1 Samuel 10:12 - Ang Pulong sa Dios

¹² Mitubag ang usa ka tawo nga taga-didto, “Dili mahinungdanon kon kinsa ang iyang amahan; si bisan kinsa mahimong propeta.” Busa mao kana ang sinugdanan sa panultihon nga nag-ingon, “Nahimo na bang propeta si Saulo?”

Ang Biblia 2011

¹² Ug usa ka tawo niadtong dapita mitubag, “Ug si kinsa ang ilang amahan?” Busa nahimo kining usa ka panultihon, “Usa ba usab si Saul sa mga propeta?”

Maayong Balita Biblia

¹² Unya may taga didto nga nangutana, “Kanang uban, propeta ba usab diay ang ilang mga amahan?” Busa nahimo kining panultihon, “Propeta na ba diay si Saul?”

Ang Bag-ong Maayong Balita Biblia

¹² Unya may taga didto nga nangutana, “Kanang uban, propeta ba usab diay ang ilang mga amahan?” Busa nahimo kining panultihon, “Propeta na ba diay si Saul?”

1 Samuel 10:12 Cross References

Isaias 54:13

Ako mismo ang motudlo sa imong katawhan, ug magmauswagon gayod sila pag-ayo.

Juan 6:45

Adunay gisulat ang usa sa mga propeta nga nag-ingon, ‘Silang tanan tudloan sa Dios.’ Busa ang tanan nga magpatalinghog sa mga gitudlo sa Amahan moduol kanako.

Juan 7:16

Miingon si Jesus kanila, “Ang mga gitudlo ko kaninyo wala maggikan kanako, kondili naggikan sa Amahan nga nagpadala kanako.

Santiago 1:17

Kay ang tanan nga maayo ug hingpit nga gasa naggikan man sa Dios. Siya mao ang naghimo sa tanan nga atua sa langit nga naghatag ug kahayag dinhi sa kalibotan. Ug bisan mausab ang ilang kahayag ug mabalhin ang ilang landong, ang Dios dili gayod mausab.

1 Samuel 10:13

Pagkahuman ni Saulo ug sugilon sa mensahe sa Dios, miadto siya sa simbahanan sa habog nga dapit.

1 Samuel 19:23

Apan samtang nagpaingon siya didto, gigamhan usab siya sa Espiritu sa Dios ug misulti sa mensahe sa Dios hangtod nga nakaabot siya sa Nayot.

1 Samuel 19:24

Gihubo niya ang iyang bisti ug misulti sa mensahe sa Dios atubangan ni Samuel. Mihigda siya didto nga walay bisti tibuok adlaw ug gabii. Mao kini ang hinungdan sa panultihon nga, “Nahimo na ba usab nga usa ka propeta si Saulo?”