Juan 15:10 - Ang Bag-ong Maayong Balita Biblia

¹⁰ Kon tumanon ninyo ang akong mga sugo magpabilin kamo sa akong gugma sama nga ako nagtuman sa mga sugo sa akong Amahan ug nagpabilin sa iyang gugma.

Ang Biblia 2011

¹⁰ Kon magtuman kamo sa akong mga sugo, magpabilin kamo sa akong gugma, sama nga ako nagtuman sa mga sugo sa akong Amahan ug nagpabilin diha sa iyang gugma.

Ang Pulong sa Dios

¹⁰ Ug magpabilin kamo sa akong gugma, kon tumanon ninyo ang akong mga sugo; sama nga ako nagtuman sa mga sugo sa akong Amahan, busa nagpadayon usab ang iyang paghigugma kanako.

Maayong Balita Biblia

¹⁰ Kon tumanon ninyo ang akong mga sugo magpabilin kamo sa akong gugma sama nga ako nagtuman sa mga sugo sa akong Amahan ug nagpabilin sa iyang gugma.

Juan 15:10 Cross References

2 Samuel 22:22

Kay gituman ko man ang kabubut-on sa Ginoo ug wala ako mobiya sa akong Dios.

2 Mga Hari 18:6

Nagpabilin siyang matinud-anon sa Ginoo ug gituman niya ang iyang kasugoan.

Exodo 7:6

Gituman ni Moises ug ni Aaron ang gisugo sa Ginoo kanila.

Isaias 50:5

Giablihan sa Ginoong Dios ang akong salabotan, ug wala ako mosupil o mobiya kaniya.

Juan 10:18

Walay makahimo pagpatay kanako. Ang akong kinabuhi ihatag ko sa kaugalingon kong pagbuot. Mahimo ko ang paghalad sa akong kinabuhi ug mahimo ko usab ang pagbawi niini. Mao kini ang gisugo kanako sa akong Amahan.”

Juan 12:49

Matuman gayod kini kay wala man ako magsulti sa akong kaugalingong kabubut-on. Ang Amahan nga nagpadala kanako maoy nagsugo kanako kon unsay akong isulti.

Juan 14:15

“Kon nahigugma kamo kanako, tumana ninyo ang akong mga sugo.

Juan 14:21

“Ang modawat sa akong mga sugo ug magtuman niini mao ang nahigugma kanako. Ang akong Amahan mahigugma kaniya nga nahigugma kanako ug ako usab mahigugma kaniya ug magpaila sa akong kaugalingon ngadto kaniya.”

Juan 14:23

Si Jesus mitubag, “Ang nahigugma kanako magtuman sa akong gisugo. Higugmaon siya sa akong Amahan ug ang akong Amahan ug ako moanha ug magpuyo diha kaniya.

Juan 14:31

Apan kinahanglan nga mahibalo ang kalibotan nga nahigugma ako sa Amahan. Busa gibuhat ko ang tanan nga iyang gisugo kanako. “Tana, manglakaw na kita.

Juan 17:4

Gipadayag ko ang imong himaya dinhi sa kalibotan. Gihuman ko ang imong gipabuhat kanako.

Juan 4:34

Si Jesus miingon kanila, “Ang akong pagkaon mao ang pagtuman sa kabubut-on sa nagpadala kanako ug sa paghuman sa buluhaton nga iyang gipabuhat kanako.

Juan 8:29

Ug siya nga nagpadala kanako nag-uban kanako. Wala ako niya pasagdi nga mag-inusara kay nagbuhat man ako kanunay sa makapahimuot kaniya.”

Juan 8:55

Wala gayod kamo makaila kaniya apan ako nakaila kaniya. Kon moingon ako nga wala ako makaila kaniya, mahimo akong bakakon sama kaninyo. Apan nakaila ako kaniya ug nagtuman sa iyang sugo.

1 Mga Taga-Corinto 7:19

Kay dili mahinungdanon kon tinuli ka o dili. Ang mahinungdanon mao ang pagtuman sa kasugoan sa Dios.

1 Mga Taga-Tesalonica 4:1

Sa kataposan, mga igsoon, nakat-onan ninyo gikan kanamo ang pagkinabuhi nga makapahimuot sa Dios ug ingon niini ang inyong pagkinabuhi. Karon, sa ngalan ni Ginoong Jesus, naghangyo kami ug nag-awhag kaninyo sa pagkinabuhi ug labi pang makapahimuot sa Dios.

Mga Hebreo 7:26

Busa si Jesus mao ang Pangulong Pari nga makasangkap sa atong mga kinahanglan. Balaan siya. Wala siyay kalapasan o sala. Gilain siya gikan sa mga tawo nga makasasala ug gibayaw ngadto sa kalangitan.

2 Pedro 2:21

Maayo pa lang unta nga wala sila mahibalo sa matarong nga dalan kay sa mahibalo ug unya mobiya sa balaan nga sugo nga gihatag kanila.

1 Juan 2:3

Kon tumanon nato ang mga sugo sa Dios, mapaniguro nato nga nakaila kita kaniya.

1 Juan 2:5

Apan ang nagtuman sa iyang sugo, nahingpit diha kaniya ang gugma sa Dios. Mahibaloan nato nga nagkinabuhi kita sumala sa kabubut-on sa Dios pinaagi niini:

1 Juan 2:6

ang nag-ingon nga siya anaa sa Dios kinahanglan magkinabuhi sama kang Jesu-Cristo.

1 Juan 5:3

Kay ang ilhanan nga gihigugma nato ang Dios mao nga gituman nato ang iyang mga sugo. Ug dili lisod tumanon ang iyang mga sugo.

Gipadayag 22:14

Bulahan kadtong naglaba sa ilang bisti aron sila hatagan sa katungod sa pagkaon sa bunga sa kahoy nga naghatag sa kinabuhi ug sa pagsulod sa mga ganghaan sa siyudad.