1 Samuel 13:9 - Ang Pulong sa Dios

⁹ miingon siya, “Dad-a ninyo dinhi kanako ang halad nga sinunog ug ang halad alang sa pakigda-it.” Ug gihalad ni Saulo ang halad nga sinunog.

Ang Biblia 2011

⁹ Busa si Saul miingon, “Dad-a dinhi kanako ang halad nga sunogon ug ang halad sa pakigdait.” Ug iyang gihalad ang halad nga sunogon.

Maayong Balita Biblia

⁹ Busa si Saul miingon, “Dad-a nganhi kanako ang mga halad nga sunogon ug ang mga halad sa pakigdait.” Ug gihalad niya ang mga halad nga sunogonon.

Ang Bag-ong Maayong Balita Biblia

⁹ Busa si Saul miingon, “Dad-a nganhi kanako ang mga halad nga sunogon ug ang mga halad sa pakigdait.” Ug gihalad niya ang mga halad nga sunogonon.

1 Samuel 13:9 Cross References

2 Samuel 24:25

Unya naghimo siya didto ug halaran alang sa Ginoo. Naghalad siyag mga halad nga sinunog ug halad alang sa pakigda-it. Gitubag sa Ginoo ang pag-ampo ni David alang sa Israel, ug naundang ang katalagman.

1 Mga Hari 3:4

Miadto si Haring Solomon sa Gibeon sa paghalad, kay atua didto ang nabantog nga mga simbahanan diha sa habog nga mga dapit. Naghalad siya didto ug 1,000 ka mga halad nga sinunog.

Salmo 37:7

Pagmalinawon diha sa presensya sa Ginoo, ug paghulat nga mapailubon sa iyang pagabuhaton. Ayaw paglagot kon magmauswagon ang mga tawong daotan, o magmadaogon sila pinaagi sa ilang daotang mga plano.

Mga Panultihon 15:8

Ngil-aran ang  Ginoo sa halad sa mga daotan, apan gikalipay niya ang pag-ampo sa mga matarong.

Mga Panultihon 20:22

Ayaw panimalos. Salig lang sa Ginoo, ug tabangan ka niya.

Mga Panultihon 21:27

Ngil-aran ang Ginoo sa halad sa mga daotan, labi na gayod kon daotan kinig motibo.

Mga Panultihon 21:3

Mas ikalipay sa Ginoo ang husto ug matarong nga binuhatan sa tawo kaysa iyang mga halad.

Isaias 66:3

Apan ingon niini ang akong pagtagad sa mga tawong nagsunod sa ila lamang kaugalingong gusto ug nalipay sa ginahimo nila nga mangil-ad: Kon magpatay silag baka aron ihalad, isipon ko kini nga daw sa nagpatay silag tawo. Kon maghalad silag karnero, isipon ko kini nga daw sa nagpatay silag iro. Kon maghalad sila ug halad sa pagpasidungog, isipon ko nga daw naghalad silag dugo sa baboy. Ug kon magsunog silag insenso isip paghinumdom sa Ginoo, akong isipon nga daw sa nag-ampo sila sa dios-dios.

Deuteronomio 12:5

hinuon dangop kamo sa Ginoo nga inyong Dios didto sa dapit nga iyang pagapilion gikan sa tanang teritoryo sa mga tribo. Didto kamo magsimba sa Ginoo, kay mao kana ang dapit nga iyang gipili diin pasidunggan ang iyang ngalan.

Deuteronomio 12:6

Didto ninyo dad-a ang inyong mga halad nga sinunog ug uban pang mga halad, ang inyong ikapulo, ang inyong mga gasa, ang inyong gisaad nga mga ihalad, ang inyong kabubut-ong mga halad, ug ang kamagulangan sa inyong mga kahayopan.

1 Samuel 14:18

Miingon si Saulo kang Ahia, “Dad-a dinhi ang Sudlanan sa Dios.” (Niadtong higayona ang Sudlanan sa Dios didto sa mga Israelinhon.)