1 Juan 5:20 - Ang Bag-ong Maayong Balita Biblia

²⁰ Nasayod usab kita nga mianhi ang Anak sa Dios ug mihatag kanatog salabotan aron makaila kita sa matuod nga Dios. Ang atong kinabuhi anaa sa matuod nga Dios—sa iyang Anak nga si Jesu-Cristo. Siya ang matuod nga Dios ug ang kinabuhi nga dayon.

Ang Biblia 2011

²⁰ Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.

Ang Pulong sa Dios

²⁰ Ug nahibaloan usab nato nga mianhi dinhi sa kalibotan ang Anak sa Dios, ug gihatagan niya kita ug panabot aron maila nato ang tinuod nga Dios. Ug anaa kita diha sa tinuod nga Dios, sa iyang Anak nga si Jesu-Cristo. Siya mao ang tinuod nga Dios ug ang kinabuhi nga walay kataposan.

Maayong Balita Biblia

²⁰ Nasayod usab kita nga mianhi ang Anak sa Dios ug mihatag kanatog salabotan aron makaila kita sa matuod nga Dios. Ang atong kinabuhi anaa sa matuod nga Dios—sa iyang Anak nga si Jesu-Cristo. Siya ang matuod nga Dios ug ang kinabuhi nga dayon.

1 Juan 5:20 Cross References

Isaias 44:6

Mao kini ang giingon sa Ginoo, ang hari ug manunubos sa Israel, ang Ginoo nga Labing Gamhanan, “Ako mao ang sinugdan ug ang kataposan; gawas kanako wala nay laing dios.

Isaias 54:5

Kay ang imong Magbubuhat mahimong daw imong bana; ang Ginoo nga Labing Gamhanan mao ang iyang ngalan; ang imong manunubos mao ang Balaang Dios sa Israel, siya ang Dios sa tibuok kalibotan.

Isaias 9:6

Natawo alang kanato ang usa ka bata; gihatag kanato ang usa ka anak nga lalaki, ug siya ang magmando sa tanan ug nganlan siyag “Maalamong Magtatambag,” “Dios nga Gamhanan,” “Amahan Hangtod sa Kahangtoran,” “Prinsipe sa Pakigdait.”

Jeremias 10:10

Apan ikaw, O Ginoo, mao ang matuod nga Dios; buhi ka ug hari hangtod sa kahangtoran. Mokurog ang kalibotan kon masuko ka, ug walay nasod nga dili mahadlok sa imong kasuko.

Jeremias 23:6

Kon maghari na siya, mahilikay na sa kadaot ang katawhan sa Juda ug magpuyo nang malinawon ang katawhan sa Israel. Paganganlan siyag, ‘Ang Ginoo Mao Ang Atong Kaluwasan.’”

Mateo 13:11

Si Jesus mitubag, “Ang mga tinago mahitungod sa paghari sa Dios gipadayag na kaninyo apan wala ipadayag kanila.

Lucas 21:15

kay hatagan ko kamog igsusulti ug kaalam nga walay usa sa inyong mga kaaway nga makatubag o makasupak.

Lucas 24:45

Unya gipasabot niya sila sa Kasulatan,

Juan 1:18

Wala pa gayoy tawo nga nakakita sa Dios. Ang bugtong Anak nga Dios nga pinangga kaayo sa Amahan maoy nagpaila kaniya.

Juan 10:30

Ako ug ang Amahan usa ra.”

Juan 14:20

Inig-abot niadtong adlawa, mahibalo kamo nga ako anaa sa Amahan ug kamo ania kanako, sama nga ako anaa usab kaninyo.

Juan 14:23

Si Jesus mitubag, “Ang nahigugma kanako magtuman sa akong gisugo. Higugmaon siya sa akong Amahan ug ang akong Amahan ug ako moanha ug magpuyo diha kaniya.

Juan 14:6

Si Jesus mitubag, “Ako ang dalan, ang kamatuoran ug ang kinabuhi. Walay makaadto sa Amahan kon dili moagi kanako.

Juan 14:9

Si Jesus mitubag, “Dugay na akong nakig-uban kaninyong tanan unya wala ka pa gihapon makaila kanako, Felipe? Ang nakakita kanako nakakita usab sa Amahan. Busa nganong nag-ingon ka man, ‘Ipakita kanamo ang Amahan’?

Juan 15:4

Pabilin kamo kanako ug ako magpabilin kaninyo. Dili kamo makabunga gawas kon magpabilin kamo kanako, sama nga ang usa ka sanga dili makabunga gawas kon magpabilin kini sa punoan.

Juan 17:14

Gihatag ko kanila ang imong pulong busa gikasilagan sila sa kalibotan kay dili man sila iya sa kalibotan sama nga ako dili iya sa kalibotan.

Juan 17:25

Amahan nga matarong, ang kalibotan wala makaila kanimo apan ako nakaila kanimo ug kini sila nasayod nga ikaw ang nagpadala kanako.

Juan 17:3

Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesu-Cristo nga imong gipadala.

Juan 20:28

Si Tomas miingon kaniya, “Ginoo ko ug Dios ko!”

Juan 8:42

Si Jesus mitubag kanila, “Kon ang Dios mao pa ang inyong amahan, inyo unta akong higugmaon kay gikan man ako sa Dios ug karon ako ania dinhi. Wala ako moanhi sa kaugalingon kong pagbuot kondili gipadala niya ako.

Mga Buhat 20:28

Bantayi ninyo ang inyong kaugalingon ug ang tanang mga magtutuo nga gitugyan sa Espiritu Santo aron inyong amomahon. Atimana usab ang simbahan sa Dios nga naiya pinaagi sa dugo sa iyang Anak.

Roma 9:5

Kaliwat sila sa mga patriarka ug sa ilang kaliwatan natawo si Cristo. Ang Dios nga labaw sa tanan daygon unta hangtod sa kahangtoran! Amen.

1 Mga Taga-Corinto 1:30

Apan kamo gihiusa sa Dios diha kang Cristo Jesus ug diha kang Cristo aduna kitay kaalam. Pinaagi kaniya nahimo kitang matarong atubangan sa Dios, nahimo kitang balaang katawhan sa Dios ug gihatagan kita ug kagawasan.

2 Mga Taga-Corinto 4:6

Ang Dios nga miingon, “Gikan sa kangitngit modan-ag ang kahayag!” mao ang Dios nga nagpadan-ag sa iyang kahayag sulod sa atong kasingkasing aron paghatag kanato sa kahibalo mahitungod sa himaya sa Dios nga nagdan-ag diha sa nawong ni Cristo.

2 Mga Taga-Corinto 5:17

Kay bisan kinsa nga nahiusa kang Cristo, bag-o na siyang binuhat. Ang daan miagi na ug ang bag-o miabot na.

Mga Taga-Efeso 3:18

ug uban sa tanang katawhan sa Dios, makabaton kamog gahom sa pagsabot sa kalapad ug kataas, sa kahabog ug kalawom sa gugma ni Cristo.

Mga Taga-Filipos 3:9

ug mahiusa kaniya sa hingpit. Wala na ako magbaton sa pagkamatarong nga gipasikad sa pagtuman sa Balaod kondili sa pagkamatarong nga nadawat ko pinaagi sa pagtuo diha kang Cristo—pagkamatarong nga gikan sa Dios ug gipasukad diha sa pagtuo.

1 Timoteo 3:16

Walay makalimod unsa kadako ang tinago sa atong relihiyon: Nagpakita siya ingon nga tawo, ug namatud-an nga matarong pinaagi sa Espiritu, ug nakita siya sa mga anghel. Giwali siya ngadto sa kanasoran, gituohan dinhi sa kalibotan, ug gibayaw ngadto sa langit.

Tito 2:13

Kinahanglang ingon niini ang atong pagkinabuhi samtang nagpaabot kita sa bulahang adlaw nga atong gilaoman inigpadayag na sa himaya sa atong gamhanang Dios ug Manluluwas nga si Jesu-Cristo.

Mga Hebreo 1:8

Apan bahin sa iyang Anak, miingon ang Dios: “Ang imong trono, O Dios, molungtad hangtod sa kahangtoran! Ug uban sa hustisya maghari ka sa imong gingharian.

1 Juan 2:23

Kay ang nagsalikway sa Anak nagsalikway usab sa Amahan ug ang midawat sa Anak midawat usab sa Amahan.

1 Juan 2:24

Busa ampingi gayod ninyo ang mensahe nga inyong nadungog sukad pa sa sinugdan. Kay kon inyong ampingan diha sa inyong kasingkasing ang nadungog ninyo, magpabilin kamo kanunay diha sa Anak ug sa Amahan.

1 Juan 2:6

ang nag-ingon nga siya anaa sa Dios kinahanglan magkinabuhi sama kang Jesu-Cristo.

1 Juan 4:14

Nakita nato ug gisugilon ngadto sa uban nga gipadala sa Amahan ang iyang Anak aron pagluwas sa kalibotan.

1 Juan 4:16

Busa nasayod kita ug nagtuo nga gihigugma kita sa Dios. Ang Dios gugma ug ang nagkinabuhi subay sa gugma anaa sa Dios ug ang Dios anaa kaniya.

1 Juan 4:2

Maila ninyo kon ang maong Espiritu iya ba sa Dios pinaagi niini: ang nagpahayag nga si Jesu-Cristo nagpakatawo iya sa Dios.

1 Juan 5:1

Anak sa Dios ang nagtuo nga si Jesus mao ang Cristo. Ug ang nahigugma sa ginikanan nahigugma usab sa iyang anak.

1 Juan 5:15

Ug kay nasayod man kita nga mamati siya kanato, masiguro usab nato nga iya nang gihatag kanato ang atong gipangayo kaniya.

1 Juan 5:18

Nasayod kita nga walay anak sa Dios nga magpadayon sa pagpakasala kay manalipod man kaniya ang Anak sa Dios ug dili gayod makahimo kaniyag daotan ang Yawa.

1 Juan 5:5

Mao ray makabuntog sa kalibotan ang nagtuo nga si Jesus mao ang Anak sa Dios.

Gipadayag 15:3

Nag-awit sila sa awit ni Moises, ang sulugoon sa Dios, ug sa awit sa Nating Karnero: “Ginoong Dios nga Labing Gamhanan, pagkakahibulongan sa imong mga buhat! Hari sa tanang kanasoran, matarong ug matuod gayod ang imong mga paagi!

Gipadayag 19:11

Unya nakita ko nga naabli ang langit ug didto may puting kabayo. Ang nagkabayo niini ginganlag Kasaligan ug Matuod ug diha sa katarong naghukom siya ug nakiggubat.

Gipadayag 3:14

“Isulat kini alang sa anghel sa simbahan sa Laodicea: “Kini ang giingon sa Amen, ang kasaligan ug matuod nga saksi nga mao ang sinugdan sa tanan nga gibuhat sa Dios.

Gipadayag 3:7

“Isulat kini alang sa anghel sa simbahan sa Filadelfia: “Kini ang mensahe nga giingon sa balaan ug matuod, ang nagkupot sa yawi ni David. Walay makasira sa iyang ablihan ug walay makaabli sa iyang sirad-an.

Gipadayag 6:10

Misinggit sila, “Ginoo nga Labing Gamhanan, balaan ug matuod! Dugay pa ba nimong hukman ug silotan ang katawhan sa kalibotan tungod sa ilang pagpatay kanamo?”