1 Juan 3:2 - Ang Pulong sa Dios

² Mga hinigugma, karon mga anak na kita sa Dios. Apan wala pa mapadayag kon unsa kita sa kaulahian. Nahibaloan nato nga kon moabot na si Cristo mahisama kita kaniya, kay makita gayod nato siya sa iyang pagka-siya.

Ang Biblia 2011

² Mga hinigugma, kita karon mga anak sa Dios, kon maunsa unya kita, kini wala pa ipadayag, apan kita nasayod nga sa dihang ipadayag na siya, kita mahisama kaniya kay makita man unya nato siya sa iyang pagkamao.

Maayong Balita Biblia

² Minahal kong mga igsoon, kita karon mga anak na sa Dios. Wala pa nato matino kon maunsa gayod unya kita apan ang nasayran nato mao nga inig-abot na ni Cristo mahisama kita kaniya kay makita man nato siya sa iya gayong pagkasiya.

Ang Bag-ong Maayong Balita Biblia

² Minahal kong mga igsoon, kita karon mga anak na sa Dios. Wala pa nato matino kon maunsa gayod unya kita apan ang nasayran nato mao nga inig-abot na ni Cristo mahisama kita kaniya kay makita man nato siya sa iya gayong pagkasiya.

1 Juan 3:2 Cross References

Job 19:26

Human madunot ang akong panit ug mobiya na ako sa akong lawas, makita ko ang Dios.

Salmo 16:11

Ginatudloan mo ako kon unsaon pag-angkon ang maayong kinabuhi. Uban kanimo hingpit ang akong kalipay hangtod sa kahangtoran.

Salmo 17:15

Apan ako makakita kanimo, kay wala akoy nahimong sala. Pagmata ko malipay gayod ako sa akong pagkakita kanimo.

Salmo 31:19

Pagkadako sa imong kaayo nga gitagana sa mga nagtahod kanimo. Ginahatag mo kini ngadto sa mga nagsalig kanimo, ug kini makita sa tanan.

Isaias 56:5

Tugotan ko sila nga mosulod sa akong Templo ug hatagan ko sila sa pasidungog nga labaw kay sa pasidungog nga madawat nila kon aduna silay mga anak. Dili gayod sila malimtan sa mga tawo hangtod sa hangtod.

Malaquias 3:2

Apan kinsa ang makaantos sa adlaw sa iyang pag-abot? Kinsa ang makaagwanta kon mopakita na siya? Kay sama siya sa kalayo nga naglunsay sa puthaw o sama sa sabon nga makahinlo. Putlion niya ang mga pari nga kaliwat ni Levi sama sa paglunsay sa pilak ug bulawan, aron mahimong matarong ang ilang kinabuhi sa ilang paghalad sa Ginoo.

Mateo 5:8

Bulahan ang mga tawo nga hinlo ug kasing-kasing, kay makita nila ang Dios.

Lucas 17:30

“Mao usab kana ang mahitabo kon ang Anak sa Tawo moabot na.

Lucas 20:36

Dili na sila mamatay tungod kay mahisama na sila sa mga anghel; mga anak sila sa Dios, kay gibanhaw man sila.

Juan 1:12

Apan si bisan kinsa nga midawat kaniya, nga mituo kaniya, gihatagan niya ug katungod nga mahimong anak sa Dios.

Juan 11:52

Ug dili lang alang kanila, kondili alang pud sa tanan nga anak sa Dios nga nagkatibulaag sa ubang lugar, aron matigom ug mahiusa silang tanan.

Juan 17:24

“Amahan, buot ko nga kining mga tawo nga imong gihatag kanako makauban ko, aron makita usab nila ang akong himaya, ang himaya nga imong gihatag kanako, tungod kay gimahal mo ako bisan sa wala pa mamugna ang kalibotan.

Roma 8:16

Ang Espiritu uban sa atong espiritu mao ang nagpamatuod nga kita mga anak sa Dios.

Roma 8:18

Alang kanako, ang mga pag-antos karon dili ikatandi sa maayo kaayo nga kahimtang nga maangkon nato unya sa umaabot.

Roma 8:19

Kay ang tanang binuhat sa Dios naghinam-hinam gayod nga nagpaabot sa higayon nga ipadayag na sa Dios ang iyang mga anak.

Roma 8:29

Kay sukad pa kaniadto, nasayran na sa Dios kon kinsa ang iyang mahimong mga anak. Ug giplano na niyang daan nga mahisama sila sa iyang Anak nga si Jesus, aron siya ang mahimong kamagulangan sa daghang mga managsoon.

1 Mga Taga-Corinto 13:12

Karon mura kitag nagtan-aw sa salamin nga hanap; apan moabot ang adlaw nga maklaro gayod ang tanan. Karon tipik lamang ang atong nasayran; apan moabot ang adlaw nga masayran nato ang tanan, sama sa pagkasayod sa Dios kanato.

1 Mga Taga-Corinto 15:49

Busa ingon nga ang atong lawas nahisama sa lawas ni Adan nga gikan sa yuta, moabot gayod ang adlaw nga ang atong lawas mahisama usab kang Cristo nga gikan sa langit.

1 Mga Taga-Corinto 2:9

Apan sumala sa giingon sa Kasulatan: “Wala pa gayoy nakita, nadungog, o kaha nahuna-huna ang tawo nga angay ikatandi ngadto sa mga giandam sa Dios alang sa mga nahigugma kaniya.”

2 Mga Taga-Corinto 3:18

Ug tungod kay wala nay nakatap-tap sa atong huna-huna, makita na nato ang gahom sa atong Ginoo. Ug kining gahom nga gikan sa Ginoo, nga mao ang Espiritu nagpadayon sa pagbag-o kanato aron nga sa ngadto-ngadto mahisama kita kaniya.

2 Mga Taga-Corinto 4:17

Kay ang mga kalisdanan nga among giantos dinhi sa kalibotan lumalabay lang. Apan naghatag kini kanamo ug himaya nga molungtad sa walay kataposan ug dili gayod kini matupngan.

Mga Taga-Galacia 3:26

Kamong tanan mga anak na sa Dios tungod sa inyong pagtuo kang Cristo Jesus.

Mga Taga-Galacia 4:6

Ug tungod kay kita mga anak man sa Dios, gipadala niya ang Espiritu sa iyang Anak nganhi sa atong mga kasing-kasing. Mao kana nga makatawag na kita sa Dios ug “Abba, Amahan.”

Mga Taga-Filipos 3:21

Pag-abot niya dinhi, bag-ohon niya kining atong lawas nga adunay kamatayon aron mahisama sa iyang lawas nga langitnon, pinaagi sa iyang gahom nga makapahimo kaniya sa paghari sa tanan.

Mga Taga-Colosas 3:4

Si Cristo mao ang inyong kinabuhi; ug sa pag-abot sa adlaw nga ipadayag siya, ipadayag usab kamo uban kaniya nga adunay gahom ug dungog.

Mga Hebreo 9:28

Busa si Cristo kausa lang gayod namatay isip halad aron makuha ang mga sala sa mga tawo. Tinuod nga mobalik siya pag-usab dinhi sa kalibotan, apan dili aron sa paghalad pag-usab aron makuha ang atong mga sala, kondili aron sa pagluwas sa mga tawo nga naghulat kaniya.

2 Pedro 1:4

Ug pinaagi usab niini, gihatagan niya kita ug bililhon gayod nga mga saad, aron pinaagi niini nga mga saad malikayan nato ang mga kailibgon dinhi sa kalibotan nga makadaot kanato, ug makaambit kita sa diosnon nga kinaiya.

1 Juan 2:28

Mga anak, pabilin kamo kaniya, aron dili kita mahadlok o magtago tungod sa kaulaw kon moabot na siya.

1 Juan 2:7

Mga hinigugma, dili bag-o nga sugo kining gisulat ko kaninyo, hinuon, daan na kini nga sugo nga nadungog ninyo ug nahibaloan sukad nga kamo mituo. Kining daan nga sugo nga maghigugmaay kamo susama lang nga mensahe nga inyong nadungog kaniadto.

1 Juan 3:1

Huna-hunaa ninyo kon unsa kadako ang paghigugma sa Amahan kanato! Gitawag niya kita nga iyang mga anak, ug tinuod gayod kini. Wala makaila kanato ang mga tawo dinhi sa kalibotan tungod kay wala man sila makaila sa Dios.

1 Juan 3:10

Sa ingon niini maila kon kinsa gayod ang mga anak sa Dios ug kon kinsa ang mga anak sa Yawa: ang tawo nga wala nagbuhat ug matarong o wala naghigugma sa iyang igsoon dili anak sa Dios.

1 Juan 3:21

Mga hinigugma, kon wala na kita hasola sa atong konsensya, wala kitay kahadlok nga moduol sa Dios.

1 Juan 5:1

Si bisan kinsa nga nagtuo nga si Jesus mao ang Cristo, anak sa Dios. Ug si bisan kinsa nga naghigugma sa ginikanan naghigugma usab sa iyang anak.

Gipadayag 2:28

Ihatag ko usab kanila ang kabugwason.

Gipadayag 22:4

Makita na nila ang iyang panagway, ug ang iyang ngalan isulat diha sa ilang mga agtang.