Juan 6:57 - Ang Bag-ong Maayong Balita Biblia

⁵⁷ Ang buhing Amahan maoy nagpadala kanako ug tungod kaniya buhi usab ako. Sa samang paagi, ang mokaon kanako mabuhi tungod kanako.

Ang Biblia 2011

⁵⁷ Ingon nga ang buhing Amahan nagpadala kanako ug ako buhi tungod sa Amahan, ang mokaon kanako mabuhi usab tungod kanako.

Ang Pulong sa Dios

⁵⁷ Ang Dios nga Amahan nga nagpadala kanako mao ang sinugdanan sa kinabuhi, ug tungod kaniya nabuhi ako. Sama usab niini ang mahitabo sa mga nagkaon kanako, mabuhi pud sila tungod kanako.

Maayong Balita Biblia

⁵⁷ Ang buhing Amahan maoy nagpadala kanako ug tungod kaniya buhi usab ako. Sa samang paagi, ang mokaon kanako mabuhi tungod kanako.

Juan 6:57 Cross References

Salmo 18:46

Buhi ang Ginoo! Dalaygon ang akong tigpanalipod! Isangyaw ang pagkagamhanan sa Dios nga akong manluluwas.

Jeremias 10:10

Apan ikaw, O Ginoo, mao ang matuod nga Dios; buhi ka ug hari hangtod sa kahangtoran. Mokurog ang kalibotan kon masuko ka, ug walay nasod nga dili mahadlok sa imong kasuko.

Mateo 16:16

Ug mitubag si Simon Pedro, “Ikaw mao ang Mesiyas, ang Anak sa Dios nga buhi.”

Juan 14:19

Sa dili madugay ang kalibotan dili na makakita kanako apan kamo makakita kanako. Ug kay ako buhi man, mabuhi usab kamo.

Juan 14:6

Si Jesus mitubag, “Ako ang dalan, ang kamatuoran ug ang kinabuhi. Walay makaadto sa Amahan kon dili moagi kanako.

Juan 17:21

Nag-ampo ako nga mausa unta sila. Amahan, mausa unta sila dinhi kanato sama nga ikaw ania kanako ug ako anaa kanimo aron motuo ang kalibotan nga ikaw maoy nagpadala kanako.

Juan 3:17

Kay wala ipadala sa Dios ang iyang Anak nganhi sa kalibotan aron pagsilot kondili aron pagluwas niini.

Juan 5:26

Sama nga ang Amahan mao ang tinubdan sa kinabuhi, gitugot usab niya nga ang iyang Anak mahimong tinubdan sa kinabuhi.

Juan 6:29

Si Jesus mitubag, “Ang buluhaton nga ipabuhat sa Dios kaninyo mao nga motuo kamo sa iyang gipadala.”

Juan 6:38

kay nanaog ako gikan sa langit dili aron pagbuhat sa akong kaugalingong kabubut-on kondili aron pagbuhat sa kabubut-on sa nagpadala kanako.

1 Mga Taga-Corinto 15:22

Kay ingon nga nangamatay ang tanang mga tawo tungod sa ilang pagkahiusa kang Adan, banhawon usab ang tanan tungod sa ilang pagkahiusa kang Cristo.

1 Mga Taga-Corinto 15:45

Kay ang kasulatan nag-ingon, “Ang unang tawo nga si Adan gibuhat nga buhi,” apan ang kataposang Adan mao ang Espiritu nga naghatag ug kinabuhi.

2 Mga Taga-Corinto 13:4

Kay bisan tuod ug si Cristo, diha sa kahuyang, gipatay pinaagi sa paglansang sa krus, nabanhaw siya tungod sa gahom sa Dios. Sa among pagpakighiusa kaniya huyang usab kami apan sa among pagpakig-uban kaninyo, mabuhi kami uban kaniya pinaagi sa gahom sa Dios.

Mga Taga-Galacia 2:20

Gilansang ako uban kang Cristo didto sa krus busa dili na ako ang nabuhi kondili si Cristo na nga ania kanako. Ug kining kinabuhi ko karon akong gikinabuhi diha sa akong pagtuo sa Anak sa Dios nga nahigugma ug nagtugyan sa iyang kaugalingon alang kanako.

1 Mga Taga-Tesalonica 1:9

Sila mismo nagbalita giunsa ninyo kami pagdawat sa among pagduaw kaninyo ug nga mibiya kamo sa mga diosdios aron pag-alagad sa matuod ug buhi nga Dios.

Mga Hebreo 9:14

Kon tinuod man kini, unsa pa kadako ang nahimo sa dugo ni Cristo! Pinaagi sa walay kataposang Espiritu gihalad niya ang iyang kaugalingon ingon nga hingpit nga halad ngadto sa Dios. Ang iyang dugo maoy maghinlo sa atong mga konsensya sa walay kapuslanang mga buhat aron mag-alagad kita sa buhing Dios.

1 Juan 4:9

Gipadayag sa Dios ang iyang gugma kanato pinaagi sa pagpadala sa iyang bugtong Anak nganhi sa kalibotan aron makabaton kita sa kinabuhing walay kataposan pinaagi kaniya.