1 Samuel 10:16 - Ang Pulong sa Dios

¹⁶ Mitubag si Saulo, “Gipasaligan niya kami nga nakit-an na ang mga asno.” Apan wala niya sultihi ang iyang uyoan kon unsa ang giingon ni Samuel mahitungod sa iyang paghari.

Ang Biblia 2011

¹⁶ Si Saul miingon sa iyang uyoan, “Gitug-anan kami niya nga ang mga asno nakit-an na.” Apan mahitungod sa gingharian nga gisulti ni Samuel, wala siyay gisugilon kaniya.

Maayong Balita Biblia

¹⁶ Ug giingnan ni Saul ang iyang uyoan, “Gitug-anan kami niya nga nakaplagan na ang mga asno.” Apan bahin sa giingon ni Samuel mahitungod sa iyang pagkahari, wala gayod niya tug-ani ang iyang uyoan.

Ang Bag-ong Maayong Balita Biblia

¹⁶ Ug giingnan ni Saul ang iyang uyoan, “Gitug-anan kami niya nga nakaplagan na ang mga asno.” Apan bahin sa giingon ni Samuel mahitungod sa iyang pagkahari, wala gayod niya tug-ani ang iyang uyoan.

1 Samuel 10:16 Cross References

Exodo 4:18

Mibalik si Moises kang Jetro nga iyang ugangan ug miingon kaniya, “Tugoti ako nga mobalik sa akong mga kadugo didto sa Ehipto sa pagtan-aw kon buhi pa ba sila.” Miingon si Jetro, “Sige, ug maayong paglakaw.”

Mga Panultihon 12:23

Ang maalamon nga tawo dili magpasigarbo sa iyang nahibaloan, apan ipakita gayod sa tawong buang-buang ang iyang kabuang.

Mga Panultihon 29:11

Ang tawong buang-buang mopagawas gayod sa iyang kasuko, apan ang tawong maalamon makapugong sa iyang kaugalingon.

Ecclesiastes 3:7

adunay panahon sa paggisi ug adunay panahon sa pagtahi, adunay panahon sa paghilom ug adunay panahon sa pagsulti,

Mga Maghuhukom 14:6

Gigamhan si Samson sa Espiritu sa Ginoo, ug gipikas niya ang liyon pinaagi sa iyang mga kamot nga daw nagpikas lang siya ug usa ka batan-ong kanding. Apan wala niya kini isugilon sa iyang mga ginikanan.

Mga Maghuhukom 14:9

Gikandos niya sa iyang kamot ang dugos ug gikaon kini samtang naglakaw. Sa dihang nagkita sila sa iyang mga ginikanan, gihatagan niya sila sa dugos, ug gikaon usab nila kini. Apan wala niya sila sultihi nga gikan kadto sa patayng lawas sa liyon.

1 Samuel 10:15

Miingon ang uyoan ni Saulo, “Sultihi ako kon unsa ang giingon ni Samuel kanimo.”

1 Samuel 9:20

Bahin sa mga asno nga nawala tulo na ka adlaw ang milabay, ayawg kabalaka kay nakit-an na sila. Ug karon sultihan ka nako nga ikaw ug ang panimalay sa imong amahan mao ang gilaoman sa mga Israelinhon.”

1 Samuel 9:27

Sa dihang didto na sila sa gawas sa lungsod, miingon si Samuel kang Saulo, “Paunaha ang imong sulugoon kay mag-istorya kita sa makadiyot. Isulti ko kanimo ang giingon sa Dios.” Busa miuna ang sulugoon.