1 Samuel 11:6 - Ang Pulong sa Dios

⁶ Pagkadungog niini ni Saulo, gigamhan siya sa Espiritu sa Dios, ug labihan gayod ang iyang kasuko.

Ang Biblia 2011

⁶ Ug ang Espiritu sa Dios miabot nga puno sa gahom diha kang Saul sa pagkadungog niya niadtong mga pulonga ug ang iyang kasuko misilaob sa hilabihan gayod.

Maayong Balita Biblia

⁶ Ug si Saul gigamhan pag-ayo sa espiritu sa Dios busa sa pagkadungog niya niining balitaa, nasuko siya pag-ayo.

Ang Bag-ong Maayong Balita Biblia

⁶ Ug si Saul gigamhan pag-ayo sa espiritu sa Dios busa sa pagkadungog niya niining balitaa, nasuko siya pag-ayo.

1 Samuel 11:6 Cross References

Exodo 32:19

Sa nagkaduol na si Moises sa kampo, nakita niya ang dios-dios nga baka ug ang mga tawo nga nagsayaw-sayaw, busa nasuko siya pag-ayo. Gilabay niya didto sa tiilan sa bukid ang lagpad nga mga bato nga iyang dala, ug nangabuak kini.

Numeros 12:3

(Si Moises mapainubsanon kaayo labaw kaysa tanang mga tawo sa kalibotan.)

Marcos 3:5

Nasubo si Jesus tungod sa kagahi sa ilang kasing-kasing ug masuk-anon nga mitan-aw kanila. Unya miingon siya sa tawo nga baldado ug kamot, “Ituy-od ang imong kamot!” Gituy-od niya, ug naayo kini.

Mga Taga-Efeso 4:26

Kon masuko kamo, pagbantay nga dili kamo makasala. Ug ayaw ninyo palungtara ang inyong kasuko sa tibuok adlaw.

Mga Maghuhukom 11:29

Unya, gigamhan si Jefta sa Espiritu sa Ginoo. Gilatas niya ang Gilead ug ang Manases. Pagkahuman, mibalik siya sa Mizpa nga sakop sa Gilead. Ug gikan didto, gisulong niya ang mga Amonihanon.

Mga Maghuhukom 13:25

Ang Espiritu sa Ginoo nagsugod sa paggahom kaniya samtang didto siya sa Kampo ni Dan, sa tunga-tunga sa Zora ug Eshtaol.

Mga Maghuhukom 14:6

Gigamhan si Samson sa Espiritu sa Ginoo, ug gipikas niya ang liyon pinaagi sa iyang mga kamot nga daw nagpikas lang siya ug usa ka batan-ong kanding. Apan wala niya kini isugilon sa iyang mga ginikanan.

Mga Maghuhukom 15:14

Pag-abot nila sa Lehi, gitagbo siya sa mga Filistihanon nga nagsinggit. Gigamhan si Samson sa Espiritu sa Ginoo, ug nangabugto ang mga gapos nga daw sa tanod nga nasunog ug nangahulog kini gikan sa iyang mga kamot.

Mga Maghuhukom 3:10

Gigamhan siya sa Espiritu sa Ginoo, ug gipangulohan niya ang Israel. Nakig-away siya kang Kushan Rishataim nga hari sa Aram, ug gipadaog siya sa Ginoo.

Mga Maghuhukom 6:34

Gigamhan si Gideon sa Espiritu sa Ginoo ug gipatingog niya ang budyong sa pagtawag sa mga kaliwat ni Abiezer aron sa pagsunod kaniya.

1 Samuel 10:10

Sa pag-abot ni Saulo ug sa iyang sulugoon sa Gibea, gisugat siya sa mga propeta. Unya gigamhan si Saulo sa Espiritu sa Dios ug nagsugilon usab siya sa mensahe sa Dios uban niadtong mga propeta.

1 Samuel 10:6

Unya gamhan ka sa Espiritu sa Ginoo ug magsugilon ka sa mensahe sa Dios uban kanila, ug mabag-o ang imong pagkatawo.

1 Samuel 16:13

Busa gikuha ni Samuel ang lana ug gidihogan niya si David atubangan sa iyang mga igsoon. Ug gikan niadtong adlawa gigamhan si David sa Espiritu sa Ginoo. Unya mipauli si Samuel sa Rama.

1 Samuel 16:14

Unya mibiya ang Espiritu sa Ginoo kang Saulo, ug gihasol siya sa daotang espiritu nga gipadala sa Ginoo.