1 Samuel 12:9 - Ang Pulong sa Dios

⁹ “Apan gikalimtan nila ang Ginoo nga ilang Dios, busa gipapildi sila sa Ginoo kang Sisera, ang komander sa mga sundalo sa Hazor, ug sa mga Filistihanon ug sa hari sa Moab.

Ang Biblia 2011

⁹ Apan sila nalimot sa Ginoo nga ilang Dios ug siya nagbaligya kanila ngadto sa kamot ni Sisera nga tigmando sa kasundalohan sa Hasor ug ngadto sa kamot sa mga Filistihanon ug ngadto sa kamot sa hari sa Moab, ug sila nakig-away batok kanila.

Maayong Balita Biblia

⁹ Apan nalimot sila sa Ginoo nga ilang Dios ug gitugyan niya sila ngadto kang Sisera nga pangulo sa kasundalohan ni Habin nga hari sa Hazor ug ngadto sa mga Filistihanon ug sa hari sa Moab. Ug nakig-away sila kanila.

Ang Bag-ong Maayong Balita Biblia

⁹ Apan nalimot sila sa Ginoo nga ilang Dios ug gitugyan niya sila ngadto kang Sisera nga pangulo sa kasundalohan ni Habin nga hari sa Hazor ug ngadto sa mga Filistihanon ug sa hari sa Moab. Ug nakig-away sila kanila.

1 Samuel 12:9 Cross References

Salmo 106:21

Gikalimtan nila ang Dios nga nagluwas kanila ug naghimo sa gamhanan ug katingalahang mga butang didto sa Ehipto, ang yuta sa mga kaliwat ni Ham, ug didto sa Pulang Dagat.

Isaias 63:10

Apan nagmasinupakon sila ug gipasubo nila ang iyang Balaang Espiritu. Busa gikontra sila sa Ginoo, ug nahimo siyang ilang kaaway.

Jeremias 2:32

Malimtan ba sa usa ka putli nga babaye ang iyang alahas o ang iyang bisti nga pangkasal? Apan kamong akong katawhan, nalimot kanako sa dugayng panahon.

Deuteronomio 32:18

Gikalimtan nila ang Dios nga ilang Bato nga salipdanan nga nagbuhat kanila.

Deuteronomio 32:30

Unsaon gud paggukod sa usa ka tawo sa 1,000? Unsaon gud pag-abog sa duha ka tawo sa 10,000? Gawas lang kon gitugyan sila sa Ginoo nga ilang bato nga salipdanan.

Mga Maghuhukom 10:7

Tungod niini, nasuko kanila ang Ginoo ug gipasagdan niya sila nga mailalom sa gahom sa mga Amonihanon ug Filistihanon.

Mga Maghuhukom 13:1

Nagpakasala na usab ang mga Israelinhon batok sa Ginoo, busa gipasakop sila sa Ginoo sa gahom sa mga Filistihanon sulod sa 40 ka tuig.

Mga Maghuhukom 2:14

Tungod sa kasuko sa Ginoo sa Israel, gipasagdan niya sila nga sulongon sa mga tulisan aron kuhaon ang ilang mga kabtangan. Gipasagdan usab sila sa Ginoo nga mapildi sa kaaway sa ilang palibot, ug wala nila napanalipdi ang ilang kaugalingon batok sa mga kaaway.

Mga Maghuhukom 3:12

Nagpakasala pag-usab ang mga Israelinhon atubangan sa Ginoo. Tungod niini, gipasakop sila sa Ginoo kang Eglon nga hari sa Moab.

Mga Maghuhukom 3:31

Ang misunod nga pangulo kang Ehud mao si Shamgar nga anak ni Anat. Giluwas niya ang Israel sa mga Filistihanon. Gipamatay niya ang 600 ka mga Filistihanon pinaagi sa sungkod nga gigamit sa pang-abog sa baka.

Mga Maghuhukom 4:2

Busa gipasakop sila sa Ginoo kang Jabin nga hari sa Hazor, nga usa ka hari sa mga Canaanhon. Ang komander sa kasundalohan ni Jabin mao si Sisera nga nagpuyo sa Haroshet Hagoyim.

1 Samuel 12:15

Apan kon dili kamo mosunod sa Ginoo, ug dili motuman sa iyang mga sugo, silotan niya kamo, sama sa gihimo niya sa inyong mga katigulangan.