Juan 15:1 - Ang Bag-ong Maayong Balita Biblia

¹ “Ako ang matuod nga punoan sa paras, ug ang akong Amahan mao ang tig-atiman.

Ang Biblia 2011

¹ “Ako mao ang matuod nga punoan sa paras ug ang akong Amahan mao ang tig-atiman.

Ang Pulong sa Dios

¹ Nagpadayon si Jesus sa pagsulti, “Ako ang tinuod nga punoan sa ubas, ug ang akong Amahan mao ang tig-atiman.

Maayong Balita Biblia

¹ “Ako ang matuod nga punoan sa paras, ug ang akong Amahan mao ang tig-atiman.

Juan 15:1 Cross References

Awit sa mga Awit 7:12

Mamangon kita pagsayo ug manan-aw sa mga paras kon nagsugod na ba kinig panalingsing, ug namukhad na ba ang mga bulak ug namulak na ba ang mga granada. Didto itugyan ko kanimo ang akong gugma.

Isaias 4:2

Niadto unyang adlawa ang sanga nga gipatubo sa Ginoo mahimong matahom ug mahimayaon ug ang abot sa yuta maoy mahimong garbo ug dungog sa mga nahibilin nga katawhan sa Israel.

Isaias 60:21

Pulos na unya matarong ang inyong katawhan; sila na ang manag-iya sa nasod hangtod sa kahangtoran; sila nga maoy saha sa akong tinanom, ang akong mga binuhat mismo aron ako kapasidunggan.

Isaias 61:3

ug kanila nga nagbangotan didto sa Sion, nagdala akog kalipay inay kagul-anan, awit sa pagdayeg inay kasubo. Mahisama sila sa mga kahoy nga gitanom mismo sa Ginoo. Silang tanan magbuhat ug matarong ug pagadaygon ang Dios tungod sa iyang gibuhat.

Jeremias 12:10

Daghang pangulong langyaw ang milaglag sa akong kaparasan; giyatakyatakan nila ang akong kaumahan ug gihimong diserto ang matahom kong yuta.

Jeremias 2:21

Gitanom ko ikaw sama sa piniling paras gikan sa labing maayong binhi. Apan sud-onga kon naunsa na ikaw karon! Sama na ikaw sa dunot nga paras nga wala nay kapuslanan.

Ezequiel 19:10

Ang imong inahan sama sa paras nga gitanom daplin sa suba; nananga kini ug namunga kay daghan mag tubig.

Oseas 10:1

Ang Israel sama sa paras nga himunga. Sa dihang midaghan ang bunga niini, midugang usab siya pagpamuhat ug mga halaran; sa pag-uswag sa iyang nasod, gipanindotan usab niya ang iyang mga haliging sagrado.

Zacarias 3:8

Busa pamati karon, O Josue nga Pangulong Pari, ug kamong iyang kauban nga mga pari nga timailhan sa maayong kaugmaon: timan-i nga paanhion ko ang akong sulugoon nga ginganlag Ang Sanga!

Mateo 15:13

Si Jesus mitubag, “Ang tanang tanom nga wala itanom sa akong Amahan nga atua sa langit pagaibton.

Mateo 20:1

“Ang paghari sa Dios sama niini: Adunay tag-iya sa usa ka parasan nga milakaw sayo sa buntag aron pagpangitag mga tawo nga iyang patrabahuon.

Mateo 21:33

Si Jesus miingon, “Pamati kamo ug laing sambingay. May usa ka tawo nga yutaan nga nagtanom ug mga paras. Gikoral niya kini ug nagkalot siyag lungag nga giukanan sa ubas ug nagtukod siyag pasilonganan sa guwardiya. Unya gipasaopan niya ang iyang parasan ug milangyaw siya.

Marcos 12:1

Unya misulti kanila si Jesus pinaagig mga sambingay: “May tawo nga nagtanom ug mga paras. Gikoralan niya kini ug nagkalot siyag lungag alang sa pug-anan sa ubas ug nagtukod siyag usa ka bantayan. Unya iyang gipasaopan ang parasan ug milangyaw siya.

Lucas 13:6

Unya misulti si Jesus kanila niining sambingaya: “May usa ka tawo nga may kahoyng igera diha sa iyang parasan. Miadto siya aron pagpangita ug bunga niini apan wala siyay nakaplagan.

Juan 1:17

Ang Balaod gihatag sa Dios pinaagi kang Moises apan ang grasya ug ang kamatuoran miabot pinaagi kang Jesu-Cristo.

Juan 1:9

Ang matuod nga kahayag moanhi sa kalibotan aron ang tanan madan-agan sa kahayag.

Juan 15:2

Putlon niya ang tanan kong sanga nga dili mamunga ug pul-ongan niya ang tanang sanga nga mamunga aron kini mahinlo ug mamungag daghan.

Juan 6:32

Si Jesus miingon, “Sultihan ko kamo: dili si Moises ang naghatag kaninyo ug pan gikan sa langit; ang akong Amahan mao ang naghatag kaninyo sa matuod nga pan gikan sa langit.

Juan 6:55

Kay ang akong unod mao ang matuod nga pagkaon ug ang akong dugo mao ang matuod nga ilimnon.

Roma 11:17

Ang ubang mga sanga sa dili ihalas nga kahoyng olibo giputol ug gisumpayan sa mga sanga sa ihalas nga kahoyng olibo. Kamong dili Judio mao ang ihalas nga olibo ug nabatonan ninyo karon ang kalig-on ug bahandianong kinabuhi sa mga Judio.

1 Mga Taga-Corinto 3:9

Kay sa Dios kami isigkamagbubuhat ug kamo mao ang uma sa Dios. Kamo mao usab ang balay sa Dios.

1 Juan 2:8

Apan bag-o kining sugoa nga gisulat ko kaninyo ug makita nga matuod kini diha kang Cristo ug diha usab kaninyo kay ang kangitngit miagi na ug ang matuod nga kahayag midan-ag na.