1 Samuel 1:8 - Ang Pulong sa Dios

⁸ Unya moingon si Elkana kaniya, “Nganong naghilak ka man? Nganong dili ka man mokaon? Nganong nagsubo ka? Dili ba diay ako mas bililhon pa alang kanimo kay sa napulo ka mga anak?”

Ang Biblia 2011

⁸ Ug si Elkana nga iyang bana miingon kaniya, “Hana, nganong naghilak ikaw? Ug nganong wala ikaw mokaon? Nganong ang imong kasingkasing masulub-on? Dili ba ako labaw pa man alang kanimo kay sa napulo ka anak nga lalaki?”

Maayong Balita Biblia

⁸ Ug si Elcana nga iyang bana moingon kaniya, “Hana, nganong naghilak ka man ug dili mokaon? Unsa may imong nagul-an? Dili ba diay mas bililhon pa ako alang kanimo kay sa napulo ka anak nga lalaki?”

Ang Bag-ong Maayong Balita Biblia

⁸ Ug si Elcana nga iyang bana moingon kaniya, “Hana, nganong naghilak ka man ug dili mokaon? Unsa may imong nagul-an? Dili ba diay mas bililhon pa ako alang kanimo kay sa napulo ka anak nga lalaki?”

1 Samuel 1:8 Cross References

2 Mga Hari 8:12

Gipangutana siya ni Hazael, “Sir, nganong mihilak ka man?” Mitubag siya, “Tungod kay nahibaloan ko ang daotan mong pagahimuon sa mga Israelinhon. Sunogon mo ang ilang pinarilan nga mga lungsod, pamatyon mo ang ilang mga pamatan-on, dugmokon mo ang ilang gagmayng mga bata, ug yasyason mo ang tiyan sa ilang mga babayeng mabdos.”

Job 6:14

“Isip mga higala, unta makigduyog kamo kanako sa akong pag-antos bisan sa inyong tan-aw gisalikway ko ang Makagagahom nga Dios.

Salmo 43:4

Unya moadto ako sa imong halaran, O Dios, ikaw nga naghatag kanako ug kalipay. Magdayeg ako kanimo pinaagi sa pagtukar sa harpa, O Dios ko.

Isaias 54:1

Miingon ang  Ginoo, “Pag-awit, O Jerusalem, ikaw nga sama sa usa ka babayeng baog. Pag-awit ug paghugyaw sa kalipay, ikaw nga wala gayod makasinati sa kasakit sa pagpanganak. Tungod kay bisan biniyaan ka, mas daghan pa unya ang imong mahimong anak kay sa babayeng nagpuyo uban sa iyang bana.

Isaias 54:6

Jerusalem, sama ka sa batan-ong asawa nga naguol tungod kay gibiyaan sa iyang bana. Apan karon tawgon ka nako nga mobalik kanako.

Juan 20:13

Gipangutana sa mga anghel si Maria, “Nganong gahilak ka?” Mitubag si Maria, “Tungod kay adunay nagkuha sa patayng lawas sa akong Ginoo ug wala ako masayod kon asa nila gibutang!”

Juan 20:15

Nangutana si Jesus kaniya, “Nganong gahilak ka? Kinsa ba ang imong gipangita?” Abi ni Maria nga ang tig-atiman kadto sa mga tanom didto. Busa miingon siya, “Kon ikaw ang nagkuha kaniya, sultihi ako kon asa mo siya gibutang, kay kuhaon ko siya.”

1 Mga Taga-Tesalonica 5:14

Naghangyo usab kami kaninyo nga pasidan-an ninyo ang mga tapolan. Dasiga ninyo ang mga mahadlokon ug tabangi ang mga maluya sa ilang pagtuo. Ug pagmapailubon kamo sa tanan.

Ruth 4:15

Pabaskogon ug atimanon ka niya kon tigulang ka na, kay anak siya sa imong umagad nga nagpangga gayod kanimo labaw pa sa pagpangga sa pito ka anak nga lalaki.”

1 Samuel 1:7

Mao kini ang kanunayng mahitabo matag tuig. Matag adto ni Hana sa balay sa Ginoo palaguton siya ni Penina hangtod nga mohilak na lang siya ug dili na mokaon.