1 Pedro 1:12 - Ang Bag-ong Maayong Balita Biblia

¹² Gipadayag sa Dios sa maong mga propeta nga ang gihisgotan nila dili alang sa ilang kaugalingong kaayohan kondili alang kaninyo. Kining mga butanga nadungog ninyo gikan sa mga magwawali sa Maayong Balita pinaagi sa gahom sa Espiritu Santo nga gipadala gikan sa langit. Kini ang mga butang nga buot masabtan bisan gani sa mga anghel.

Ang Biblia 2011

¹² Kanila gipadayag kini, nga sila wala mag-alagad alang sa ilang kaugalingon, kondili alang kaninyo diha sa mga butang nga karon gipahibalo na kaninyo pinaagi kanila nga nagsangyaw sa Maayong Balita, pinaagi sa Espiritu Santo nga gipadala gikan sa langit, ang mga butang nga ang mga anghel nangandoy sa pagsud-ong.

Ang Pulong sa Dios

¹² Gipahibalo usab sila sa Dios nga ang ilang gipanulti dili alang sa ilang kaayohan kondili alang kanato. Ug karon ang ilang mga panagna nadungog na ninyo gikan sa mga nagsangyaw sa Maayong Balita. Nagsulti sila kaninyo pinaagi sa gahom sa Espiritu Santo nga gipadala kanila gikan sa langit. Ug bisan ang mga anghel gusto nga makasabot niining Maayong Balita nga gisulti kaninyo.

Maayong Balita Biblia

¹² Gipadayag sa Dios sa maong mga propeta nga ang gihisgotan nila dili alang sa ilang kaugalingong kaayohan kondili alang kaninyo. Kining mga butanga nadungog ninyo gikan sa mga magwawali sa Maayong Balita pinaagi sa gahom sa Espiritu Santo nga gipadala gikan sa langit. Kini ang mga butang nga buot masabtan bisan gani sa mga anghel.

1 Pedro 1:12 Cross References

Exodo 25:20

Kinahanglan nga ang mga kerubin magbukhad sa ilang mga pako aron mapandongan sa ilang pako ang tabon. Mag-atbangay sila nga magtan-aw sa tabon.

Mga Panultihon 1:23

Pamati kamo sa akong pagbadlong kaninyo; hatagan ko kamog maayong tambag ug ipakig-ambit ko kaninyo ang akong kahibalo.

Isaias 32:15

Apan ipadala sa Dios kanato ang iyang Espiritu, ug mahimo nang mabungahong kaumahan ang diserto, ug mohatag ug daghang abot ang kaumahan.

Isaias 53:1

Ang mga tawo mitubag, “Kinsay makatuo sa amo karong gisangyaw? Kinsay gipakitaan sa Ginoo sa iyang gahom?

Daniel 10:1

Sa ikatulong tuig sa paghari ni Ciro sa Persia, usa ka panan-awon ang gipakita ngadto kang Daniel nga ginganlan usab ug Beltesasar. Matuod kini apan naglisod siya sa pagsabot niini. Hinuon nasabtan niya ang kahulogan niini pinaagi sa panan-awon.

Daniel 12:13

“Ug ikaw, Daniel, padayona ang imong pagkamatinud-anon hangtod sa kataposan. Unya mamatay ka apan mobangon aron pagdawat sa gitagana alang kanimo inig-abot na sa kataposan.”

Daniel 12:9

Mitubag siya, “Lakaw na, Daniel, kay magpabilin nga tinagoan ang kahulogan sa maong mga pulong hangtod nga moabot na ang kataposan.

Daniel 2:19

Unya nianang gabhiona gipakita si Daniel bahin sa tanghaga pinaagi sa usa ka panan-awon. Unya gidayeg ni Daniel ang Dios nga anaa sa langit.

Daniel 2:22

Gipadayag niya ang tulukibon ug tinagong mga butang; makita niya ang gitabonan sa kangitngit, ug ang kahayag anaa kaniya.

Daniel 2:47

Miingon ang hari kang Daniel, “Matuod gayod nga ang imong Dios mao ang Dios sa tanang dios ug Ginoo sa mga hari ug tigpadayag sa mga tanghaga kay nakahimo ka man sa pagsaysay niining maong tanghaga.”

Daniel 8:13

Unya nabati ko ang usa ka anghel nga nangutana sa laing anghel, “Kanus-a ba kutob ang mga hitabo nga nakita diha sa panan-awon: ang paghimo sa inadlawng halad nga sunogon, ang paglapas nga mosangpot sa kalaglagan ug ang pagtugyan sa Templo ug sa mga binuhat nga atua sa langit aron yatakyatakan?”

Daniel 9:24

“Pito ka 70 nga tuig ang gitagal alang sa imong katawhan ug sa imong balaang siyudad aron pagtapos sa kalapasan ug paghunong sa sala ug paghugas sa kadaotan, aron pagpatunhay sa katarong nga walay paglubad, aron pagtak-op sa panan-awon ug sa panagna ug aron paghalad pag-usab sa balaan nga Templo.

Joel 2:28

“Unya ibubo ko ang akong espiritu sa tanang katawhan; ang inyong mga anak nga lalaki ug babaye magsangyaw sa akong mensahe; ang mga tigulang ninyo magdamgo, ug ang batan-on ninyong mga lalaki makakitag mga panan-awon.

Amos 3:7

Sa pagkatinuod, ang tanang himoon sa Ginoong Dios ipahibalo gayod niya sa iyang mga alagad nga mga propeta.

Zacarias 12:10

“Ug buboan ko ang banay ni David ug ang mga lumolupyo sa Jerusalem sa espiritu sa pagkamaluluy-on ug pagkamainampoon aron inigtan-aw nila kaniya nga ilang gidunggab, magbangotan sila tungod kaniya sama sa nagbangotan tungod sa kamatayon usa ka bugtong nga anak. Magpaagas sila ug pait nga luha sama sa nagbangotan tungod sa kamatayon sa iyang panganayng anak.

Mateo 11:25

Unya si Jesus miingon, “O Amahan, Ginoo sa langit ug sa yuta! Nagpasalamat ako kanimo kay gipadayag man nimo ngadto sa mga walay kahibalo kining mga butanga nga imong gitago gikan sa mga maalamon ug sa mga makinaadmanon.

Mateo 11:27

“Ang akong Amahan naghatag kanako sa tanang butang. Walay nakaila sa Anak gawas sa Amahan ug walay nakaila sa Amahan gawas sa Anak ug kadtong mga tawo nga buot sa Anak nga makaila sa Amahan.

Mateo 16:17

Giingnan siya ni Jesus, “Bulahan ka gayod, Simon nga anak ni Jonas. Kay kining maong kamatuoran wala moabot kanimo pinaagi sa bisan unsang tawhanong pamaagi. Ang akong Amahan nga atua sa langit mao ang naghatag niini kanimo.

Marcos 16:15

Miingon siya kanila, “Panglakaw kamo sa tibuok kalibotan ug isangyaw kining Maayong Balita ngadto sa tanang mga tawo.

Lucas 15:10

Sultihan ko kamo nga ingon usab niini ang mahitabo, mangalipay ang mga anghel sa Dios tungod sa usa ka makasasala nga naghinulsol.”

Lucas 2:26

ug gipadayag kaniya sa Espiritu Santo nga dili siya mamatay hangtod nga makita niya ang Cristo nga gisaad sa Ginoo.

Lucas 9:6

Migikan ang mga tinun-an ug miadto sa tanang balangay. Nagsangyaw sila sa Maayong Balita ug giayo nila ang mga masakiton.

Juan 15:26

“Moanhi ang Magtatabang nga mao ang Espiritu nga nagpadayag sa kamatuoran nga gikan sa Amahan. Ipadala ko siya gikan sa Amahan ug magsaksi siya mahitungod kanako.

Mga Buhat 10:44

Samtang nagsulti pa si Pedro, mikunsad ang Espiritu Santo kanilang tanan nga namati sa mensahe.

Mga Buhat 16:10

Human gayod sa panan-awon ni Pablo, nangandam kami pag-adto sa Macedonia kay among nasiguro nga ang Dios nagtawag kanamo aron sa pagwali sa Maayong Balita sa katawhan didto.

Mga Buhat 2:33

Gituboy siya ngadto sa tuo sa Dios ug gidawat niya ang Espiritu Santo sumala sa gisaad sa iyang Amahan ug ang inyo karong nakita ug nadungog mao na ang iyang gasa nga gibubo niya kanamo.

Mga Buhat 4:31

Human sila mag-ampo, nauyog ang dapit nga ilang gitigoman. Ug silang tanan napuno sa Espiritu Santo ug sa walay kahadlok nagwali sa mensahe sa Dios.

Mga Buhat 4:8

Si Pedro nga napuno sa Espiritu Santo mitubag kanila, “Mga pangulo ug kadagkoan sa katawhan:

Mga Buhat 8:25

Human makahatag si Pedro ug si Juan sa ilang pagpamatuod ug makawali sa mensahe sa Ginoo, namalik sila sa Jerusalem. Ug gisangyaw usab nila ang Maayong Balita sa daghang mga balangay sa Samaria nga ilang giagian.

Roma 1:15

Busa dako ang akong tinguha sa pagwali usab sa Maayong Balita nganha kaninyo nga nagpuyo sa Roma.

Roma 1:17

Kay gipadayag sa Maayong Balita ang paagi sa Dios sa paghimong matarong sa tawo ug kini pinaagi sa pagtuo gikan sa sinugdan hangtod sa kataposan. Sumala sa kasulatan, “Ang gihimong matarong sa Dios mabuhi pinaagi sa pagtuo.”

Roma 10:15

Ug unsaon man pagwali sa mensahe kon walay gipadala nga magwawali? Sumala sa Kasulatan, “Pagkatahom sa mga tiil niadtong nagwali sa Maayong Balita!”

Roma 15:19

sa gahom sa mga ilhanan ug mga milagro ug sa gahom sa Espiritu. Busa sa nagpanaw ako gikan sa Jerusalem paingon sa Ilirico, gisangyaw ko ang Maayong Balita mahitungod ni Cristo.

1 Mga Taga-Corinto 2:10

Apan gipadayag kanato sa Dios ang iyang tinago pinaagi sa iyang Espiritu. Ang Espiritu nagsusi sa tanang mga butang, bisan pa niadtong labing natago nga mga katuyoan sa Dios.

2 Mga Taga-Corinto 1:22

ug gipatikan kita niya sa timaan nga kita iya na ug gihatagan kita niya sa Espiritu Santo dinhi sa atong kasingkasing ingon nga pasalig.

2 Mga Taga-Corinto 6:6

Gipakita namo nga kami mga sulugoon sa Dios pinaagi sa among kaputli, kaalam, pailob, kaluoy ug pinaagi sa Espiritu Santo ug sa among matuod nga gugma

Mga Taga-Galacia 1:12

Wala ko kini madawat gikan ni bisan kinsa. Walay nagtudlo kanako niini kondili gipadayag kini kanako ni Jesu-Cristo.

Mga Taga-Galacia 1:16

Ug sa dihang gipadayag niya kanako ang iyang Anak aron iwali ko siya ngadto sa mga dili Judio wala ako magpakitambag ni bisan kinsa.

Mga Taga-Efeso 3:10

aron pinaagi sa simbahan masayran karon sa mga pangulo ug kagamhanan sa kalangitan ang kaalam sa Dios nga may nagkalainlaing pamaagi.

1 Mga Taga-Tesalonica 2:9

Mga igsoon, sa walay duhaduha nahinumdoman pa ninyo giunsa namo paghago. Nagtrabaho kami adlaw ug gabii aron dili kami makahasol kaninyo sa among pagwali kaninyo sa Maayong Balita sa Dios.

1 Timoteo 3:16

Walay makalimod unsa kadako ang tinago sa atong relihiyon: Nagpakita siya ingon nga tawo, ug namatud-an nga matarong pinaagi sa Espiritu, ug nakita siya sa mga anghel. Giwali siya ngadto sa kanasoran, gituohan dinhi sa kalibotan, ug gibayaw ngadto sa langit.

Mga Hebreo 11:13

Nangamatay silang tanan diha sa pagtuo. Wala sila makadawat sa mga butang nga gisaad sa Dios apan bisan layo pa kaayo nakita na nila kini ug gikahinangop nila ug miila sa dayag nga sila mga langyaw ug mga lumalabay dinhi sa kalibotan.

Mga Hebreo 2:4

Ug gipamatud-an usab kini sa Dios pinaagi sa pagbuhat ug mga timaan sa gahom, mga katingalahan ug daghang mga milagro. Nanghatag usab siya sa mga gasa sa Espiritu Santo sumala sa iyang kabubut-on.

Mga Hebreo 4:2

Kay sama kanila nakadungog kita sa Maayong Balita apan wala magpulos ang mensahe nga nadungog nila tungod kay wala man sila motuo niini.

1 Pedro 1:25

apan ang pulong sa Dios magpabilin hangtod sa kahangtoran.” Mao kini ang Maayong Balita nga gisangyaw nganha kaninyo.

1 Pedro 4:6

Mao kini ang hinungdan ngano nga ang Maayong Balita giwali usab ngadto sa mga patay, kanila nga hinukman na diha sa ilang lawasnon nga kahimtang sama nga ang tanan pagahukman gayod. Kini giwali kanila aron nga sa ilang espirituhanong kahimtang magkinabuhi unta sila ingon nga ang Dios buhi man.

Gipadayag 5:11

Ug mitan-aw ako pag-usab ug nadungog ko ang liboan ka libong mga anghel! Nag-alirong sila sa trono uban sa upat ka buhing binuhat ug mga pangulo