1 Samuel 14:1 - Ang Pulong sa Dios

¹ Usa ka adlaw, miingon si Jonatan sa batan-ong lalaki nga tigdala sa iyang armas, “Dali, moadto kita sa bantayanan sa mga Filistihanon.” Apan wala siya mananghid sa iyang amahan.

Ang Biblia 2011

¹ Usa ka adlaw niana, si Jonatan nga anak ni Saul miingon ngadto sa batan-on nga lalaki nga maoy nagdala sa iyang hinagiban, “Tana, mangadto kita sa mga sundalo nga nagbantay sa kuta sa mga Filistihanon nga atua sa pikas nga bahin.” Apan wala niya suginli ang iyang amahan.

Maayong Balita Biblia

¹ Usa ka adlaw niana, si Jonatan nga anak ni Saul miingon ngadto sa batan-on nga tigdala sa iyang hinagiban, “Dali, sulongon nato ang kampo sa mga Filistihanon nga anaa sa pikas.” Apan wala niya pahibaloa niini ang iyang amahan.

Ang Bag-ong Maayong Balita Biblia

¹ Usa ka adlaw niana, si Jonatan nga anak ni Saul miingon ngadto sa batan-on nga tigdala sa iyang hinagiban, “Dali, sulongon nato ang kampo sa mga Filistihanon nga anaa sa pikas.” Apan wala niya pahibaloa niini ang iyang amahan.

1 Samuel 14:1 Cross References

Miqueas 7:5

Tungod kay mikuyanap na ang kadaotan, ayaw kamo pagsalig sa inyong mga silingan, bisan pa sa suod nga mga higala. Pagbantay usab kamo sa inyong ginasugilon bisan sa inyong mahal nga asawa.

Mga Maghuhukom 14:6

Gigamhan si Samson sa Espiritu sa Ginoo, ug gipikas niya ang liyon pinaagi sa iyang mga kamot nga daw nagpikas lang siya ug usa ka batan-ong kanding. Apan wala niya kini isugilon sa iyang mga ginikanan.

Mga Maghuhukom 14:9

Gikandos niya sa iyang kamot ang dugos ug gikaon kini samtang naglakaw. Sa dihang nagkita sila sa iyang mga ginikanan, gihatagan niya sila sa dugos, ug gikaon usab nila kini. Apan wala niya sila sultihi nga gikan kadto sa patayng lawas sa liyon.

Mga Maghuhukom 6:27

Unya giuban ni Gideon ang napulo sa iyang mga sulugoon ug gihimo ang gisugo sa Ginoo kaniya. Apan gihimo niya kini sa gabii tungod kay nahadlok siya sa iyang pamilya ug sa mga tawo sa lungsod.

1 Samuel 13:2

Nagpili si Saulo ug 3,000 ka mga lalaki sa Israel sa pagpakig-gira sa mga Filistihanon. Giuban niya ang 2,000 sa Mikmas ug sa kabungtoran sa Betel, ug ang 1,000 gipauban niya sa iyang anak nga si Jonatan sa Gibea nga sakop sa Benjamin. Ang wala mapili gipapauli niya.

1 Samuel 13:22

Busa sa adlaw sa gira, walay usa sa mga Israelinhon nga adunay espada o bangkaw gawas kang Saulo ug kang Jonatan.

1 Samuel 13:23

Unya nagpadala ang mga Filistihanon ug mga sundalo aron magbantay didto sa agianan sa Mikmas.

1 Samuel 14:2

Niadtong higayona si Saulo didto sa ilalom sa kahoy nga pomegranata sa Migron, nga dili halayo sa Gibea. Kauban niya ang 600 niya ka mga tawo.

1 Samuel 25:19

ug giingnan ang mga sulugoon, “Pag-una kamo! Mosunod lang ako kaninyo.” Apan wala niya sultihi ang iyang bana nga si Nabal.