1 Juan 5:14 - Ang Pulong sa Dios

¹⁴ Ug makasalig kita nga makaduol sa Dios kay nagtuo kita nga paminawon niya ang bisan unsa nga atong i-ampo sumala sa iyang kabubut-on.

Ang Biblia 2011

¹⁴ Ug ang atong nabatonang pagsalig kaniya mao kini, nga kon mangayo kita ug bisan unsa sumala sa iyang kabubut-on, siya mamati gayod kanato.

Maayong Balita Biblia

¹⁴ Ug makasalig kita sa Dios nga bisag unsay atong pangayoon kaniya sumala sa iyang kabubut-on, dunggon gayod kita niya.

Ang Bag-ong Maayong Balita Biblia

¹⁴ Ug makasalig kita sa Dios nga bisag unsay atong pangayoon kaniya sumala sa iyang kabubut-on, dunggon gayod kita niya.

1 Juan 5:14 Cross References

1 Mga Hari 3:12

ihatag ko kanimo ang imong gipangayo. Hatagan ka nako ug kaalam ug panabot nga wala gayod maangkon ni bisan kinsa kaniadto ug bisan sa umaabot nga panahon.

Job 34:28

Gidaog-daog nila ang mga kabos, ug nadungog sa Dios ang ilang pagpakitabang.

Salmo 145:19

Ginahatag mo ang ginapangandoy sa mga nagtahod kanimo; ginapatalinghogan mo ang ilang pagpanawag, ug ginaluwas mo sila.

Salmo 31:22

Sa akong kalisang miingon ako, “Gisalikway mo ako gikan sa imong atubangan.” Apan gidungog mo ang akong pagpakiluoy sa dihang nangayo akog tabang kanimo.

Salmo 34:17

Nagpakitabang kaniya ang mga matarong, ug dunggon niya sila. Iya silang luwason sa tanan nilang kalisdanan.

Salmo 69:33

Maminaw ang Ginoo sa mga kabos ug dili niya kalimtan ang iyang mga katawhan nga nabilanggo.

Mga Panultihon 10:24

Maingon nga ang gikahadlokan sa tawong daotan mahitabo kaniya, ang ginahandom sa tawong matarong maangkon niya.

Mga Panultihon 15:29

Layo ang  Ginoo sa mga daotan, apan mamati siya sa mga pag-ampo sa mga matarong.

Jeremias 33:3

“Panawag kanako kay tubagon ka nako. Ipadayag ko kanimo ang katingalahan ug sekretong mga butang nga wala mo pa masayri.

Mateo 21:22

Ang bisan unsa nga inyong pangayoon pinaagi sa inyong pag-ampo madawat gayod ninyo, kon motuo kamo.”

Juan 11:42

Nasayod ako nga kanunay ka nga nagpaminaw kanako, apan gisulti ko kini alang sa mga tawo nga ania karon nag-alirong kanako, aron motuo sila nga ikaw mao ang nagpadala kanako dinhi sa kalibotan.”

Juan 14:13

Buhaton ko ang bisan unsa nga inyong pangayoon kanako, aron mapasidunggan ang Amahan pinaagi nga iyang Anak. Bisan unsa ang inyong hangyoon kanako pinaagi sa akong ngalan buhaton ko kini.

Juan 15:7

Kon magpabilin kamo kanako ug tipigan ninyo sa inyong mga kasing-kasing ang akong mga pulong, makapangayo kamo kanako bisan unsa nga inyong gusto, ug madawat ninyo kini.

Juan 16:24

Hangtod karon wala pa kamo makapangayo sa bisan unsa kaniya pinaagi sa akong ngalan. Pangayo kamo aron makadawat kamo, ug aron mahimong hingpit ang inyong kalipay.

Juan 9:31

Nahibalo kita nga dili tubagon sa Dios ang mga makasasala. Apan tubagon niya ang mga tawo nga nagtahod kaniya ug nagtuman sa iyang kabubut-on.

Mga Taga-Efeso 3:12

Tungod sa atong pagtuo kang Cristo ug tungod kay kita anaa na kaniya, makaduol na kita sa Dios nga walay kahadlok o kataha.

Mga Hebreo 10:35

Busa ayaw ninyo wad-a ang inyong pagsalig sa Dios, kay aduna kini dako nga balos alang kaninyo.

Mga Hebreo 3:14

Kay kita kauban ni Cristo kon lig-on kita nga naghupot sa atong pagsalig kaniya hangtod sa kataposan.

Mga Hebreo 3:6

Apan si Cristo kasaligan isip Anak nga tinugyanan sa pamilya sa Dios. Ug kita ang pamilya sa Dios, kon magpadayon kita nga mahugtanon sa atong paglaom nga atong ginapasigarbo.

Santiago 4:3

Ug kon mangayo kamo, dili kamo hatagan kay daotan man ang inyong katuyoan. Ang mga butang nga inyong gipangayo alang lang sa inyong kaugalingon nga kalipay.

Santiago 5:16

Pagsuginlanay kamo sa inyong mga sala ug pag-inampoay aron mangaayo kamo. Kay dako ang mahimo sa pag-ampo sa tawo nga matarong.

1 Juan 2:28

Mga anak, pabilin kamo kaniya, aron dili kita mahadlok o magtago tungod sa kaulaw kon moabot na siya.