1 Samuel 10:3 - Ang Pulong sa Dios

³ “Inig-abot mo sa kahoy nga tugas sa Tabor, aduna kay masugatan nga tulo ka tawo nga nagpadulong sa Betel aron sa pagsimba sa Dios. Ang usa kanila nagdalag tulo ka batan-ong kanding, ang usa tulo ka pan, ug ang usa usab nagdalag bino nga gisulod sa sudlanan nga panit.

Ang Biblia 2011

³ Unya ikaw magpadayon gikan didto hangtod nga ikaw moabot sa dakong kahoy sa Tabor; tulo ka tawo nga nagtungas ngadto sa Dios sa Betel ang mosugat kanimo, ang usa nagdala ug tulo ka nating kanding, ang usa nagdala ug tulo ka buok pan ug ang usa nagdala ug usa ka panit nga bino.

Maayong Balita Biblia

³ Inig-abot nimo sa unahan sa sagradong kahoy didto sa Tabor, sugaton kag tulo ka tawo nga nagpadulong sa Betel aron pagsimba sa Dios. Usa kanila may dalang tulo ka nating kanding, ang ikaduha tulo ka buok pan ug ang ikatulo magdalag bino nga gisulod ug sudlanan nga panit.

Ang Bag-ong Maayong Balita Biblia

³ Inig-abot nimo sa unahan sa sagradong kahoy didto sa Tabor, sugaton kag tulo ka tawo nga nagpadulong sa Betel aron pagsimba sa Dios. Usa kanila may dalang tulo ka nating kanding, ang ikaduha tulo ka buok pan ug ang ikatulo magdalag bino nga gisulod ug sudlanan nga panit.

1 Samuel 10:3 Cross References

Genesis 28:19

Ginganlan ni Jacob kadtong dapita ug Betel. Apan kaniadto Luz ang ngalan niadto nga dapit.

Genesis 28:22

Kining bato nga akong gipatindog isip usa ka handomanan magpamatuod sa imong presensya niini nga dapit. Ug ihatag ko kanimo ang ikapulo sa tanan nga ihatag mo kanako.”

Genesis 35:1

Unya, miingon ang Dios kang Jacob, “Pangandam, lakaw sa Betel ug puyo didto. Unya pagbuhat didto ug halaran alang kanako, ang Dios nga nagpakita kanimo sa dihang miikyas ka kaniadto gikan sa imong igsoon nga si Esau.”

Genesis 35:3

Motungas kita ngadto sa Betel, ug magbuhat ako didto ug halaran ngadto sa Dios nga mitabang kanako sa diha pa ako sa kalisod, ug nag-uban kanako bisan asa ako paingon.”

Salmo 89:12

Gihimo mo ang amihan ug ang habagatan. Ang Bukid sa Tabor ug ang Bukid sa Hermon sama sa mga tawo nga nag-awit sa kalipay alang kanimo.

Jeremias 32:8

“Ug sumala sa giingon sa Ginoo, mianhi kanako dinhi sa hawanan sa mga tigbalantay si Hanamel nga akong ig-agaw. Miingon siya, ‘Palihog, palita ang akong uma sa Anatot, sa kayutaan sa tribo ni Benjamin. Adunay katungod ka ug katungdanan sa paglukat ug pagpanag-iya niini, busa palita kini alang sa imong kaugalingon.’ “Nakaamgo ako nga ang  Ginoo gayod ang nagsulti niadto,

Levitico 1:10

“ ‘Kon karnero o kanding ang ihalad sa tawo ingon nga halad nga sinunog, kinahanglan nga laki kini ug walay depekto.

Levitico 23:13

Lakipi ninyo kini ug upat ka kilo nga maayong klasi sa harina nga gisagolan ug mantika isip halad sa pagpasidungog sa Ginoo, ug usa ka litro nga bino isip halad nga ilimnon. Mga halad kini pinaagi sa kalayo, ug ang kahumot niini makapalipay sa Ginoo.

Levitico 3:12

“ ‘Kon kanding ang iyang ihalad sa presensya sa Ginoo,

Levitico 3:6

“ ‘Kon karnero o kanding ang iyang ihalad ingon nga halad alang sa pakigda-it ngadto sa Ginoo, kinahanglan nga wala kini depekto, laki man o baye.

Levitico 7:13

Ug dugang pa niini, magdala usab siya ug pan nga adunay patubo.

Josue 19:12

Gikan sa pikas nga bahin sa Sarid, ang utlanan niini mipaingon sa sidlakan ngadto sa utlanan sa Kislot Tabor, lahos sa Daberat ug sa Jafia.

Josue 19:22

Ang utlanan nakaabot sa Tabor, sa Shahazuma, ug sa Bet-Shemesh, hangtod sa Suba sa Jordan nga 16 ka mga lungsod ang nasakop sa Isacar apil ang mga baryo sa palibot niini.

Mga Maghuhukom 20:18

Mitungas ang mga Israelinhon sa Betel ug nangutana sa Dios kon unsa nga tribo ang unang mosulong sa mga Benjaminhon. Mitubag ang Ginoo nga ang tribo ni Juda ang mouna.

Mga Maghuhukom 20:27

(Niadtong panahona, ang Sudlanan sa Kasabotan sa Dios didto sa Betel ug ang nag-alagad didto mao si Pinehas nga anak ni Eleazar ug apo ni Aaron.) Nangutana sila pag-usab sa Ginoo, “Makig-gira pa ba kami pag-usab sa among mga kadugo nga Benjaminhon o dili?” Mitubag ang Ginoo, “Pakig-gira kamo pag-usab kay ugma padag-on ko na kamo batok kanila.”

Mga Maghuhukom 4:12

Adunay nakasugilon kang Sisera nga si Barak, nga anak ni Abinoam, mitungas sa Bukid sa Tabor.

Mga Maghuhukom 4:6

Usa niana ka adlaw, gipatawag ni Debora si Barak, ang anak ni Abinoam nga taga-Kedesh nga sakop sa tribo ni Neftali. Pag-abot ni Barak, miingon si Debora kaniya, “Ang Ginoo, nga Dios sa Israel nagsugo kanimo nga magtigom ug 10,000 ka mga lalaki gikan sa tribo ni Neftali ug ni Zabulon. Dad-a sila sa Bukid sa Tabor.

Mga Maghuhukom 8:18

Unya miingon si Gideon kang Zeba ug kang Zalmuna, “Unsay hitsura sa mga lalaki nga inyong gipamatay sa Tabor?” Mitubag sila, “Sama kanimo, murag mga anak ug hari.”

1 Samuel 10:4

Motimbaya sila kanimo ug hatagan ka ug duha ka pan, nga imo usab nga dawaton.