ni Jonatan ang mga Filistihanon, ug mao usab ang gihimo sa iyang tigdala ug armas.