၄ ရာ 6:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ထိုအခါ ရှင်ဘုရင်​က “​သူ​ရှိ​မည့်​နေရာ​ကို သွား​၍​စုံစမ်း​ပါ​။ သူ့​ကို လူ​လွှတ်​ပြီး​ဖမ်း​မည်​”​ဟု မိန့်ဆို​၏​။ “ဒေါသန်​မြို့​၌​ရှိ​သည်​”​ဟု ရှင်ဘုရင် သတင်းရ​လျှင်

Common Language Bible

¹³ မင်း​ကြီး​က``ထို​သူ​အ​ဘယ်​မှာ​ရှိ​သည်​ကို စုံ​စမ်း​ကြ​လော့။ သူ့​အား​ငါ​ဖမ်း​ဆီး​မည်'' ဟု​မိန့်​တော်​မူ​၏။ မင်း​ကြီး​သည်​ဒေါ​သန်​မြို့​တွင်​ဧ​လိ​ရှဲ​ရှိ​နေ ကြောင်း ကြား​သိ​တော်​မူ​သော​အ​ခါ-

Garrad Bible

¹³ ငါ ဖမ်း ဆီး ရ မိ စေ ရန် ထို သူ့ နေ ရာ အ ရပ် ကို သွား၍ ချောင်း ကြည့် လော့ ဟု မိန့် ဆို ရာ ဒေါ သန် မြို့ တွင် ရှိ ပါ သည် ဟု တင် လျှောက် လေ ၏။

Judson Bible

¹³ ရှင်​ဘု​ရင်​က​လည်း၊ သူ​သည် အ​ဘယ်​အ​ရပ်၌​ရှိ​သည်​ကို​သွား၍ ချောင်း​ကြည့်​လော့။ သူ့​ကို​ဖမ်း​ဆီး​စေ​ခြင်း​ငှာ ငါ​စေ​လွှတ်​မည်​ဟု မိန့်​တော်​မူ​ပြီး​မှ၊ ဒေါ​သန်​မြို့၌​ရှိ​ပါ​သည်​ဟု လျှောက်​လေ၏။

၄ ရာ 6:13 Referencias Cruzadas

ကမ္ဘာ​ဦး 37:17

ထို​လူ​က “​သူ​တို့​သည် ဤ​နေရာ​မှ​ထွက်သွား​ကြ​ပြီ​။ ‘​ဒေါသန်​အရပ်​သို့ ငါ​တို့​သွား​ကြ​စို့​’​ဟု သူ​တို့​ပြောဆို​နေ​ကြ​သည်​ကို ငါ​ကြား​သည်​”​ဟု ဆို​၏​။ ထို့ကြောင့် ယောသပ်​သည် မိမိ​အစ်ကို​တို့​နောက်သို့​လိုက်သွား​ရာ ဒေါသန်​အရပ်​၌ သူ​တို့​ကို​တွေ့​လေ​၏​။

၄ ရာ 1:9

ထို့နောက် ရှင်ဘုရင်​က တပ်သား​ငါးဆယ်​အုပ်​တပ်မှူး​နှင့် သူ​၏​တပ်သား​ငါးဆယ်​ကို ဧလိယ​ထံသို့ စေလွှတ်​၏​။ တပ်မှူး​က ဧလိယ​နေထိုင်​ရာ တောင်ထိပ်​သို့ တက်သွား​ပြီး “​အို ဘုရားသခင်​၏​လူ​၊ ‘​ဆင်းလာ​ပါ​’​ဟူ၍ ရှင်ဘုရင်​မိန့်မှာ​လိုက်​ပါ​၏​”​ဟု ဆို​၏​။

၄ ရာ 6:12

ထိုအခါ အမှုထမ်း​တစ်​ဦး​က “​အကျွန်ုပ်​၏​သခင် အရှင်မင်းကြီး​၊ မည်သူ​မျှ​မ​ရှိ​ပါ​။ အစ္စရေး​ပြည်​ရှိ ပရောဖက်​ဧလိရှဲ​က အရှင့်​အိပ်ခန်း​တွင်း​မှ​ပြော​သော​စကား​များ​ကို အစ္စရေး​ဘုရင်​အား ပြန်ပြောပြ​လေ့​ရှိ​ပါ​၏​”​ဟု လျှောက်တင်​၏​။

၄ ရာ 6:14

ထို​မြို့​သို့ မြင်း​တပ်​၊ ရထား​တပ်​နှင့် စစ်သူရဲ​အမြောက်အမြား​ကို စေလွှတ်​၍ ညအချိန်​တွင် မြို့​ကို ဝိုင်းထား​ကြ​၏​။

ယေ​ရ​မိ 36:26

ရှင်ဘုရင်​သည် သား​တော်​ယေရမေလ​၊ အာဇရေလ​၏​သား​စရာယ​နှင့် အာဗဒေလ​၏​သား​ရှေလမိ​တို့​အား စာရေးတော်ကြီး​ဗာရုတ်​နှင့်​ပရောဖက်​ယေရမိ​တို့​ကို ဖမ်းဆီး​ရန် အမိန့်ပေး​၏​။ သို့သော် ထာဝရဘုရား​သည် သူ​တို့​ကို ဝှက်​ထား​တော်မူ​၏​။