Juan 10:9 - Ang Biblia 2011

⁹ Ako mao ang pultahan, kon adunay mosulod agi kanako, siya maluwas ug siya mosulod ug mogula ug makakaplag siya ug masibsib.

Ang Pulong sa Dios

⁹ Ako mao ang pultahan. Ang mosulod agi kanako maluwas. Sama siya sa karnero nga mosulod ug mogawas, ug makakita siya ug sabsabanan.

Maayong Balita Biblia

⁹ Ako ang pultahan. Ang mosulod agi kanako maluwas. Makasulod-gawas siya ug makakaplag siyag masibsib.

Ang Bag-ong Maayong Balita Biblia

⁹ Ako ang pultahan. Ang mosulod agi kanako maluwas. Makasulod-gawas siya ug makakaplag siyag masibsib.

Juan 10:9 Cross References

Salmo 95:7

Kay siya mao ang atong Dios, ug kita ang katawhan sa iyang sibsibanan, ug mga karnero sa iyang kamot. Niining adlawa mamati lamang unta kamo sa iyang tingog!

Isaias 40:11

Siya magpasibsib sa iyang panon sama sa usa ka tigbantay sa karnero, siya nagtigom sa mga nating karnero diha sa iyang bukton, magkugos kanila diha sa iyang dughan, ug malumong maggiya niadtong adunay mga gagmay.

Ezequiel 36:38

Sama sa panon alang sa halad, sama sa panon didto sa Jerusalem sa iyang gitakda nga mga kasaulogan, ang mga awaaw usab nga mga siyudad mapuno sa mga panon sa mga tawo. Unya sila makaila nga ako mao ang Ginoo.”

Zacarias 10:12

Ug lig-onon nako sila diha sa Ginoo ug sila maglakaw diha sa iyang ngalan,” nag-ingon ang Ginoo.

Juan 10:1

“Sa pagkatinuod gayod, sultihan ko kamo nga ang tawo nga mosulod sa toril nga dili moagi sa pultahan apan mokatkat hinuon ug laing kaagian, kana siya kawatan ug tulisan.

Juan 10:3

Alang kaniya ang tigbantay sa pultahan moabli ug ang mga karnero mamati sa iyang tingog ug ang iyang kaugalingong mga karnero tawgon niya sa ngalan ug mag-una kanila sa ilang pagpanggawas.

Juan 10:7

Busa si Jesus miingon pag-usab kanila, “Sa pagkatinuod gayod, sultihan ko kamo nga ako mao ang pultahan sa mga karnero.

Juan 14:6

Si Jesus mitubag kaniya, “Ako mao ang dalan ug ang kamatuoran ug ang kinabuhi, walay si bisan kinsa nga makaadto sa Amahan, kon dili pinaagi kanako.

Mga Taga-Efeso 2:18

tungod kay pinaagi kaniya kita nakaduol na ngadto sa Amahan pinaagi sa usa ra ka Espiritu.