1 Samuel 11:11 - Ang Pulong sa Dios

¹¹ Ngitngit pa sa pagkasunod nga adlaw, gibahin ni Saulo ang iyang mga tawo sa tulo ka grupo. Ug sa dihang kadlawon na, gisulong nila ang kampo sa mga Amonihanon ug gipamatay silang tanan hangtod sa pagkaudto. Ang mga nahibiling buhi tagsa-tagsang miikyas.

Ang Biblia 2011

¹¹ Ug pagkaugma, si Saul nagbahin sa katawhan sa tulo ka panon ug miadto sila ngadto sa taliwala sa kampo panahon sa pagbantay sa kabuntagon ug gipamatay ang mga Amonihanon hangtod sa pag-init sa adlaw. Ug kadtong wala mamatay nagkatibulaag ug walay bisan duha kanila nga nahibilin nga nagkuyog.

Maayong Balita Biblia

¹¹ Sa pagkaugma, gibahin ni Saul ang iyang mga tawo sa tulo ka pundok. Ug sa pagkakaadlawon giataki nila pagkalit ang kampo sa mga Amonihanon ug gipamatay nila ang mga Amonihanon hangtod sa pagkaudto. Ang wala mapatay nagkatibulaag pagpanagan ug walay bisan duha kanila nga nagkauban.

Ang Bag-ong Maayong Balita Biblia

¹¹ Sa pagkaugma, gibahin ni Saul ang iyang mga tawo sa tulo ka pundok. Ug sa pagkakaadlawon giataki nila pagkalit ang kampo sa mga Amonihanon ug gipamatay nila ang mga Amonihanon hangtod sa pagkaudto. Ang wala mapatay nagkatibulaag pagpanagan ug walay bisan duha kanila nga nagkauban.

1 Samuel 11:11 Cross References

Genesis 22:14

Ginganlan ni Abraham kadtong dapita ug “Magtagana ang Ginoo.” Busa hangtod karon adunay panultihon nga nag-ingon, “Sa Bukid sa Ginoo aduna siyay gitagana.”

2 Samuel 18:2

Unya gipalakaw niya sila sa tulo ka grupo. Si Joab ang nangulo sa usa ka grupo, si Abishai usab nga igsoon ni Joab ang sa usa ka grupo, ug si Itai nga taga-Gat ang nangulo sa ikatulo nga grupo. Miingon si Haring David kanila, “Mouban gayod ako kaninyo sa pagpakig-gira.”

Salmo 46:1

Ang Dios mao ang atong kusog ug tigpanalipod. Andam gayod siya kanunay sa pagtabang sa panahon sa kalisod.

Exodo 14:24

Apan nianang pagkakadlawon, mitan-aw ang Ginoo gikan sa panganod nga daw kalayo ug daw haligi ngadto sa mga sundalo sa Ehipto, ug gipataranta niya sila.

Mateo 7:2

Kay hukman kamo sama sa paghukom ninyo sa uban. Ang basihanan nga inyong gamiton sa paghukom sa uban mao usab ang basihanan nga gamiton kaninyo.

Santiago 2:13

Kay sa paghukom sa Dios, dili gayod siya maluoy sa tawo nga walay kalooy. Apan ang maluloy-on walay angay kahadlokan sa adlaw sa paghukom.

Mga Maghuhukom 1:7

Miingon si Adoni Bezek, “70 ka mga hari ang gipamutlan kog kumagko sa kamot ug tiil ug namunit sa mumho ilalom sa akong lamisa. Karon, gihimo sa Dios kanako ang akong gihimo kanila.” Gidala nila si Adoni Bezek ngadto sa Jerusalem ug didto siya namatay.

Mga Maghuhukom 4:16

Gigukod nila ni Barak ang mga sundalo ni Sisera apil ang iyang mga tigkarwahi hangtod sa Haroshet Hagoyim ug gihurot ug pamatay. Wala gayoy bisan usa nga nahibilin.

Mga Maghuhukom 7:16

Gibahin niya sa tulo ka grupo ang iyang 300 ka mga tawo, ug ang matag-usa gihatagan niyag budyong ug tibod nga adunay sulod nga suga.

Mga Maghuhukom 7:20

Mao usab kini ang gihimo sa duha ka grupo. Gikuptan nila sa ilang walang kamot ang suga ug sa ilang tuong kamot ang budyong, ug naninggit sila, “Makig-away kita alang sa Ginoo ug kang Gideon!”

Mga Maghuhukom 9:43

Busa gibahin niya sa tulo ka grupo ang iyang mga tawo. Miadto sila sa kaumahan ug nag-atang didto. Sa dihang nakita nila ang mga taga-Sekem nga migawas sa lungsod, midasdas dayon sila.

1 Samuel 11:2

Apan mitubag si Nahash, “Mohimo lang ako ug kasabotan uban kaninyo sa usa ka kondisyon: lukaton ko ang tuong mata sa kada usa kaninyo aron maulawan ang tibuok Israel.”

1 Samuel 14:47

Sa panahon nga naghari si Saulo sa Israel, nakig-gira siya sa ilang mga kaaway sa palibot. Ang iyang mga kaaway mao ang mga taga-Moab, mga taga-Amon, mga taga-Edom, ang mga hari sa Zoba, ug ang mga Filistihanon. Bisag kinsa ang iyang ikaaway mapildi niya.