1 Samuel 10:10 - Ang Pulong sa Dios

¹⁰ Sa pag-abot ni Saulo ug sa iyang sulugoon sa Gibea, gisugat siya sa mga propeta. Unya gigamhan si Saulo sa Espiritu sa Dios ug nagsugilon usab siya sa mensahe sa Dios uban niadtong mga propeta.

Ang Biblia 2011

¹⁰ Sa pag-abot nila sa Gibea, dihay usa ka panon sa mga propeta nga misugat kaniya, ug ang Espiritu sa Dios miabot kaniya nga puno sa gahom ug siya nagpropesiya uban kanila.

Maayong Balita Biblia

¹⁰ Sa pag-abot nila sa Gibeah, gisugat sila sa usa ka pundok sa mga propeta ug mikunsad kang Saul ang espiritu sa Dios ug miapil siya uban kanila.

Ang Bag-ong Maayong Balita Biblia

¹⁰ Sa pag-abot nila sa Gibeah, gisugat sila sa usa ka pundok sa mga propeta ug mikunsad kang Saul ang espiritu sa Dios ug miapil siya uban kanila.

1 Samuel 10:10 Cross References

Mga Maghuhukom 15:14

Pag-abot nila sa Lehi, gitagbo siya sa mga Filistihanon nga nagsinggit. Gigamhan si Samson sa Espiritu sa Ginoo, ug nangabugto ang mga gapos nga daw sa tanod nga nasunog ug nangahulog kini gikan sa iyang mga kamot.

Mga Maghuhukom 3:10

Gigamhan siya sa Espiritu sa Ginoo, ug gipangulohan niya ang Israel. Nakig-away siya kang Kushan Rishataim nga hari sa Aram, ug gipadaog siya sa Ginoo.

1 Samuel 11:6

Pagkadungog niini ni Saulo, gigamhan siya sa Espiritu sa Dios, ug labihan gayod ang iyang kasuko.

1 Samuel 16:13

Busa gikuha ni Samuel ang lana ug gidihogan niya si David atubangan sa iyang mga igsoon. Ug gikan niadtong adlawa gigamhan si David sa Espiritu sa Ginoo. Unya mipauli si Samuel sa Rama.

1 Samuel 2:35

“Magpili akog matinumanon nga pari nga mosunod sa akong kabubut-on. Hatagan ko siyag mga kaliwat nga moalagad sa akong piniling hari hangtod sa kahangtoran.