Juan 3:32 - Ang Bag-ong Maayong Balita Biblia

³² Nagmatuod siya sa iyang nakita ug nadungog apan walay mituo sa iyang gisulti.

Ang Biblia 2011

³² Siya nagpamatuod mahitungod sa iyang nakita ug nadungog, apan walay midawat sa iyang pagpamatuod.

Ang Pulong sa Dios

^32-33 Nagsugilon siya mahitungod sa iyang nakita ug nadungog sa langit, apan gamay lang gayod ang nagtuo sa iyang gisulti. Apan ang mga nagtuo nagpamatuod nga ang gisulti sa Dios tinuod.

Maayong Balita Biblia

³² Nagmatuod siya sa iyang nakita ug nadungog apan walay mituo sa iyang gisulti.

Juan 3:32 Cross References

Isaias 50:2

“Nganong wala may tawo sa akong pag-abot? Nganong walay mitubag sa dihang misangpit ako? Mubo ba ang akong kamot nga dili kini makakab-ot aron pagluwas kaninyo? O wala na ba akoy gahom sa pagluwas? Makapahubas ako sa dagat sa usa lamang ka pagmando, ug makapamala sa mga suba aron mangamatay ang mga isda!

Isaias 53:1

Ang mga tawo mitubag, “Kinsay makatuo sa amo karong gisangyaw? Kinsay gipakitaan sa Ginoo sa iyang gahom?

Mateo 7:8

Kay ang mangayo hatagan ug ang mangita makakaplag ug ang manuktok ablihan.

Juan 1:11

Mianhi siya sa iyang kaugalingong katawhan apan wala sila modawat kaniya.

Juan 15:15

Dili ko na kamo tawgon nga mga sulugoon kay ang sulugoon wala mahibalo sa gibuhat sa iyang agalon. Hinuon, tawgon ko kamo nga akong mga higala kay gisultihan ko man kamo sa tanan nga nadungog ko gikan sa akong Amahan.

Juan 18:37

Tungod niini nangutana si Pilato kaniya, “Hari ka ba diay?” Si Jesus mitubag, “Nag-ingon ka nga hari ako. Tungod niini ako natawo ug mianhi sa kalibotan alang sa usa lamang ka tuyo nga mao ang pagsaksi sa kamatuoran. Ang anaa sa kamatuoran mamati kanako.”

Juan 3:11

Sultihan ko ikaw: gisulti namo ang among nahibaloan ug nagmatuod kami sa among nakita apan nagdumili kamo sa pagdawat sa among mensahe.

Juan 3:26

Busa miadto sila kang Juan ug miingon, “Magtutudlo, nahinumdom ka ba sa tawo nga uban kanimo didto sa tabok sa Jordan nga imo ganing gihisgotan? Namunyag na siya karon ug nangadto kaniya ang tanan.”

Juan 3:33

Ang motuo sa iyang mensahe nagpamatuod nga matinud-anon ang Dios.

Juan 5:20

Kay ang Amahan nahigugma sa Anak ug iyang gipakita ngadto sa Anak ang tanan nga iyang gibuhat. Ug ipakita pa gayod kaniya sa Amahan ang mga butang nga labi pang kahibulongan kay niini. Ug mahibulong kamong tanan.

Juan 8:26

Daghan akog ikasulti ug ikahukom batok kaninyo. Apan matuod ang gisulti sa nagpadala kanako ug ang ako lamang nadungog gikan kaniya maoy isulti ko sa kalibotan.”