Mga Hebreo 9:9 - Ang Bag-ong Maayong Balita Biblia

⁹ Naghulagway kini sa panahon karon. Nagkahulogan kini nga ang mga gasa ug ang mga mananap nga gihalad ngadto sa Dios dili makahingpit sa kasingkasing sa magsisimba.

Ang Biblia 2011

⁹ nga nagsimbolo sa kapanahonan karon. Sumala niining maong paghan-ay, gihalad ang mga gasa ug mga halad nga inihaw nga dili makahingpit sa tanlag sa magsisimba,

Ang Pulong sa Dios

⁹ Kini nga pagsimbahan hulagway lang sa atong panahon karon. Tungod kay ang tinuod, ang tanang mga halad lakip ang mga mananap nga ilang gihalad sa Dios dili gayod makahinlo sa konsensya sa mga nagsimba sa maong pamaagi.

Maayong Balita Biblia

⁹ Naghulagway kini sa panahon karon. Nagkahulogan kini nga ang mga gasa ug ang mga mananap nga gihalad ngadto sa Dios dili makahingpit sa kasingkasing sa magsisimba.

Mga Hebreo 9:9 Cross References

Roma 5:14

Apan sukad sa panahon ni Adan hangtod sa panahon ni Moises ang tanang tawo giharian sa kamatayon bisan kadtong wala makasala sama sa pagpakasala ni Adan sa iyang paglapas sa sugo sa Dios. Naghulagway si Adan sa usa ka tawo nga umaabot.

Mga Taga-Galacia 3:21

Nagpasabot ba kini nga ang Balaod nahisupak sa mga saad sa Dios? Wala! Kon may gihatag pang balaod nga makahatag ug kinabuhi sa mga tawo, mahimo untang matarong ang tawo atubangan sa Dios pinaagi sa Balaod.

Mga Hebreo 10:11

Adlaw-adlaw ang matag pari nga Judio nagbuhat sa iyang relihiyosong tulomanon ug nagsubli-subli paghalad sa samang mga sakripisyo. Apan kining mga sakripisyoha dili gayod makawagtang sa mga sala.

Mga Hebreo 11:19

Nagtuo si Abraham nga makahimo ang Dios sa pagbanhaw kang Isaac busa makaingon kita nga gidawat ni Abraham si Isaac gikan sa kamatayon.

Mga Hebreo 5:1

Ang tanang pangulong pari gipili gikan sa katawhan ug gitudlo aron mag-alagad sa Dios sa ngalan sa mga tawo. Maghalad siyag mga gasa ug mga halad nga sunogon tungod sa mga sala.

Mga Hebreo 7:11

Ang Balaod gihatag ngadto sa katawhan sa Israel pinasikad sa pagkapari ni Levi. Kon hingpit pa ang buhat sa mga pari sa laray ni Levi, dili na unta kinahanglan nga motungha ang laing matang sa pagkapari sa laray ni Melquisedec ug dili sa laray ni Aaron.

Mga Hebreo 8:4

Kon ania pa siya sa yuta, dili gayod siya mahimong pari kay aduna na may mga pari nga naghalad ug mga gasa sumala sa Balaod sa mga Judio.

Mga Hebreo 9:24

Kay wala mosulod si Cristo sa balaang dapit nga hinimo sa mga tawo nga kopya lamang sa matuod nga balaang dapit apan misulod siya sa langit diin nangatubang siya karon sa Dios alang ug tungod kanato.

1 Pedro 3:21

Naghulagway kini sa bunyag nga karon nagluwas kaninyo, dili pinaagi sa paghugas sa buling sa inyong lawas kondili pinaagi sa pangaliyupo ngadto sa Dios gikan sa usa ka hinlo nga konsensya. Ang bunyag nagluwas kaninyo pinaagi sa pagkabanhaw ni Jesu-Cristo.