1 Samuel 1:3 - Ang Pulong sa Dios

³ Matag tuig, moadto si Elkana ug ang iyang pamilya sa Silo aron sa pagsimba ug paghalad ngadto sa Ginoo nga Makagagahom. Niadtong panahona ang duha ka anak ni Eli nga si Hofni ug si Pinehas mao ang mga pari sa Ginoo didto sa Silo.

Ang Biblia 2011

³ Kining tawhana mag-adtoan matag tuig gikan sa iyang siyudad aron sa pagsimba ug paghalad ngadto sa Ginoo sa mga panon didto sa Silo, diin ang duha ka anak nga lalaki ni Eli nga si Hopni ug si Pinehas mga pari sa Ginoo.

Maayong Balita Biblia

³ Matag tuig mag-adtoan si Elcana sa Silo aron pagsimba ug paghalad ug mananap nga sunogon ngadto sa Ginoo nga Labing Gamhanan. Didto mag-alagad ingon nga mga pari ang duha ka anak ni Eli nga si Hopni ug si Pinehas.

Ang Bag-ong Maayong Balita Biblia

³ Matag tuig mag-adtoan si Elcana sa Silo aron pagsimba ug paghalad ug mananap nga sunogon ngadto sa Ginoo nga Labing Gamhanan. Didto mag-alagad ingon nga mga pari ang duha ka anak ni Eli nga si Hopni ug si Pinehas.

1 Samuel 1:3 Cross References

Salmo 78:60

Gibiyaan niya ang iyang tolda sa Silo nga maoy iyang pinuy-anan dinhi sa kalibotan.

Exodo 23:14

“Magsaulog kamog tulo ka pista matag tuig alang sa pagpasidungog kanako.

Exodo 23:17

“Ang tanan ninyong mga lalaki kinahanglang motambong niini nga mga pista kada tuig aron sa pagsimba kanako, ang Ginoo nga inyong Dios.

Exodo 34:23

“Ang inyong mga lalaki kinahanglan motambong niining tulo ka mga kapistahan kada tuig sa pagsimba sa Ginoo nga inyong Agalon, ang Dios sa Israel.

Lucas 2:41

Matag tuig moadto ang ginikanan ni Jesus sa Jerusalem aron sa pagsaulog sa Pista sa Paglabay sa Anghel.

Deuteronomio 16:16

“Kada tuig, ang tanan ninyong kalalakin-an kinahanglang motambong niining tulo ka kapistahan: ang Pista sa Pan nga walay Patubo, ang Pista sa Pag-ani, ug ang Pista sa Pagpatindog sa mga Payag. Ang matag-usa kanila moadto sa presensya sa Ginoo nga inyong Dios didto sa dapit nga iyang pilion, ug kinahanglan magdala sila ug halad alang sa Ginoo sumala sa panalangin nga gihatag kanila sa Ginoo nga inyong Dios.

Josue 18:1

Human mailog sa tibuok katilingban sa Israel ang yuta, nagtigom silang tanan sa Silo, ug nagtukod ug Tolda nga Tagboanan.

Mga Maghuhukom 18:31

Sa tibuok panahon nga didto sa Silo ang tolda sa Dios, ang dios-dios usab ni Micas mao ang gisimba didto sa Dan.

Mga Maghuhukom 21:19

Unya nahinumdom sila nga hapit na ang tinuig nga pista alang sa Ginoo nga ginahimo didto sa Silo. (Ang Silo anaa sa amihan sa Betel, sa habagatan sa Lebona, ug sa sidlakan sa dalan nga gikan sa Betel paingon sa Sekem.)

1 Samuel 1:21

Unya, miabot na usab ang panahon nga si Elkana ug ang iyang tibuok pamilya mohalad ngadto sa Ginoo sumala sa naandan nilang himuon matag tuig. Mao usab kini ang panahon nga mohalad siya aron sa pagtuman sa iyang panaad sa Ginoo.

1 Samuel 1:9

Usa ka higayon, pagkahuman nilag pangaon didto sa Silo, mitindog si Hana ug nag-ampo nga naghilak, kay labihan gayod ang kaguol nga iyang gibati. Naglingkod niadto ang pari nga si Eli duol sa pultahan sa balay sa Ginoo.

1 Samuel 14:3

Didto usab si Ahia nga pari, ug nagsul-ob kini ug efod. Si Ahia anak ni Ahitub, nga igsoon ni Icabod. Si Ahitub anak ni Pinehas. Si Pinehas anak ni Eli nga pari sa Ginoo sa Silo kaniadto. Walay nasayod nga milakaw si Jonatan.

1 Samuel 2:19

Matag tuig himoan siya sa iyang inahan ug pangsapaw nga bisti, ug iya kining dad-on sa matag higayon nga maghalad sila uban ang iyang bana alang sa tinuig nga paghalad.

1 Samuel 2:34

“Ug ingon nga timailhan niini, mangamatay ang imong duha ka anak nga si Hofni ug si Pinehas sulod sa usa lang ka adlaw.

1 Samuel 3:13

Kay giingnan ko siya nga silotan ko ang iyang pamilya hangtod sa kahangtoran tungod kay gipasagdan niya ang iyang mga anak sa ilang gipanghimo nga pagpakasala, bisan ug nahibaloan niya kini.

1 Samuel 4:11

Nailog sa mga Filistihanon ang Sudlanan sa Kasabotan, ug napatay usab ang duha ka anak ni Eli nga si Hofni ug si Pinehas.

1 Samuel 4:4

Busa gipakuha nila gikan sa Silo ang Sudlanan sa Kasabotan sa Ginoo nga Makagagahom. Ang tabon niining Sudlanan adunay estatuwa sa duha ka kerubin, ug nagpuyo ang Ginoo taliwala niini. Miuban sa pagkuha sa Sudlanan sa Dios ang duha ka anak ni Eli nga si Hofni ug si Pinehas.