Juan 18:25 - Ang Biblia 2011

²⁵ Niadtong tungora si Simon Pedro nagtindog ug nagpainit sa iyang kaugalingon. Ug sila nangutana kaniya, “Dili ba ikaw usa usab sa iyang mga tinun-an?” Kini gilimod niya ug siya miingon, “Dili!”

Ang Pulong sa Dios

²⁵ Samtang nagtindog pa si Pedro nga nagpainit-init duol sa kalayo, gipangutana siya sa mga tawo, “Dili ba usa man pud ikaw sa mga tinun-an nianang tawhana?” Milimod na usab si Pedro ug miingon, “Dili uy!”

Maayong Balita Biblia

²⁵ Sa laing bahin nagtindog gihapon si Pedro duol sa kalayo. Busa ang uban miingon kaniya, “Dili ba usa ka man sa mga tinun-an nianang tawhana?” Apan milimod si Pedro, “Dili, uy!”

Ang Bag-ong Maayong Balita Biblia

²⁵ Sa laing bahin nagtindog gihapon si Pedro duol sa kalayo. Busa ang uban miingon kaniya, “Dili ba usa ka man sa mga tinun-an nianang tawhana?” Apan milimod si Pedro, “Dili, uy!”

Juan 18:25 Cross References

Genesis 18:15

Unya si Sarah milimod nga nag-ingon, “Wala ako mokatawa,” kay nahadlok man siya. Siya miingon, “Dili, mikatawa gayod ikaw.”

Mga Panultihon 29:25

Ang kahadlok sa tawo nagbutang ug usa ka lit-ag, apan siya nga nagsalig sa Ginoo layo sa kakuyaw.

Mateo 26:69

Unya si Pedro naglingkod sa gawas didto sa hawanan sa tugkaran ug miduol kaniya ang usa ka babayeng sulugoon ug miingon, “Ikaw usab kauban ni Jesus nga Galileanhon.”

Marcos 14:66

Samtang didto si Pedro sa silong, sa hawanan sa tugkaran, miabot ang usa sa mga babayeng sulugoon sa labawng pangulong pari.

Lucas 22:55

Ug sa nakahaling na sila ug kalayo sa taliwala sa hawanan ug nakalingkod na, si Pedro usab milingkod uban kanila.

Lucas 22:56

Unya usa ka babayeng sulugoon nga nakakita kaniya nga naglingkod duol sa hayag, ug samtang nagtutok siya kang Pedro, siya miingon, “Kining tawhana usab uban kaniya.”

Lucas 22:57

Apan kini gilimod niya nga nag-ingon, “Babaye, wala ako makaila kaniya.”