၄ ရာ 24:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ မနာရှေ​မင်းကြီး​ပြု​ခဲ့​သော​အပြစ်​များ​ကြောင့် စကား​တော်​အတိုင်း ထာဝရဘုရား​သည် ယုဒ​ပြည်​ကို ရှေ့​တော်​မှ ဖယ်ရှား​ရန် ဤသို့​စီရင်​ခြင်း ဖြစ်​၏​။

Common Language Bible

^3-4 ထာ​ဝ​ရ​ဘု​ရား​သည်​မ​နာ​ရှေ​ပြု​ခဲ့​သည့် ဒု​စ​ရိုက်​အ​ပေါင်း​တို့​ကြောင့် အ​ထူး​သ​ဖြင့် အ​ပြစ်​မဲ့​သူ​တို့​ကို​သတ်​ဖြတ်​ခဲ့​သည့်​အ​ပြစ် ကြောင့် ယု​ဒ​ပြည်​သူ​တို့​အား​မျက်​မှောက်​တော် မှ​နှင်​ထုတ်​တော်​မူ​လို​သ​ဖြင့် ဤ​သို့​စီ​ရင် တော်​မူ​ခြင်း​ဖြစ်​သ​တည်း။ ထို​ပြစ်​မှု​ကြောင့် ထာ​ဝ​ရ​ဘု​ရား​သည်​မ​နာ​ရှေ​အား​အ​ပြစ် ဖြေ​လွှတ်​တော်​မ​မူ​နိုင်။

Garrad Bible

^3-4 ထာ ဝ ရ ဘု ရား ချမ်း သာ မ ပေး နိုင် လောက် အောင် ယေ ရု ရှ လင် မြို့ အ ပြည့် အ လျှံ၊ အ ပြစ် ကင်း သူ တို့ အ သွေး သွန်း မှု မှ စ၍ မ နာ ရှေ မင်း ပြု သ မျှ သော ပြစ် မှု များ အ တွက် ထာ ဝ ရ ဘု ရား စီ ရင် ချက် ချ တော် မူ သည့် အ တိုင်း ယု ဒ အ မျိုး ကို မျက် မှောက် တော် မှ ပယ် ရှား အံ့ သော ငှါ၊ ထို ဘေး သင့် ရောက် သ တည်း။

Judson Bible

^3-4 မ​နာ​ရှေ​မင်း​ပြု​မိ​သ​မျှ​သော အ​ပြစ်၊ အ​သေ​မ​ခံ​ထိုက်​သော​သူ​တို့​ကို​သတ်၍ သူ​တို့​အ​သွေး​နှင့် ယေ​ရု​ရှ​လင်​မြို့​ကို ပြည့်​စေ​သော အ​ပြစ်​များ​ကို ထာ​ဝ​ရ​ဘု​ရား​သည် လွှတ်​တော်​မ​မူ။ ယု​ဒ​အ​မျိုး​ကို မျက်​မှောက်​တော်​မှ ပယ်​ရှား​လို​သော​ငှာ စီ​ရင်​တော်​မူ​သည် အ​တိုင်း​သာ ထို​အ​မှု​ရောက်​သ​တည်း။

၄ ရာ 24:3 Referencias Cruzadas

ကမ္ဘာ​ဦး 50:20

သင်​တို့​သည် အကျွန်ုပ်​ကို မကောင်း​ကြံစည်​ခဲ့​သော်လည်း ယနေ့​မြင်​ရ​သည့်​အတိုင်း များစွာ​သော​လူ​တို့​အသက်ချမ်းသာ​ရာ​ရ​စေရန် ဘုရားသခင်​သည် ကောင်းကျိုးချမ်းသာ​အတွက် ကြံစည်​တော်မူ​၏​။

၄ ရာ 17:18

ထို့ကြောင့် ထာဝရဘုရား​သည် အစ္စရေး​လူမျိုး​ကို ပြင်းစွာ​အမျက်ထွက်​တော်မူ​သဖြင့် ယုဒ​အမျိုးအနွယ်​မှလွဲ၍ ကျန်​အမျိုးအနွယ်​အားလုံး​ကို အထံ​တော်​မှ ဖယ်ရှား​တော်မူ​၏​။

၄ ရာ 17:20

ထို့ကြောင့် ထာဝရဘုရား​က အစ္စရေး​၏​သားစဉ်မြေးဆက်​အားလုံး​ကို စွန့်ပစ်​ပြီး ဒဏ်ခတ်​တော်မူ​၏​။ သူ​တို့​ကို တိုက်ခိုက်လုယက်​သူ​တို့​လက်​သို့ အပ်​ပြီး အထံ​တော်​မှ​နှင်ထုတ်​တော်မူ​၏​။

၄ ရာ 17:23

ထာဝရဘုရား​က မိမိ​အစေအပါး​ပရောဖက်​တို့​မှတစ်ဆင့် မိန့်မှာ​ခဲ့​သည့်​အတိုင်း အစ္စရေး​လူမျိုး​တို့​ကို အထံ​တော်​မှ​နှင်ထုတ်​ခဲ့​ရ​သည်​အထိ ဖြစ်​၏​။ ထို့ကြောင့် အစ္စရေး​လူမျိုး​တို့​သည် ကိုယ့်​နေရင်းပြည်​မှ အဆီးရီးယား​ပြည်​သို့ ဖမ်းဆီးခေါ်ဆောင်​သွား​ခြင်း​ခံရ​၍ ယနေ့​တိုင်အောင်​ထို​ပြည်​တွင် နေ​ကြ​ရ​၏​။

၄ ရာ 18:25

ထာဝရဘုရား​အခွင့်​မ​ရှိ​ဘဲ ဤ​ပြည်​ကို ငါ​လာ​၍​ဖျက်ဆီး​သည်​ဟု ထင်​သလော​။ ထာဝရဘုရား​က ‘​ထို​ပြည်​သို့​စစ်ချီ​၍​ဖျက်ဆီး​လော့​’​ဟူ၍ ငါ့​အား မိန့်​တော်မူ​ပြီ​”​ဟု ဆို​၏​။

၄ ရာ 21:16

မနာရှေ​မင်းကြီး​သည် ယုဒ​လူမျိုး​တို့​အား ထာဝရဘုရား​ရှေ့မှောက်​တွင် မကောင်းမှု​ကို​ပြု​၍​ပြစ်မှား​ရာ​ရောက်​စေ​ခဲ့​၏​။ ဂျေရုဆလင်​မြို့​တစ်ဖက်စွန်း​မှ အခြား​တစ်ဖက်စွန်း​အထိ အပြစ်ကင်း​သော​သူ​တို့​၏​အသက်​ကို​သတ်​သော​အပြစ်​များ​နှင့် များပြား​ပြည့်လျှံ​စေ​ခဲ့​၏​။

၄ ရာ 24:20

ထာဝရဘုရား အမျက်​တော်​ကြောင့် ဂျေရုဆလင်​မြို့​အပါအဝင် ယုဒ​ပြည်​ကို ရှေ့​တော်​မှ​ဖယ်ရှား​လိုက်​သည်​အထိ ဤသို့​ဖြစ်​ရ​ခြင်း ဖြစ်​၏​။ ဇေဒကိ​မင်းကြီး​သည်​လည်း ဘေဘီလုံ​ဘုရင်​ကို ပြန်၍​ပုန်ကန်​၏​။

၂ ရာ​ချုပ် 24:24

ယုဒ​လူမျိုး​တို့​သည် ဘိုးဘေး​တို့​၏​ဘုရားသခင်​ထာဝရဘုရား​ကို စွန့်ပယ်​သောကြောင့် ဆီးရီးယား​စစ်သည်​တို့​သည် လူ​အနည်းငယ်​နှင့်​သာ​ချီလာ​သော်လည်း ထာဝရဘုရား​သည် ယုဒ​စစ်သည်​အမြောက်အမြား​ကို သူ​တို့​လက်​သို့ အပ်လိုက်​လေ​၏​။ ထို့ကြောင့် သူ​တို့​သည် ယောရှ​မင်းကြီး​ကို ဒဏ်ခတ်​စီရင်​ကြ​လေ​၏​။

၂ ရာ​ချုပ် 25:16

ထိုသို့ ပရောဖက်​ပြောဆို​နေ​သည်​ကို အာမဇိ​မင်းကြီး​က “​သင့်​ကို ရှင်ဘုရင်​၏​အတိုင်ပင်ခံ​အဖြစ် ခန့်ထား​သလော​။ တိတ်တိတ်နေ​လော့​။ အဘယ်ကြောင့် ကိုယ့်ကိုယ်ကိုယ် အသတ်​ခံရ​အောင်​လုပ်​သနည်း​”​ဟု ပြန်ပြော​ရာ ပရောဖက်​က “​ငါ​ပေး​သော​အကြံ​ကို သင်​နား​မ​ထောင်​၊ ဤ​အမှု​ကို သင်​ပြု​သောကြောင့် ဘုရားသခင်​သည် သင့်​ကို​ဖျက်ဆီး​ပစ်​ရန် ကြံရွယ်​ထား​သည်​ကို ငါ​သိ​၏​”​ဟု ဆို​လေ​၏​။

ထွက်​မြောက် 20:5

ထို​အရာ​တို့​ကို မ​ပျပ်ဝပ်​မ​ကိုးကွယ်​ရ​။ အကြောင်းမူကား သင်​၏​ဘုရားသခင် ငါ​ထာဝရဘုရား​သည် သဝန်တို​တတ်​သော​ဘုရား​၊ ငါ့​ကို​မုန်း​သော​သူ​တို့​၏​မျိုးဆက် တတိယ​အဆက်​၊ စတုတ္ထ​အဆက်​တိုင်အောင် ဖခင်​တို့​၏​အပြစ်​အတွက် သားမြေး​တို့​ကို ဒဏ်ခတ်​သော​ဘုရား​၊

ဟေ​ရှာ​ယ 45:7

ငါ​သည် အလင်း​ကို​ပုံဖော်ဖန်ဆင်း​၏​၊ အမှောင်​ကို​လည်း​ဖန်ဆင်း​၏​။ ငြိမ်းချမ်းမှု​ကို​ဖြစ်စေ​၏​၊ ဘေးအန္တရာယ်​ကို​လည်း ဖြစ်ပေါ်​စေ​၏​။ ဤ​အရာ​အားလုံး​တို့​ကို ငါ​ထာဝရဘုရား စီရင်​၏​။

ယေ​ရ​မိ 32:31

ထာဝရဘုရား​က ‘ဤ​မြို့​သည် တည်​သည့်​အချိန်​မှစ၍ ယနေ့​အထိ ငါ့​အမျက်​ဒေါသ​ကို နှိုးဆော်​လေ​ပြီ​။ ငါ​သည် ဤ​မြို့​ကို ငါ့​ရှေ့မှောက်​မှ​ဖယ်ရှား​မည်​။

ယေ​ရ​မိ 52:28

နေဗုခဒ်နေဇာ​မင်းကြီး ဖမ်းခေါ်​သွား​သော ဂျူး​လူမျိုး အရေအတွက်​ကား ဤသို့​ဖြစ်​၏​။ နေဗုခဒ်နေဇာ​မင်းကြီး နန်းစံ​ခုနစ်​နှစ်​တွင် သုံး​ထောင်​နှစ်ဆယ့်​သုံး​ယောက်​၊

ယေ​ဇ​ကျေ​လ 22:3

ဘုရားရှင်​ထာဝရဘုရား​က ‘လူ့​အသက်​ကို သတ်​သော​မြို့​၊ ရုပ်တု​များ​ကို​ပြုလုပ်​ပြီး မိမိကိုယ်ကို ညစ်ညူး​စေ​သောကြောင့် သူ​ပျက်စီး​ရ​မည့်​အချိန် ကျရောက်​လေ​ပြီ​။

ယေ​ဇ​ကျေ​လ 24:6

တစ်ဖန် ဘုရားရှင်​ထာဝရဘုရား​က ‘လူ​အသက်သတ်​သော​မြို့​သည် အမင်္ဂလာ​ရှိ​၏​။ တိုက်ချွတ်​မ​ရ​အောင် အညစ်အကြေး​ကပ်​နေ​သော​အိုး​ထဲမှ အသားတုံး​များ​ကို မ​ရွေး​ဘဲ တစ်တုံး​ပြီး​တစ်တုံး ထုတ်​လော့​။

အာ​မုတ် 3:6

မြို့​ထဲတွင် တံပိုးမှုတ်သံ​ကြား​သောအခါ လူ​တို့ မ​ထိတ်လန့်​ဘဲ နေ​မည်လော​။ ထာဝရဘုရား​ပြု​တော်​မ​မူ​ဘဲ မြို့​ထဲတွင် ဘေးအန္တရာယ်​ကျရောက်​နိုင်​မည်လော​။

မိက္ခာ 2:10

ထ​ကြ​။ ထွက်သွား​ကြ​။ ဤ​ပြည်​သည် ငြိမ်းချမ်း​သော​ပြည် မ​ဟုတ်​တော့​ပြီ​။ ဤ​ပြည်​သည် ညစ်ညူး​သောကြောင့် ကြီးစွာ​သော​ပျက်စီး​ခြင်း​ဖြင့် ပျက်စီး​ရ​လိမ့်မည်​။

တ​ရား​ဟော 28:63

ထာဝရဘုရား​သည် သင့်​ကို​ကောင်းစား​စေ​၍ တိုးပွား​စေ​ရာ​၌ နှစ်သက်အားရ​တော်မူ​သကဲ့သို့ သင့်​ကို​ဖျက်ဆီး​၍ သုတ်သင်ပယ်ရှင်း​ပစ်​ရာ​၌​လည်း ထာဝရဘုရား ဝန်လေး​တော်မူ​မည်​မ​ဟုတ်​။ သင်​သည် သင်​ဝင်ရောက်​သိမ်းပိုက်​သည့်​ပြည်​ထဲ​မှ နုတ်ပယ်​ခြင်း​ခံရ​လိမ့်မည်​။

တ​ရား​ဟော 29:28

ထာဝရဘုရား​သည် သူ​တို့​ကို အမျက်​ဒေါသ​ပြင်းထန်​စွာ​ဖြင့် သူ​တို့​၏​ပြည်​ထဲ​မှ နုတ်​၍ ယနေ့​မြင်​ရ​သည့်​အတိုင်း သူ​တို့​ကို အခြား​သော​ပြည်​သို့ လွှင့်ပစ်​လိုက်​၏​’​ဟု ဆို​ကြ​လိမ့်မည်​။

ယော​ရှု 23:15

သင်​တို့​အား သင်​တို့​၏​ဘုရားသခင်​ထာဝရဘုရား မိန့်​တော်မူ​သော ကောင်းကျိုးဆိုင်ရာ​ကတိ​တော်​ဟူသမျှ​ကို သင်​တို့​အပေါ်​သက်ရောက်​စေ​မည်​ဖြစ်​သကဲ့သို့ သင်​တို့​အား သင်​တို့​၏​ဘုရားသခင်​ထာဝရဘုရား​ပေး​တော်မူ​သည့် ဤ​သာယာဝပြော​သော​ပြည်​မှ သုတ်သင်​မ​ခံရ​မ​ချင်း ထာဝရဘုရား​သည် ဘေးအန္တရာယ်​ရှိသမျှ​တို့​ကို သင်​တို့​အပေါ်​သို့​သက်ရောက်​စေ​တော်မူ​လိမ့်မည်​။