1 Juan 2:20 - Ang Pulong sa Dios

²⁰ Apan kamo gihatagan ni Cristo sa Espiritu Santo. Busa nasayod kamong tanan sa kamatuoran.

Ang Biblia 2011

²⁰ Apan kamo gidihogan na niya nga Balaan, ug kamong tanan nahibalo na.

Maayong Balita Biblia

²⁰ Apan kamo gidihogan niya nga Balaan busa nasayod kamong tanan sa kamatuoran.

Ang Bag-ong Maayong Balita Biblia

²⁰ Apan kamo gidihogan niya nga Balaan busa nasayod kamong tanan sa kamatuoran.

1 Juan 2:20 Cross References

Salmo 16:10

kay dili mo ako pasagdan nga moadto sa dapit sa mga patay. Dili mo tugotan nga madugta ang imong matinud-anon nga alagad.

Salmo 23:5

Giandaman mo ako ug kombira samtang nagtan-aw ang akong mga kaaway. Gidihogan mo ug lana ang akong ulo ingon nga imong pinasidunggang bisita. Ug gipatuyangan mo ako sa ilimnon.

Salmo 45:7

Nahigugma ka sa katarong, apan nasilag ka sa kadaotan. Busa gipili ka sa Dios, nga imong Dios, ug gihatagan ka ug kalipay nga labaw kaysa gihatag niya sa imong mga kauban.

Salmo 71:22

O Dios ko, tungod sa imong pagkamatinumanon dayegon ka nako pinaagi sa pagtukar sa harpa. Awitan ka nako ug mga pagdayeg nga dinuyogan sa harpa, O Balaan nga Dios sa Israel.

Salmo 92:10

Gihatagan mo akog kusog nga sama sa kusog sa torong baka, ug gihatagan mo akog kalipay.

Mga Panultihon 28:5

Ang mga tawong daotan wala makasabot kon unsay hustisya, apan ang mga nagdangop sa Ginoo nakasabot pag-ayo niini.

Isaias 43:3

Kay ako ang  Ginoo nga imong Dios, ang Balaang Dios sa Israel, nga imong Manluluwas. Itugyan ko sa ubang nasod ang Ehipto, Etiopia, ug Seba puli kanimo.

Isaias 61:1

Ang Espiritu sa Ginoong Dios ania kanako. Kay gipili niya ako nga mowali sa maayong balita ngadto sa mga kabos. Gipadala niya ako aron sa paglipay sa mga nagmasulob-on ug sa pagmantala ngadto sa mga binihag nga aduna na silay kagawasan.

Jeremias 31:34

Dili na kinahanglan nga tudloan pa nila ang ilang katagilungsod o igsoon nga moila sa Ginoo tungod kay silang tanan moila kanako, gikan sa labing ubos hangtod sa labing dungganon. Kay pasayloon ko sila sa ilang mga kalapasan, ug dili ko na hinumdoman ang ilang mga sala. Ako, ang  Ginoo, ang nag-ingon niini.”

Levitico 7:35

Mao kadto ang bahin sa mga halad pinaagi sa kalayo alang sa Ginoo nga gihatag ngadto kang Aaron ug sa iyang mga kaliwat sa adlaw nga gidedikar sila nga moalagad sa Ginoo isip mga pari.

Mateo 13:11

Mitubag si Jesus kanila, “Ang mga tinago mahitungod sa gingharian sa Langit gisulti kaninyo sa pamaagi nga masabtan ninyo, apan sa uban wala kini isulti sa pamaagi nga masabtan nila.

Marcos 1:24

“Jesus nga taga-Nazaret, unsay labot mo kanamo? Mianhi ka ba aron paglaglag kanamo? Nakaila ako kanimo. Ikaw ang Balaan nga gipadala sa Dios.”

Lucas 4:18

“Ang Espiritu sa Ginoo ania kanako. Kay gipili niya ako sa pagwali sa maayong balita sa mga kabos. Gipadala niya ako aron sa pagsangyaw nga aduna nay kagawasan ang mga binihag, ug makakita na ang mga buta. Gipadala niya ako sa pagpagawas sa mga dinaog-daog,

Lucas 4:34

“Jesus nga taga-Nazaret, unsay imong labot kanamo? Mianhi ba ikaw aron sa paglaglag kanamo? Nakaila ako kanimo. Ikaw ang Balaan nga gipadala sa Dios.”

Juan 14:26

Apan kon makagikan na ako, ang Magdadasig nga mao ang Espiritu Santo mao ang ipadala sa Amahan puli kanako. Siya ang magtudlo kaninyo sa tanang mga butang, ug magpahinumdom kaninyo sa tanan nga akong giingon kaninyo.

Juan 16:13

Apan kon moabot na ang Espiritu sa Dios nga mao ang magtutudlo sa kamatuoran, tudloan niya kamo sa tanan nga kamatuoran. Ang iyang itudlo kaninyo dili gikan kaniya, kondili isulti lamang niya ang iyang nadungog. Isulti usab niya kaninyo kon unsa ang mahitabo sa umaabot.

Mga Buhat 10:38

Gihatagan sa Dios si Jesus nga taga-Nazaret sa Espiritu Santo ug gahom. Ug tungod kay ang Dios kauban niya, miadto siya sa nagkalain-lain nga dapit ug naghimo sa mga maayong butang. Giayo niya ang tanang mga gipaantos sa yawa.

Mga Buhat 3:14

Balaan ug matarong siya, apan gisalikway ninyo siya ug gihangyo hinuon ninyo kang Pilato nga buhian ang usa ka mamumuno baylo kaniya.

1 Mga Taga-Corinto 2:15

Ang tawo nga nakabaton sa Espiritu ang nagsusi niining tanan, apan dili siya ubos sa pagsusi sa ubang tawo.

Mga Hebreo 1:9

Nalipay ikaw sa mga buhat nga matarong, apan gikaligutgotan mo ang mga buhat nga daotan. Busa gipili ka sa Dios, nga imong Dios, ug gihatagan kag kalipay nga labaw pa kaysa gihatag niya sa imong mga kauban.”

Mga Hebreo 8:11

Wala nay mosulti sa iyang katagilungsod o sa iyang igsoon, ‘Ilha ang Ginoo.’ Tungod kay silang tanan makaila kanako, gikan sa labing ubos hangtod sa labing dungganon.

1 Juan 2:27

Apan kamo, ang Espiritu nga nadawat ninyo gikan kang Cristo nagpabilin kaninyo, busa dili na kinahanglan nga tudloan pa kamo sa uban nga mga tawo. Kay ang iyang Espiritu mao ang nagtudlo kaninyo sa tanang mga butang, ug ang iyang gitudlo tinuod ug dili bakak. Busa, sama sa iyang giingon kaninyo, pabilin kamo kang Cristo.

1 Juan 4:13

Nasiguro nato nga anaa kita sa Dios ug ang Dios ania kanato, kay gihatag niya kanato ang iyang Espiritu.

Judas 1:5

Bisan nasayod na kamo, gusto ko pa gihapon kamong pahinumdoman nga giluwas sa Ginoo ang mga Israelita sa Ehipto, apan sa kaulahian gipamatay niya ang uban kanila tungod kay wala sila motuo kaniya.

Gipadayag 3:7

“Isulat kini alang sa anghel nga nagbantay sa iglesia sa Filadelfia: “Mao kini ang giingon sa balaan ug kasaligan. Siya mao ang naghari sama sa paghari ni David kaniadto. Ug siya lang ang nagkupot sa yabi sa iyang gingharian. Busa kon moabli siya sa pultahan aron makasulod ang tawo sa iyang gingharian, walay makasirado niini. Ug kon sirad-an niya, wala usab makaabli niini.

Gipadayag 4:8

Ang matag-usa kanila adunay unom ka mga pako ug nalukop sa mga mata ang ilang tibuok nga lawas. Adlaw ug gabii wala silay hunong sa ilang pagkanta nga nag-ingon, “Balaan, balaan, balaan ang atong Ginoong Dios nga makagagahom sa tanan. Siya mao ang Dios kaniadto, karon ug sa umaabot.”