1 Samuel 1:5 - Ang Pulong sa Dios

⁵ Apan ang kang Hana doblehon niya kay gihigugma niya kini bisan pa ug gihimo kini sa Ginoo nga baog.

Ang Biblia 2011

⁵ Apan ngadto kang Hana mihatag siya ug duha ka bahin kay gihigugma man niya si Hana bisan ang Ginoo nagtak-op sa iyang taguangkan.

Maayong Balita Biblia

⁵ apan bisag mas gihigugma niya si Hana hatagan lamang niya siya ug usa ka bahin kay wala man siya hatagi sa Ginoo ug anak.

Ang Bag-ong Maayong Balita Biblia

⁵ apan bisag mas gihigugma niya si Hana hatagan lamang niya siya ug usa ka bahin kay wala man siya hatagi sa Ginoo ug anak.

1 Samuel 1:5 Cross References

Genesis 11:30

Si Sarai walay anak kay baog siya.

Genesis 16:1

Si Sarai nga asawa ni Abram dili makaanak. Aduna siyay sulugoon nga babayeng Ehiptohanon nga ginganlag Hagar.

Genesis 30:1

Wala gihapon mamabdos si Raquel, busa nasina siya kang Lea. Miingon siya kang Jacob, “Hatagi akog anak kay kon dili mamatay gayod ako!”

Genesis 30:2

Nasuko si Jacob ug miingon kaniya, “Ngano, Dios ba ako? Siya ang nagbuot nga dili ka makaanak.”

Genesis 43:34

Gisilbihan sila ug pagkaon gikan sa atubangan ni Jose apan ang pagkaon nga gihatag kang Benjamin lima gayod ka pilo ang gidaghanon kay sa gihatag sa uban. Nangaon sila ug nag-inom uban ni Jose.

Genesis 45:22

Gihatagan usab niya ang matag-usa kanila ug bisti, apan ang gihatag niya kang Benjamin lima ka bisti ug 300 kapirasong pilak.

Deuteronomio 21:15

“Pananglit adunay usa ka tawo nga duhay asawa, ug gihigugma niya ang usa apan ang usa wala, ug aduna siyay mga anak kanilang duha. Pananglit ang iyang kamagulangang anak nga lalaki anak sa asawa nga wala niya higugmaa.