Juan 15:16 - Ang Bag-ong Maayong Balita Biblia

¹⁶ Dili kamo ang nagpili kanako. Ako ang nagpili ug nagtudlo kaninyo aron kamo manglakaw ug mamunga ug bunga nga molungtad. Busa ihatag kaninyo sa Amahan bisag unsay inyong pangayoon kaniya pinaagi sa akong ngalan.

Ang Biblia 2011

¹⁶ Kamo wala magpili kanako apan ako ang nagpili kaninyo ug nagtahas kaninyo aron manglakaw kamo ug mamunga ug bunga nga molungtad, aron nga ang bisan unsa nga inyong pangayoon gikan sa Amahan pinaagi sa akong ngalan, ihatag kaninyo.

Ang Pulong sa Dios

¹⁶ Dili kamo ang nagpili kanako kondili ako ang nagpili kaninyo. Gipili ko kamo aron manglakaw ug mamunga sa mga bunga nga molungtad; aron nga bisan unsa ang inyong pangayoon sa Amahan pinaagi sa akong ngalan ihatag niya kaninyo.

Maayong Balita Biblia

¹⁶ Dili kamo ang nagpili kanako. Ako ang nagpili ug nagtudlo kaninyo aron kamo manglakaw ug mamunga ug bunga nga molungtad. Busa ihatag kaninyo sa Amahan bisag unsay inyong pangayoon kaniya pinaagi sa akong ngalan.

Juan 15:16 Cross References

Genesis 18:18

Ang iyang mga kaliwat mahimong dako ug gamhanang nasod ug pinaagi kaniya panalanginan ko ang tanan nga nasod sa kalibotan.

Salmo 145:4

Daygon ang imong nabuhat sa tanang kaliwatan; isangyaw nila ang mga buhat mong katingalahan.

Salmo 71:18

Bisag tigulang na ako ug ubanon na, ayaw intawon akog biyai, O Dios! Ubani ako samtang gisangyaw ko ang imong kusog ug gahom ngadto sa tanang umaabot nga kaliwatan.

Mga Panultihon 11:30

Naghatag ug kinabuhi ang pagkamatarong, apan ang kabangis magwagtang sa kinabuhi.

Isaias 27:6

Sa umaabot nga mga adlaw ang katawhan sa Israel, ang kaliwat ni Jacob, mogamot sama sa usa ka kahoy; mamulak kini ug manalingsing ug mapuno ang kalibotan sa bunga nga gikan niini.

Miqueas 5:7

Unya ang nahibiling katawhan sa Israel magkatibulaag tipon sa nagkalainlaing katawhan sama sa yamog gikan sa Ginoo, ug ingon sa taligsik nga mangahulog sa kasagbotan. Mag-agad sila sa Dios ug dili sa tawo.

Mateo 21:22

Kon motuo kamo, madawat ninyo ang bisan unsa nga inyong pangayoon pinaagi sa pag-ampo.”

Mateo 7:7

“Pangayo ug kamo hatagan; pangita ug kamo makakaplag; panuktok ug ang pultahan ablihan alang kaninyo.

Lucas 6:13

Sa pagkabuntag na, gitawag niya ang iyang mga tinun-an ug gipili niya ang 12 kanila nga ginganlan niyag apostoles:

Juan 13:18

“Wala ako magsulti mahitungod kaninyong tanan. Nakaila ako sa akong gipili apan kinahanglan matuman ang kasulatan nga nag-ingon, ‘Ang tawo nga nakigsalo kanako sa pagkaon nahimo nga akong kaaway.’

Juan 15:19

Kon kamo iya pa sa kalibotan, higugmaon unta kamo sa kalibotan ingon nga iya sa kalibotan. Apan gipili ko kamo gikan niining kalibotana ug kamo dili na iya sa kalibotan. Busa nasilag kaninyo ang kalibotan.

Juan 15:5

“Ako ang punoan sa paras ug kamo ang mga sanga. Ang magpabilin kanako ug ako diha kaniya, mamungag daghan. Kay kon wala ako, wala kamoy mahimo.

Juan 6:70

Si Jesus mitubag kanila, “Dili ba gipili ko man kamong 12? Apan yawa ang usa kaninyo.”

Mga Buhat 1:24

Unya nag-ampo sila, “Ginoo, nasayod ka sa kasingkasing sa tanang tawo. Busa itudlo kanamo kon kinsa niining duha ang imong gipili

Mga Buhat 1:8

Apan kon mokunsad na kaninyo ang Espiritu Santo, makadawat kamog gahom ug mahimo kamong akong mga saksi sa Jerusalem, sa tibuok Judea ug Samaria ug sa tibuok kalibotan.”

Mga Buhat 10:41

Wala makakita kaniya ang tanang mga tawo kondili kami lamang nga gipili sa Dios ingon nga mga saksi, kami nga nangaon ug nanginom uban kaniya human siya mabanhaw.

Mga Buhat 22:14

Unya miingon siya, ‘Ang Dios sa atong mga katigulangan nagpili kanimo aron masayod ka sa iyang kabubut-on ug makakita sa iyang Matarong nga Sulugoon ug makadungog kaniya.

Mga Buhat 9:15

Ang Ginoo miingon kaniya, “Adtoa siya kay gipili ko siya aron mag-alagad kanako sa pagpaila sa akong ngalan ngadto sa mga dili Judio ug sa mga hari ingon man sa katawhan sa Israel.

Roma 1:13

Mga igsoon, gusto ko nga masayran ninyo nga kadaghan na ako magplano pagduaw kaninyo apan may nakababag kanako. Buot usab akong makapangani diha kaninyo ingon sa akong gibuhat sa ubang mga dili Judio.

Roma 1:5

Pinaagi ni Cristo nadawat ko gikan sa Dios ang katungod sa pagkaapostol, aron tungod ug alang sa iyang ngalan makabig ang tanang katawhan aron motuo sila ug motuman,

Roma 15:4

Kay ang tanang nahisulat sa Kasulatan gisulat aron pagtudlo kanato aron makabaton kitag paglaom pinaagi sa pailob ug sa kadasig nga gihatag kanato sa Kasulatan.

Roma 9:21

Wala bay katungod ang magkukulon sa paghimo sa minasang yuta ngadto sa duha ka matang sa kulon—ang usa mahalon ug ang usa baratohon?

1 Mga Taga-Corinto 10:11

Kadtong tanan nga nahitabo kanila nagsilbing mga panig-ingnan. Apan gisulat kini aron pasidan-an kita kay ania kita sa panahon nga hapit na moabot ang kataposan.

Mga Taga-Galacia 1:15

Apan ang Dios, tungod sa iyang grasya, nagpili kanako sa wala pa gani ako matawo ug nagtawag kanako aron pag-alagad kaniya.

Mga Taga-Efeso 2:10

Mga binuhat kita sa Dios. Ug gibuhat kita niya diha kang Cristo Jesus aron magbuhat kita sa maayo nga maoy iyang tuyo alang kanato.

Mga Taga-Colosas 1:23

Mahimo kini kon magpadayon kamo nga lig-on sa pagtuo ug dili matarog sa paglaom nga inyong nahuptan sa inyong pagdawat sa ebanghelyo. Ako, si Pablo, nahimong sulugoon niining ebanghelyo nga giwali ngadto sa tanang mga tawo.

Mga Taga-Colosas 1:6

Miabot kini kaninyo ingon man sa tibuok kalibotan ug naghatag kinig bunga sama sa nahitabo diha kaninyo sukad sa inyong pagkadungog sa grasya sa Dios ug pagsinati gayod niini.

1 Timoteo 2:7

Mao kini ang hinungdan nga gipadala ako nga apostol ug magtutudlo ngadto sa mga dili Judio aron sa pagsangyaw sa mensahe sa pagtuo ug kamatuoran ug wala ako magbakak.

2 Timoteo 1:11

Gisugo ako sa Dios sa pagsangyaw ug pagtudlo sa Maayong Balita ingon nga apostol

2 Timoteo 2:2

Itugyan sa mga tawo nga kasaligan ang imong madungog nga akong giwali atubangan sa kadaghanan aron kini itudlo usab nila sa uban.

Tito 1:5

Gibilin ko ikaw sa Creta aron imong atimanon ang mga butang nga wala pa mahuman ug aron magtudlo kag mga pangulo sa simbahan sa matag lungsod sumala sa akong gisugo kanimo.

Mga Hebreo 11:4

Tungod sa pagtuo naghalad si Abel ngadto sa Dios ug mas maayong halad kay sa kang Cain. Tungod sa iyang pagtuo gikahimut-an siya sa Dios ingon nga tawong matarong kay gidawat man sa Dios ang iyang mga halad. Patay na si Abel apan pinaagi sa iyang pagtuo nagsulti gihapon siya.

Santiago 3:18

Ang pagkamatarong mao ang bunga sa binhi nga gipugas sa mga makigdaiton diha sa kalinaw.

1 Pedro 3:15

Pasidunggi hinuon ninyo si Cristo diha sa inyong mga kasingkasing ug himoa siya nga inyong Ginoo. Pangandam kamo kanunay pagtubag kang bisan kinsa nga magpakisayod kaninyo mahitungod sa inyong paglaom. Apan buhata kini sa kalumo ug pagtahod.

1 Pedro 3:2

kay makakita man sila unsa kaputli ug kabalaan ang inyong kinabuhi.

1 Juan 4:10

Ang matuod nga gugma mao kini: dili kita maoy unang naghigugma sa Dios kondili siya maoy unang naghigugma kanato. Gipadala niya ang iyang Anak aron pinaagi kaniya mapasaylo ang atong mga sala.

1 Juan 4:19

Nahigugma kita kay ang Dios man ang unang naghigugma kanato.