1 Juan 1:2 - Ang Bag-ong Maayong Balita Biblia

² Gipadayag na ang maong kinabuhi ug nakita namo kini. Busa nagmatuod kami niini ug gisangyaw namo kaninyo ang kinabuhing walay kataposan nga diha uban sa Amahan ug gipadayag kanato.

Ang Biblia 2011

² ang kinabuhi gipadayag ug kami nakakita niini ug nagpamatuod niini ug nagsangyaw kaninyo sa kinabuhing dayon nga diha kauban sa Amahan ug nga gipadayag kanamo—

Ang Pulong sa Dios

² Siya nga tinubdan sa kinabuhi gipadayag, ug nakita namo. Gipamatud-an ug gisangyaw namo siya kaninyo. Uban siya sa Amahan, apan karon nagpakita siya kanamo.

Maayong Balita Biblia

² Gipadayag na ang maong kinabuhi ug nakita namo kini. Busa nagmatuod kami niini ug gisangyaw namo kaninyo ang kinabuhing walay kataposan nga diha uban sa Amahan ug gipadayag kanato.

1 Juan 1:2 Cross References

Juan 1:18

Wala pa gayoy tawo nga nakakita sa Dios. Ang bugtong Anak nga Dios nga pinangga kaayo sa Amahan maoy nagpaila kaniya.

Juan 1:4

Diha sa Pulong ang kinabuhi ug ang maong kinabuhi mao ang kahayag sa mga tawo.

Juan 10:28

Naghatag ako kanila sa kinabuhing dayon ug dili na gayod sila mangamatay ug walay makaagaw kanila gikan kanako.

Juan 14:6

Si Jesus mitubag, “Ako ang dalan, ang kamatuoran ug ang kinabuhi. Walay makaadto sa Amahan kon dili moagi kanako.

Juan 15:27

Ug magsaksi usab kamo mahitungod kanako kay kamo uban man kanako sukad pa sa sinugdan.

Juan 16:28

Tinuod nga ako gikan sa Amahan ug mianhi sa kalibotan. Ug karon mobiya ako sa kalibotan ug mobalik sa Amahan.”

Juan 17:3

Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesu-Cristo nga imong gipadala.

Juan 17:5

Karon, Amahan, pasidunggi ako diha sa imong presensya pinaagi sa dungog nga akong gihuptan uban kanimo sa wala pa buhata ang kalibotan.

Juan 19:35

Ang tawo nga nakakita niining hitaboa nagpamatuod niini aron motuo usab kamo. Tinuod ug kasaligan ang iyang gisulti ug nahibalo siya nga nagsulti siya sa tinuod.

Juan 21:14

Ikatulo kining pagpakita ni Jesus ngadto sa mga tinun-an human siya mabanhaw.

Juan 3:13

Ug wala pay nakasaka sa langit gawas sa Anak sa Tawo nga nanaog gikan sa langit.”

Juan 7:29

apan ako nakaila kay gikan man ako kaniya ug siya man ang nagpadala kanako.”

Juan 8:38

Nagsulti ako sa gipadayag kanako sa akong Amahan apan nagbuhat kamo sa gisulti kaninyo sa inyong amahan.”

Mga Buhat 10:41

Wala makakita kaniya ang tanang mga tawo kondili kami lamang nga gipili sa Dios ingon nga mga saksi, kami nga nangaon ug nanginom uban kaniya human siya mabanhaw.

Mga Buhat 2:32

Gibanhaw sa Dios kining maong Jesus, ug kaming tanan mga saksi niini.

Mga Buhat 3:15

Ug gipatay ninyo ang Tinubdan sa kinabuhi. Apan gibanhaw siya sa Dios ug kami mga saksi niini.

Mga Buhat 5:32

Saksi kami niining mga butanga ingon man ang Espiritu Santo nga mao ang gasa sa Dios niadtong nagmasinugtanon kaniya.”

Roma 8:3

Ang wala mahimo sa Balaod tungod sa kahuyang sa tawo, gihimo sa Dios. Gihukman niya ang sala diha sa kinaiya sa tawo pinaagi sa pagpadala sa iyang Anak nga mianhi ingon nga tawo aron paglaglag sa sala.

Mga Taga-Galacia 4:4

Apan sa pag-abot na sa hustong panahon, gipadala sa Dios ang iyang Anak, gipanganak sa tawhanong inahan ug nagkinabuhi siya ilalom sa Balaod

1 Timoteo 3:16

Walay makalimod unsa kadako ang tinago sa atong relihiyon: Nagpakita siya ingon nga tawo, ug namatud-an nga matarong pinaagi sa Espiritu, ug nakita siya sa mga anghel. Giwali siya ngadto sa kanasoran, gituohan dinhi sa kalibotan, ug gibayaw ngadto sa langit.

2 Timoteo 1:10

apan karon gipakita na kanato pinaagi sa pag-abot sa atong Manluluwas nga si Cristo Jesus. Gibuntog niya ang gahom sa kamatayon ug pinaagi sa Maayong Balita gipadayag niya ang kinabuhing walay kataposan.

Tito 1:2

nga gipasikad diha sa paglaom sa kinabuhing walay kataposan. Ang Dios nga dili gayod mamakak misaad kanato sa maong kinabuhi sukad pa sa sinugdan.

1 Pedro 5:1

Kaninyo nga mga pangulo sa simbahan, ako, ingon nga pangulo usab sama kaninyo ug saksi sa mga pag-antos ni Cristo ug mag-aambit sa himaya nga ipadayag unya, naghangyo kaninyo

1 Juan 1:1

Nagsulat kami kaninyo mahitungod sa Pulong nga naghatag sa kinabuhi. Ang Pulong diha nang daan sa pagbuhat sa kalibotan. Nadungog namo kini, nakita ug nahikap gayod.

1 Juan 2:25

Ug ang gisaad ni Cristo kanato mao ang kinabuhing dayon.

1 Juan 3:5

Nasayod kamo nga mianhi si Cristo aron pagkuha sa atong mga sala ug siya walay sala.

1 Juan 3:8

Ang magpadayon sa pagpakasala iya sa Yawa kay ang Yawa nagpakasala man sukad pa gayod sa sinugdan. Ang hinungdan sa pag-anhi sa Anak sa Dios mao ang pagguba sa mga buhat sa Yawa.

1 Juan 4:14

Nakita nato ug gisugilon ngadto sa uban nga gipadala sa Amahan ang iyang Anak aron pagluwas sa kalibotan.

1 Juan 4:2

Maila ninyo kon ang maong Espiritu iya ba sa Dios pinaagi niini: ang nagpahayag nga si Jesu-Cristo nagpakatawo iya sa Dios.

1 Juan 5:11

Ang pagpamatuod mao kini: ang Dios naghatag kanato sa kinabuhing walay kataposan ug anaa kini sa iyang Anak.

1 Juan 5:13

Gisulatan ko kamong tanan nga nagtuo sa ngalan sa Anak sa Dios aron masayod nga kamo may kinabuhing walay kataposan.

1 Juan 5:20

Nasayod usab kita nga mianhi ang Anak sa Dios ug mihatag kanatog salabotan aron makaila kita sa matuod nga Dios. Ang atong kinabuhi anaa sa matuod nga Dios—sa iyang Anak nga si Jesu-Cristo. Siya ang matuod nga Dios ug ang kinabuhi nga dayon.