Juan 18:20 - Ang Biblia 2011

²⁰ Si Jesus mitubag kaniya, “Nagsulti ako sa dayag ngadto sa kalibotan. Kanunay akong nagtudlo sulod sa mga sinagoga ug sa Templo diin adto magtigoman ang tanang mga Judio. Wala akoy gisulti sa tago.

Ang Pulong sa Dios

²⁰ Mitubag si Jesus, “Dili tago ang akong pagpanudlo sa mga tawo. Kay ako nagtudlo diha gayod sa mga sinagoga ug sa templo diin nagtigom ang tanang mga Judio. Wala akoy gitudlo sa tago.

Maayong Balita Biblia

²⁰ Si Jesus mitubag, “Nagsulti ako sa dayag ngadto sa tanan. Ang tanan kong pagpanudlo gibuhat ko sulod sa mga sinagoga ug sa Templo. Wala akoy gisulti sa tago.

Ang Bag-ong Maayong Balita Biblia

²⁰ Si Jesus mitubag, “Nagsulti ako sa dayag ngadto sa tanan. Ang tanan kong pagpanudlo gibuhat ko sulod sa mga sinagoga ug sa Templo. Wala akoy gisulti sa tago.

Juan 18:20 Cross References

Salmo 22:22

Ipahayag nako ang imong ngalan ngadto sa akong kaigsoonan; sa kinataliwad-an sa katilingban dayegon ko ikaw:

Salmo 40:9

Gisangyaw nako ang malipayong balita sa kaluwasan ngadto sa dako nga katilingban; tan-awa, wala nako pugngi ang akong mga ngabil, sumala sa imong nahibaloan, O Ginoo.

Isaias 45:19

Ako wala mosulti sa tago, diha sa usa ka yuta sa kangitngit. Ako wala mag-ingon sa kaliwat ni Jacob, ‘Pangitaa ninyo ako sa kasamok.’ Ako, ang Ginoo, nagsulti sa kamatuoran, ako nagpahayag sa matarong.

Isaias 48:16

Duol kamo kanako, pamatia ninyo kini; sukad sa sinugdan wala ako magsulti sa tago, sukad sa panahon nga kini nahimo, diha na ako.” Ug karon ang Ginoong Dios nagpaanhi kanako ug ang iyang Espiritu.

Mateo 24:26

Busa, kon sila moingon kaninyo, ‘Tan-awa, atua siya sa kamingawan,’ ayaw kamo pag-adto didto. Ug kon sila moingon, ‘Tan-awa, anaa siya sa tinagong mga lawak,’ ayaw kamo pagtuo niini.

Mateo 26:55

Ug niadtong tungora si Jesus miingon sa panon sa katawhan, “Nanganhi ba kamo nga daw batok ug usa ka tulisan, nga magdala man kamo ug mga espada ug mga puspos? Adlaw adlaw akong maglingkod didto sa Templo nga nagtudlo ug wala ninyo ako dakpa didto.

Mateo 26:65

Ug ang labawng pangulong pari migisi sa iyang mga bisti ug miingon, “Nagsulti siya ug pasipala! Nganong magkinahanglan pa kita ug mga saksi? Nakadungog kamo karon sa iyang pagpasipala.

Mateo 4:23

Milibot si Jesus sa tibuok Galilea ug nagtudlo sulod sa ilang mga sinagoga ug nagwali sa Maayong Balita mahitungod sa gingharian ug nag-ayo sa tanang balatian ug tanang sakit sa katawhan.

Mateo 9:35

Ug si Jesus milibot sa tanang mga lungsod ug mga balangay, nagtudlo sulod sa ilang mga sinagoga ug nagwali sa Maayong Balita mahitungod sa gingharian ug nag-ayo sa tanang mga sakit ug balatian.

Marcos 8:32

Gisulti niya kini kanila sa walay lipodlipod. Unya gihiklin siya ni Pedro ug gisugdan sa pagbadlong.

Lucas 21:37

Ug sa matag-adlaw nagtudlo siya sulod sa templo, apan sa gabii molakaw siya aron sa pagpahulay diha sa bungtod nga ginganlan ug Olibo.

Lucas 4:15

Ug siya nagtudlo diha sa ilang mga sinagoga, dinayeg sa tanan.

Juan 18:21

Nganong mangutana pa man ikaw kanako? Pangutan-a ang mga nakadungog kanako kon unsa ang akong gisulti kanila. Sila nahibalo kon unsay akong gisulti.”

Juan 6:59

Kini iyang gisulti sulod sa sinagoga, samtang nagtudlo siya didto sa Capernaum.

Juan 7:14

Sa nanungatunga na ang kasaulogan, si Jesus misaka sa Templo ug nanudlo.

Juan 7:26

Ug karon ania na siya ug nagsulti sa dayag, apan wala silay gisulti batok kaniya! Dili ba kaha nga ang mga pangulo nahibalo nga kini siya mao ang Cristo?

Juan 7:28

Tungod niini, misinggit si Jesus diha sa iyang pagpanudlo sulod sa Templo ug miingon, “Nakaila kamo kanako, ug nasayod kamo diin ako gikan. Apan wala ako moanhi sa akong kaugalingong pagbuot. Siya nga nagpadala kanako tinuod apan kamo wala makaila kaniya.

Juan 7:4

Kay walay tawo nga magbuhat sa tago kon mao may iyang tinguha nga ilhon siya sa dayag. Kon buhaton man nimo kining mga butanga, ipadayag ang imong kaugalingon ngadto sa kalibotan.”

Juan 8:2

Ug sa pagkabuntag, siya miadto na usab sa Templo. Ug ang tanang tawo nangadto kaniya ug siya milingkod ug gitudloan niya sila.

Juan 8:26

Daghan ako ug isulti ug ihukom mahitungod kaninyo apan ang nagpadala kanako matuod ug ang akong nadungog gikan kaniya gipahayag nako ngadto sa kalibotan.”

Mga Buhat 26:26

Kay ang hari nasayod niining mga butanga ug kaniya nagsulti ako sa walay panagana, kay nagtuo ako nga walay bisan unsa niining mga butanga nga natago kaniya, kay wala man kini buhata diha sa suok.