၄ ရာ 9:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ထိုအခါ သူ​တို့​သည် မိမိ​တို့​အဝတ်​ကို​ချက်ချင်း​ယူ​၍ ယေဟု​ဆင်းလာ​မည့်​လှေကားထစ်​များ​တွင် ဖြန့်ခင်း​ပေး​၏​။ ထို့နောက် တံပိုး​ကို​မှုတ်​ပြီး “​ယေဟု​သည် ရှင်ဘုရင် ဖြစ်​တော်မူ​၏​”​ဟု ကြွေးကြော်​ကြ​၏​။

Common Language Bible

¹³ ချက်​ချင်း​ပင်​ယေ​ဟု​၏​အ​ဖော်​ဗိုလ်​မှူး​တို့​သည် လှေ​ကား​ထိပ်​ပေါ်​တွင်​ယေ​ဟု​နင်း​ရန် မိ​မိ​တို့​၏ ဝတ်​လုံ​များ​ကို​ဖြန့်​ခင်း​ပြီး​လျှင်​တံ​ပိုး​ခ​ရာ မှုတ်​၍``ယေ​ဟု​သည်​ဘု​ရင်​ဖြစ်​တော်​မူ​၏'' ဟု ကြွေး​ကြော်​ကြ​၏။

Garrad Bible

¹³ အ သီး အ သီး ကိုယ့် ဝတ် လုံ ကို လှေ ခါး ထစ် ပေါ် တွင် ယေ ဟု နင်း ရန် ခင်း ပြီး လျှင် ယေ ဟု သည် ဘု ရင် မင်း ဖြစ် သည် ဟု ကြွေး ကြော် ခြင်း၊ တံ ပိုး မှုတ် ခြင်း ပြု ကြ သည် နှင့်

Judson Bible

¹³ သူ​တို့​သည် အ​လျင်​အ​မြန်​ထ​သ​ဖြင့်၊ အ​သီး​အ​သီး မိ​မိ​တို့​ဝတ်​လုံ​ကို​ယူ၍ လှေ​ကား​ထိပ်​ပေါ် ယေ​ဟု​အောက်​မှာ ခင်း​လျက်၊ ယေ​ဟု​သည် ရှင်​ဘု​ရင်​ဖြစ်​တော်​မူ၏​ဟု​တံ​ပိုး​မှုတ်၍ ဟစ်​ကြော်​ကြ၏။

၄ ရာ 9:13 Referencias Cruzadas

၂ ရာ 15:10

ထို့နောက် အဗရှလုံ​သည် အစ္စရေး​အမျိုးအနွယ်​အပေါင်း​တို့​ထံသို့ သူလျှို​တို့​ကို​စေလွှတ်​၍ “​တံပိုးမှုတ်သံ​ကို သင်​တို့​ကြား​လျှင် ‘​အဗရှလုံ​သည် ဟေဗြုန်​မြို့​တွင် နန်းတက်​လေ​ပြီ​’​ဟူ၍ ကြွေးကြော်​ကြ​လော့​”​ဟု မှာလိုက်​၏​။

၃ ရာ 1:25

ယနေ့ သူ​သည် သိုး​၊ နွား​မှစ၍ ဆူဖြိုး​သော​အကောင်​အမြောက်အမြား​ကို သွား​၍​ယဇ်ပူဇော်​ပါ​ပြီ​။ ဘုရင့်​သား​တော်​အပေါင်း​တို့​အပါအဝင် စစ်မှုထမ်း​အကြီးအကဲ​များ​နှင့် ယဇ်ပုရောဟိတ်​အဗျာသာ​တို့​ကို ဖိတ်ခေါ်​ပြီး စား​သောက်​ကြ​လျက် ‘​အဒေါနိယ​မင်းကြီး သက်တော်ရှည်​ပါစေ​’​ဟု ကြွေးကြော်​ကြ​ပါ​ပြီ​။

၃ ရာ 1:34

ထို​မြို့​တွင် ယဇ်ပုရောဟိတ်​ဇာဒုတ်​နှင့် ပရောဖက်​နာသန်​တို့​သည် သူ့​ကို အစ္စရေး​လူမျိုး​၏​ဘုရင်​အဖြစ် ဘိသိက်ပေး​ရ​မည်​။ ပြီးမှ တံပိုး​မှုတ်​လျက် ‘​ရှောလမုန်​မင်းကြီး သက်တော်ရှည်​ပါစေ​’​ဟု ကြွေးကြော်​ကြ​ရ​မည်​။

၃ ရာ 1:39

ထို့နောက် ယဇ်ပုရောဟိတ်​ဇာဒုတ်​သည် ဆီ​ထည့်​ထား​သော​ချို​ကို တဲ​တော်​ထဲမှ​ယူ​၍ ရှောလမုန်​ကို ဘိသိက်ပေး​၏​။ ထို့နောက် သူ​တို့​သည် တံပိုး​ကို​မှုတ်​လျှင် လူ​အပေါင်း​တို့​က “​ရှောလမုန်​မင်းကြီး သက်တော်ရှည်​ပါစေ​”​ဟု ကြွေးကြော်​ကြ​၏​။

၄ ရာ 11:12

ထို့နောက် ယဇ်ပုရောဟိတ်​သည် ဘုရင့်​သား​တော်​ကို ထုတ်ဆောင်​လာ​၍ သရဖူ​နှင့်တကွ ကတိဝန်ခံလွှာ​ကို အပ်နှင်း​၏​။ လူ​တို့​သည်​လည်း သူ့​အား ဘိသိက်ပေး​မင်းမြှောက်​လိုက်​ကြ​၏​။ သူ​တို့​သည် လက်ခုပ်ဩဘာ​ပေး​လျက် “​မင်းကြီး သက်တော်ရှည်​ပါစေ​”​ဟု ကြွေးကြော်​ကြ​၏​။

၄ ရာ 11:14

ရှင်ဘုရင်​သည် အစဉ်အလာ​အတိုင်း တိုင်​နား​တွင် ရပ်​နေ​ပြီး မှူးမတ်​များ​၊ တံပိုးခရာမှုတ်သူ​များ​က ရှင်ဘုရင်​အား ခြံရံ​လျက် ရှိ​နေ​သည်​ကို​လည်းကောင်း​၊ ပြည်သူပြည်သား​အပေါင်း​တို့​က ဝမ်းမြောက်ပျော်ရွှင်​စွာ​တံပိုးခရာ​မှုတ်​နေ​ကြ​သည်​ကို​လည်းကောင်း အာသလိ​ဘုရင်မ မြင်​ရ​လျှင် သူ့​အဝတ်​ကို​ဆုတ်ဖြဲ​လျက် “​လျှို့ဝှက်ကြံစည်မှု​ပါ​တကား​၊ လျှို့ဝှက်ကြံစည်မှု​ပါ​တကား​”​ဟု အော်ဟစ်​လေ​၏​။

၄ ရာ 9:12

သူ​တို့​က​လည်း “​မလိမ်ညာ​ပါ​နှင့်​။ ငါ​တို့​ကို ပြောပြ​ပါ​”​ဟု​ဆို​သဖြင့် ယေဟု​က “​ထို​သူ​သည် အကျွန်ုပ်​အား ထာဝရဘုရား​က ‘ငါ​သည် သင့်​ကို အစ္စရေး​လူမျိုး​တို့​၏​ဘုရင်​အဖြစ် ဘိသိက်ပေး​ပြီ’​ဟု မိန့်​တော်မူ​ကြောင်း ဤသို့​ဤ​ပုံ​ပြောဆို​ပါ​သည်​”​ဟု ပြန်ပြော​၏​။

ဆာ​လံ 98:6

တံပိုးခရာ​နှင့် သိုးချိုမှုတ်သံ​များ​ဖြင့် ရှင်ဘုရင်​တည်းဟူသော ထာဝရဘုရား​၏​ရှေ့​တော်​၌ ဝမ်းမြောက်​စွာ​ကြွေးကြော်​ကြ​လော့​။

လုကာ 19:36

ကိုယ်တော်​ကြွ​တော်မူ​စဉ်​တွင် လူ​တို့​သည် မိမိ​တို့​၏​ဝတ်ရုံ​များ​ကို လမ်း​ပေါ်၌​ခင်း​ကြ​၏။