1 Juan 3:17 - Ang Pulong sa Dios

¹⁷ Kon hamugaway ang atong kinabuhi apan wala kita motabang bisan nakita nato nga naglisod ang atong igsoon, makaingon ba kita nga ang gugma sa Dios ania kanato?

Ang Biblia 2011

¹⁷ Apan si bisan kinsa nga adunay mga butang alang sa panginabuhi dinhi sa kalibotan, ug makakita sa iyang igsoon nga anaa sa kawalad-on ug unya magtak-op sa iyang kasingkasing, unsaon man sa pagpabilin diha kaniya sa gugma sa Dios?

Maayong Balita Biblia

¹⁷ Unsaon man pag-ingon sa usa ka dato nga nahigugma siya sa Dios kon nagdumili siya pagtabang sa iyang isigkatawo nga anaa sa kawad-on?

Ang Bag-ong Maayong Balita Biblia

¹⁷ Unsaon man pag-ingon sa usa ka dato nga nahigugma siya sa Dios kon nagdumili siya pagtabang sa iyang isigkatawo nga anaa sa kawad-on?

1 Juan 3:17 Cross References

Mga Panultihon 12:10

Ang tawong matarong moatiman ug maayo sa iyang mga mananap, apan ang tawong daotan bangis ug walay kaluoy sa iyang mga mananap.

Mga Panultihon 14:31

Ang nagpaantos sa mga kabos nagtamay sa Dios nga naghimo kanila, apan ang maluloy-on sa mga kabos nagpasidungog sa Dios.

Mga Panultihon 19:17

Kon mohatag ka sa mga kabos, sama lang nga nagpahulam ka sa Ginoo, kay ang  Ginoo mobayad kanimo.

Mga Panultihon 21:13

Kon dili mo panumbalingon ang mga kabos kon mangayo sila ug tabang, dili ka usab panumbalingon kon mangayo ka ug tabang.

Mga Panultihon 28:9

Si bisan kinsa nga dili motuman sa Kasugoan, kangil-aran sa Dios bisan ang iyang pag-ampo.

Lucas 3:11

Mitubag si Juan, “Kon kinsa kaninyo ang adunay duha ka bisti ihatag ang usa sa walay bisti. Ug kon kinsa kaninyo ang adunay pagkaon, hatagi kadtong walay pagkaon.”

2 Mga Taga-Corinto 8:9

Nasayod usab kamo sa grasya sa atong Ginoong Jesu-Cristo, nga bisag adunahan siya nagpakakabos siya pinaagi sa iyang pagpakatawo tungod sa iyang kaluoy kanato, aron mahimo kitang adunahan.

Mga Hebreo 13:16

Ayaw kamo kalimot pagbuhat ug maayo, ug pagtinabangay kamo, kay mao kini ang mga halad nga makahatag ug kalipay sa Dios.

Santiago 2:15

Pananglit aduna kitay igsoon nga nagkinahanglan ug bisti ug pagkaon,

Santiago 2:16

ug ang usa kaninyo moingon kaniya, “Hinaut nga panalanginan ka sa Dios, ayaw pagpatugnaw ug ayaw pagpagutom,” apan wala man lang gani niya kini hatagi sa iyang mga gikinahanglan, nan, unsa may maayo nga nahimo niana?

1 Juan 4:20

Ang moingon nga nahigugma siya sa Dios, apan wala mahigugma sa iyang igsoon, kanang tawhana bakakon. Kay kon ang iyang igsoon mismo nga iyang makita wala gani niya higugmaa, unsaon niya paghigugma sa Dios nga wala niya makita?

1 Juan 5:1

Si bisan kinsa nga nagtuo nga si Jesus mao ang Cristo, anak sa Dios. Ug si bisan kinsa nga naghigugma sa ginikanan naghigugma usab sa iyang anak.