Juan 14:16 - Ang Biblia 2011

¹⁶ Ug ako mangamuyo sa Amahan, ug kamo iyang hatagan ug laing Manlalaban nga mag-uban kaninyo hangtod sa kahangtoran

Ang Pulong sa Dios

^16-17 Ug pangayoon ko sa Amahan nga padad-an niya kamog laing Magdadasig. Kini nga Magdadasig walay lain kondili ang Espiritu Santo nga mao ang magtudlo kaninyo sa kamatuoran. Ug magpabilin siya kaninyo sa walay kataposan. Dili siya dawaton sa mga tawo sa kalibotan tungod kay dili nila siya makita ug wala sila makaila kaniya. Apan nailhan ninyo siya tungod kay siya kauban ninyo, ug kanunay magpuyo diha kaninyo.

Maayong Balita Biblia

¹⁶ Mangayo ako sa Amahan ug hatagan kamo niyag laing Magtatabang aron makig-uban kaninyo hangtod sa kahangtoran.

Ang Bag-ong Maayong Balita Biblia

¹⁶ Mangayo ako sa Amahan ug hatagan kamo niyag laing Magtatabang aron makig-uban kaninyo hangtod sa kahangtoran.

Juan 14:16 Cross References

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Juan 14:14

Kon mangayo kamo ug bisan unsa pinaagi sa akong ngalan, kini akong buhaton.

Juan 14:18

“Dili ko kamo biyaan nga daw mga ilo nga tuwapos. Ako moanha kaninyo.

Juan 14:26

Apan ang Manlalaban, ang Espiritu Santo, nga sa akong ngalan ipadala sa Amahan, siya magtudlo kaninyo sa tanang butang ug magpahinumdom kaninyo sa tanan nga akong gisulti kaninyo.

Juan 15:26

Apan inig-abot unya sa Manlalaban nga akong ipadala kaninyo gikan sa Amahan, ang Espiritu sa kamatuoran nga moanhi gikan sa Amahan, kini siya magpamatuod mahitungod kanako.

Juan 16:22

Ug busa, kamo usab may kasubo karon apan makigkita ra ako kaninyo pag-usab, ug unya ang inyong mga kasingkasing malipay ug wala unyay bisan kinsa nga mokuha sa inyong kalipay gikan kaninyo.

Juan 17:15

Dili ako mangamuyo nga kuhaon nimo sila gikan sa kalibotan, kondili nga imo unta silang ilikay gikan sa daotan.

Juan 17:20

“Nangamuyo ako dili lamang mahitungod kanila kondili mahitungod usab sa mga motuo kanako pinaagi sa ilang pulong,

Juan 4:14

apan si bisan kinsa nga moinom sa tubig nga akong ihatag kaniya dili na gayod uhawon hangtod sa kahangtoran kay ang tubig nga akong ihatag kaniya mahimo diha sa sulod niya nga usa ka tubod sa tubig nga mobul-og ngadto sa kinabuhing dayon.”

Juan 7:39

Ug siya nagsulti niini mahitungod sa Espiritu nga dawaton sa mga nagtuo kaniya kay ang Espiritu wala pa man ikahatag, kay niadtong tungora si Jesus wala pa man himayaa.

Mga Buhat 1:4

Ug samtang diha pa siya uban kanila, mitugon siya kanila sa dili pagbiya sa Jerusalem kondili sa pagpaabot sa saad sa Amahan, nga matod pa niya, “inyong nadungog gikan kanako,

Mga Buhat 13:52

Ug ang mga tinun-an napuno sa kalipay ug sa Espiritu Santo.

Mga Buhat 9:31

Busa ang iglesia sa tibuok Judea ug Galilea ug Samaria nakabaton ug kalinaw ug nalig-on na sila. Ug sa nagpadayon sila diha sa pagkahadlok sa Ginoo ug sa pagdasig sa Espiritu Santo, sila midaghan.

Roma 14:17

Kay ang gingharian sa Dios dili pagkaon o ilimnon, kondili pagkamatarong ug pakigdait ug kalipay diha sa Espiritu Santo.

Roma 15:13

Ang Dios sa paglaom magpuno unta kaninyo sa tumang kalipay ug kalinaw tungod sa inyong pagtuo, aron nga pinaagi sa gahom sa Espiritu Santo magmadagayaon kamo sa paglaom.

Roma 5:5

ug ang paglaom dili mopakyas kanato kay ang gugma sa Dios gikabubo man nganhi sa atong mga kasingkasing pinaagi sa Espiritu Santo nga gikahatag nganhi kanato.

Roma 8:34

Kinsa man ang mopakanaog sa hukom? Si Cristo Jesus nga namatay apan nabanhaw gikan sa mga patay, nga anaa karon sa tuo sa Dios, nga nangamuyo gayod alang kanato.

Mga Taga-Galacia 5:22

Apan ang bunga sa Espiritu mao ang gugma, kalipay, kalinaw, pailob, pagkamaluluy-on, pagkamaayo, pagkamatinumanon,

Mga Taga-Filipos 2:1

Busa kon aduna may pagdasig diha kang Cristo, kon aduna may pagkadinasig sa gugma, kon aduna may pakig-ambitay diha sa Espiritu, kon aduna may pagbinatiay ug pagkinaluy-anay,

2 Mga Taga-Tesalonica 2:16

Karon hinaot nga ang atong Ginoong Jesu-Cristo ug ang Dios nga atong Amahan nga nahigugma kanato ug naghatag kanato sa walay kataposang paglipay ug maayong paglaom pinaagi sa grasya,

Mga Hebreo 7:25

Busa sa tanang panahon siya makaluwas sa mga moduol sa Dios pinaagi kaniya, kay buhi man siya sa kanunay aron sa pagpangamuyo alang kanila.

1 Juan 2:1

Akong mga anak, nagsulat ako kaninyo niining mga butanga aron kamo dili magpakasala. Apan kon may makasala man gayod, kita adunay Manlalaban nga mangatubang sa Amahan, si Jesu-Cristo, ang matarong.

1 Juan 2:27

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.

2 Juan 1:2

tungod sa kamatuoran nga nagpabilin kanato ug mag-uban kanato hangtod sa kahangtoran: