1 Mga Taga-Corinto 4:4 - Ang Pulong sa Dios

⁴ Hinuon limpyo ang akong konsensya, apan wala kana magkahulogan nga wala na akoy sala. Ang Ginoo lang gayod ang makaingon kon husto o dili ang akong gibuhat.

Ang Biblia 2011

⁴ Kay wala akoy nahibaloan nga bisan unsa batok sa akong kaugalingon apan dili pinaagi niini nga ako nahimong matarong, kay ang maghukom kanako mao ang Ginoo.

Maayong Balita Biblia

⁴ Tin-aw kaayo ang akong konsensya apan wala kini magpasabot nga wala gayod akoy sala. Ang Ginoo ray maghukom kanako.

Ang Bag-ong Maayong Balita Biblia

⁴ Tin-aw kaayo ang akong konsensya apan wala kini magpasabot nga wala gayod akoy sala. Ang Ginoo ray maghukom kanako.

1 Mga Taga-Corinto 4:4 Cross References

Job 15:14

“Makahimo ba ang tawo sa pagkinabuhi nga hinlo ug matarong?

Job 25:4

Unsaon pag-ingon sa usa ka tawo nga matarong siya atubangan sa Dios? Aduna bay natawo nga hinlo?

Job 27:6

Barogan ko gayod nga matarong ako, ug dili gayod ako moundang. Samtang buhi ako, limpyo ang akong konsensya.

Job 40:4

“Dili ako takos nga motubag kanimo. Unsay may akong itubag? Maghilom na lang ako.

Job 9:20

Bisan pag dili ako sad-an, hukman gihapon ako ug silotan tungod sa akong gipanulti sa pagpanalipod sa akong kaugalingon.

Salmo 130:3

Ginoo, kon gilista mo pa ang among mga sala, kinsa pa kahay mahibilin sa imong presensya?

Salmo 143:2

Ayawg hukmi kining imong alagad, kay walay bisan usa nga matarong sa imong atubangan.

Salmo 19:12

Usahay dili mahibaloan sa tawo nga nakasala siya. Busa, Ginoo, hinloi ako sa mga sala nga wala ko mahibaloi!

Salmo 26:12

Karon, layo na ako sa katalagman, busa dayegon ka nako, Ginoo, diha sa panagtigom sa imong mga katawhan.

Salmo 50:6

Nagpadayag ang kalangitan sa pagkamatarong sa Dios, kay siya ang maghuhukom.

Mga Panultihon 21:2

Alang kanato husto na gayod ang tanan natong ginahimo, apan ang  Ginoo ray nasayod sa tinuod natong motibo.

Mga Panultihon 29:26

Daghan ang mangayog pabor sa usa ka pangulo, apan ang  Ginoo lang gayod ang makahatag ug hustisya.

Juan 21:17

Sa ikatulong higayon miingon pag-usab si Jesus, “Simon nga anak ni Juan, gihigugma mo ba ako?” Nahiubos si Pedro tungod kay katulo na siya pangutan-a ni Jesus kon gihigugma ba niya siya. Busa miingon si Pedro kaniya, “Ginoo, nahibalo ka sa tanan, ug nahibalo ka nga gihigugma ka nako.” Miingon si Jesus kaniya, “Atimana ang akong mga karnero.

Mga Buhat 23:1

Gitutokan pag-ayo ni Pablo ang mga miyembro sa Korte ug miingon, “Mga kaigsoonan, kon mahitungod sa akong pagkinabuhi, limpyo ang akong konsensya atubangan sa Dios hangtod karon.”

Roma 2:13

Kay ang gipakamatarong sa Dios mao ang nagtuman sa Kasugoan ug dili ang nagpaminaw lamang.

Roma 4:2

Kon gipakamatarong sa Dios si Abraham tungod sa iyang mga binuhatan, unta aduna siyay ikapasigarbo. Apan ang tinuod, wala siyay ikapasigarbo sa Dios.

1 Mga Taga-Corinto 4:3

Walay bili kanako kon unsa ang pag-ila ninyo o ni bisan kinsa kanako. Ako gani mismo dili makaingon nga ang akong pag-alagad sa Dios maayo o dili.

1 Mga Taga-Corinto 4:5

Busa ayaw kamo paghukom sa dili pa moabot ang husto nga panahon. Hulata ninyo ang pag-abot sa Ginoo. Sa iyang pag-abot, ipadayag niya ang mga sekreto ug mga motibo sa kada usa. Ug niana usab nga panahon, madawat sa matag-usa ang pagdayeg gikan sa Dios.

2 Mga Taga-Corinto 1:12

Mao kini ang among ikapasigarbo: nagkinabuhi kami nga matarong ug wala gayoy ikasaway sa among pagtagad ngadto sa mga tawo, ug labi na gayod kaninyo. Nahimo namo kini tungod sa tabang sa Dios ug dili sa among kaugalingon nga kaalam. Gipamatud-an sa among konsensya nga tinuod gayod kining among gipasigarbo.

2 Mga Taga-Corinto 5:10

Kay kitang tanan kinahanglan gayod nga moatubang kang Cristo aron hukman niya. Ug ang tagsa-tagsa kanato magdawat sa balos basi sa atong binuhatan dinhi sa kalibotan, maayo man o daotan.