1 Mga Taga-Corinto 5:2 - Ang Pulong sa Dios

² Ug bisan adunay naghimo niana diha kaninyo nagpasigarbo pa gihapon kamo. Angay unta nga masubo kamo ug papahawaon ninyo sa inyong grupo ang lalaki nga nagbuhat niana.

Ang Biblia 2011

² Apan kamo nanghambog ug wala hinuon maguol aron unta nga ang nagbuhat niini kuhaon gikan kaninyo.

Maayong Balita Biblia

² Unya nagpasigarbo hinuon kamo! Angay unta nga masubo kamo ug papahawaon gikan sa inyong pundok ang nakabuhat niini.

Ang Bag-ong Maayong Balita Biblia

² Unya nagpasigarbo hinuon kamo! Angay unta nga masubo kamo ug papahawaon gikan sa inyong pundok ang nakabuhat niini.

1 Mga Taga-Corinto 5:2 Cross References

2 Mga Hari 22:19

Gidungog ko ang imong pag-ampo, kay naghinulsol ka ug nagpaubos sa imong kaugalingon sa akong atubangan sa dihang nadungog mo ang akong gisulti nga tunglohon ug laglagon ko kini nga lugar ug ang mga lumulupyo niini. Gigisi mo pa ang imong bisti ug mihilak sa akong atubangan sa pagpakita sa imong paghinulsol. Busa ako, ang Ginoo, nag-ingon nga

Salmo 119:136

Gahilak ako sa hilabihan tungod kay dili gatuman ang mga tawo sa imong balaod.

Jeremias 13:17

Kon dili pa gayod kamo motuo, maghilak ako sa tago tungod sa inyong pagkamapahitas-on. Mohilak gayod ako pag-ayo ug motulo ang akong mga luha, kay bihagon man ang katawhan sa Ginoo.

Ezequiel 9:4

ug giingnan, “Libota ang Jerusalem ug markahi ang agtang niadtong mga nagsubo tungod sa tanang mangil-ad nga mga butang nga ginahimo sulod sa siyudad.”

Ezequiel 9:6

Pamatya ninyo ang mga tigulang, mga batan-ong lalaki ug mga babaye nga putli, mga inahan, ug mga kabataan, apan ayaw hilabti ang mga adunay marka. Pagsugod kamo sa akong Templo.” Busa giuna nilag pamatay ang mga tigdumala nga anaa sa atubangan sa Templo.

Numeros 25:6

Unya adunay usa ka Israelinhon nga nagdala ug usa ka Midianhong babaye sa iyang pamilya. Nakita kini ni Moises ug sa tibuok katilingban sa Israel samtang nagtiyabaw sila didto sa pultahan sa Tolda nga Tagboanan.

1 Mga Taga-Corinto 4:18

Ang uban kaninyo mapahitas-on na, kay abi nila ug dili na ako moanha diha.

2 Mga Taga-Corinto 12:20

Nahadlok ako, kay basin kon sa pag-abot ko diha, makita ko nga ang inyong gibuhat lahi kaysa akong gipaabot kaninyo. Ug kon mahitabo kana, makita pud ninyo nga lahi ako kaysa inyong gipaabot kanako. Nahadlok ako, kay basin kon maabtan ko kamo nga nag-inawayay, nagsinahay, nagsinuk-anay, naghinakog, naglinibakay, nagtabi-tabi, nagpasigarbo, ug nagkagubot.

2 Mga Taga-Corinto 12:21

Nahadlok pud ko, kay basin kon sa pag-abot ko diha maulawan ako sa Dios tungod kaninyo. Ug tingalig maguol lang ako tungod kay daghan kaninyo ang nagpakasala kaniadto ug hangtod karon wala pa maghinulsol sa ilang mga hugaw nga binuhatan sama sa pagpakighilawas gawas sa kaminyoon ug mga malaw-ay nga buhat.