၄ ရာ 23:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ထို့ကြောင့် ထာဝရဘုရား​က “​အစ္စရေး​လူမျိုး​ကို ငါ​ဖယ်ရှား​ပစ်​သကဲ့သို့ ယုဒ​လူမျိုး​ကို​လည်း ငါ့​ရှေ့​မှ​ဖယ်ရှား​ပစ်​မည်​။ ငါ​ရွေးချယ်​ခဲ့​သော​ဂျေရုဆလင်​မြို့​နှင့် ‘ထို​နေရာ​၌​ငါ့​နာမ​ကို​တည်​စေ​မည်’​ဟု ငါ​ဆို​ခဲ့​သော​အိမ်​တော်​ကို ငါ​စွန့်ပစ်​မည်​”​ဟု မိန့်​တော်မူ​၏​။

Common Language Bible

²⁷ ထာ​ဝရ​ဘု​ရား​က``ငါ​သည်​ဣသ​ရေ​လ​ပြည်​ကို ပြု​သ​ကဲ့​သို့ ယု​ဒ​ပြည်​ကို​လည်း​ပြု​မည်။ ယု​ဒ ပြည်​သူ​တို့​ကို ငါ​၏​မျက်​မှောက်​တော်​မှ​နှင်​ထုတ် မည်။ ငါ​ရွေး​ချယ်​ထား​သည့်​ယေရု​ရှ​လင်​မြို့​နှင့် ငါ့​အား​ဝတ်​ပြု​ကိုး​ကွယ်​ရ​မည့်​ဌာ​န​အ​ဖြစ် ငါ​သတ်​မှတ်​ပေး​သော​ဗိ​မာန်​တော်​ကို​ပင်​ငါ စွန့်​ခွာ​မည်'' ဟု​မိန့်​တော်​မူ​၏။

Garrad Bible

²⁷ ငါ သည် ဣ သ ရေ လ အ မျိုး ကို မျက် မှောက် မှ ပယ် ရှား သည့် နည်း တူ ယု ဒ အ မျိုး ကို လည်း ပယ် ရှား ၍ ငါ ရွေး ချယ် သော ယေ ရု ရှ လင် မြို့ နှင့် ဤ ဗိ မာန် တွင် ငါ့ နာ မ တည် စေ မည် ဟူ သော ဗိ မာန် တော် ကို ပင် ငါ စွန့် ခွာ မည် ဟု မိန့် တော် မူ၏။

Judson Bible

²⁷ ဣ​သ​ရေ​လ​အ​မျိုး​ကို ငါ့​မျက်​မှောက်​မှ ပယ်​ရှား​သ​ကဲ့​သို့ ယု​ဒ​အ​မျိုး​ကို​လည်း ငါ​ပယ်​ရှား​မည်။ ငါ​ရွေး​ချယ်​သော ယေ​ရု​ရှ​လင်​မြို့​ကို​လည်း​ကောင်း၊ အ​ကြင်​ဗိ​မာန်၌ ငါ့​နာ​မ​ကို​ငါ​တည်​စေ​မည်​ဟု ငါ​ဆို​သော ဗိ​မာန်​ကို​လည်း​ကောင်း၊ ငါ​စွန့်​ပစ်​မည်​ဟု မိန့်​တော်​မူ၏။

၄ ရာ 23:27 Referencias Cruzadas

၃ ရာ 8:29

‘​ဤ​နေရာ​၌ ငါ့​နာမ​တည်​မည်​’​ဟု ကိုယ်တော်​မိန့်မှာ​ထား​သည့်​အတိုင်း ဤ​နေရာ​၊ ဤ​အိမ်​တော်​ကို နေ့​ည​မပြတ်​စောင့်ကြည့်​တော်မူ​ပါ​။ ဤ​နေရာ​သို့​မျက်နှာမူ​ပြီး​ဆုတောင်း​သော ကိုယ်တော့်​အစေအပါး​၏​ဆုတောင်းသံ​ကို နားညောင်း​တော်မူ​ပါ​။

၃ ရာ 9:3

ထာဝရဘုရား​က သူ့​အား “​ငါ့​ရှေ့မှောက်​တွင် သင်​ဆုတောင်း​အသနားခံ​သည်​ကို ငါ​နားညောင်း​ပြီ​။ သင်​တည်ဆောက်​သော​ဤ​အိမ်​တော်​ကို ငါ​သန့်ရှင်း​စေ​မည်​။ ငါ့​နာမ​အဖို့ အစဉ်​တည်​စေ​မည်​။ ဤ​အိမ်​တော်​ကို ငါ​အစဉ်အမြဲ​ကြည့်ရှု​နှလုံးသွင်း​မည်​။

၄ ရာ 17:18

ထို့ကြောင့် ထာဝရဘုရား​သည် အစ္စရေး​လူမျိုး​ကို ပြင်းစွာ​အမျက်ထွက်​တော်မူ​သဖြင့် ယုဒ​အမျိုးအနွယ်​မှလွဲ၍ ကျန်​အမျိုးအနွယ်​အားလုံး​ကို အထံ​တော်​မှ ဖယ်ရှား​တော်မူ​၏​။

၄ ရာ 17:20

ထို့ကြောင့် ထာဝရဘုရား​က အစ္စရေး​၏​သားစဉ်မြေးဆက်​အားလုံး​ကို စွန့်ပစ်​ပြီး ဒဏ်ခတ်​တော်မူ​၏​။ သူ​တို့​ကို တိုက်ခိုက်လုယက်​သူ​တို့​လက်​သို့ အပ်​ပြီး အထံ​တော်​မှ​နှင်ထုတ်​တော်မူ​၏​။

၄ ရာ 17:23

ထာဝရဘုရား​က မိမိ​အစေအပါး​ပရောဖက်​တို့​မှတစ်ဆင့် မိန့်မှာ​ခဲ့​သည့်​အတိုင်း အစ္စရေး​လူမျိုး​တို့​ကို အထံ​တော်​မှ​နှင်ထုတ်​ခဲ့​ရ​သည်​အထိ ဖြစ်​၏​။ ထို့ကြောင့် အစ္စရေး​လူမျိုး​တို့​သည် ကိုယ့်​နေရင်းပြည်​မှ အဆီးရီးယား​ပြည်​သို့ ဖမ်းဆီးခေါ်ဆောင်​သွား​ခြင်း​ခံရ​၍ ယနေ့​တိုင်အောင်​ထို​ပြည်​တွင် နေ​ကြ​ရ​၏​။

၄ ရာ 18:11

အဆီးရီးယား​ဘုရင်​သည် အစ္စရေး​လူမျိုး​တို့​ကို အဆီးရီးယား​ပြည်​သို့ ဖမ်းခေါ်​သွား​ပြီး ဟာလာ​အရပ်​၊ ဂေါဇန်​နယ်​ရှိ ဟာဗော်​မြစ်​နား​၊ မေဒိ​မြို့ရွာ​များ​တွင် နေရာချ​ထား​၏​။

၄ ရာ 21:13

ရှမာရိ​မြို့​ကို တိုင်း​သော​မျဉ်းကြိုး​၊ အာဟပ်​မင်းမျိုးမင်းနွယ်​ကို တိုင်း​သော​ချိန်သီး​ဖြင့် ဂျေရုဆလင်​မြို့​ကို တိုင်းတာ​မည်​။ ပန်းကန်​ကို​သုတ်​သကဲ့သို့ ဂျေရုဆလင်​မြို့​ကို​သုတ်​ပစ်​ပြီး မှောက်​ထား​မည်​။

၄ ရာ 21:14

ကြွင်းကျန်​သော​ငါ့​အမွေခံ​တို့​ကို ငါ​စွန့်ပစ်​မည်​။ ရန်သူ​များ​လက်​သို့ အပ်လိုက်​မည်​။ သူ​တို့​သည် ရန်သူ​တို့​အဖို့ တိုက်ခိုက်​လုယူစရာ​ပစ္စည်း​များ ဖြစ်​ရ​လိမ့်မည်​။

၄ ရာ 21:4

“​ဂျေရုဆလင်​မြို့​တွင် ငါ့​နာမ​ကို​တည်​စေ​မည်​”​ဟု ထာဝရဘုရား မိန့်​တော်မူ​ရာ​နေရာ​ဖြစ်​သည့် ထာဝရဘုရား​၏​အိမ်​တော်​တွင် ယဇ်ပလ္လင်​များ​ကို တည်​၏​။

၄ ရာ 21:7

မိမိကိုယ်တိုင်​ထွင်းထု​ထား​သော အာရှရ​နတ်ဘုရားမ​ရုပ်တု​ကို​လည်း အိမ်​တော်​တွင် ထားရှိ​၏​။ ထာဝရဘုရား​က ဤ​အိမ်​တော်​နှင့်​ပတ်သက်၍ ဒါဝိဒ်​မင်းကြီး​နှင့် သူ​၏​သား​တော်​ရှောလမုန်​မင်းကြီး​တို့​အား “​အစ္စရေး​အမျိုးအနွယ်​တို့​ပိုင်​သော​မြို့​ထဲမှ ငါ​ရွေးချယ်​သော​ဂျေရုဆလင်​မြို့​၊ ဤ​အိမ်​တော်​တွင် ငါ့​နာမ​ကို အစဉ်​တည်​စေ​မည်​။

၄ ရာ 23:28

ကျန်ရှိ​နေ​သော ယောရှိ​မင်းကြီး​လက်ထက်​အဖြစ်အပျက်​များ​၊ သူ​ပြု​ခဲ့​သမျှ​သော​အရာ​များ​ကို ယုဒ​ဘုရင်​တို့​၏​ရာဇဝင်မှတ်တမ်း​တွင် ရေးမှတ်​ထား​၏​။

၄ ရာ 24:2

ယောယကိမ်​မင်းကြီး​ကို​တိုက်ခိုက်​ဖို့ ထာဝရဘုရား​သည် ခါလဒဲ​တပ်​များ​၊ ဆီးရီးယား​တပ်​များ​၊ မောဘ​တပ်​များ​နှင့် အမ္မုန်​တပ်​များ​ကို စေလွှတ်​တော်မူ​၏​။ မိမိ​အစေအပါး ပရောဖက်​တို့​မှတစ်ဆင့် ထာဝရဘုရား​မိန့်​တော်မူ​ခဲ့​သော​စကား​တော်​အတိုင်း ယုဒ​ပြည်​ကို​ဖျက်ဆီး​ဖို့ ထို​တပ်​များ​ကို​စေလွှတ်​တော်မူ​၏​။

၄ ရာ 24:3

မနာရှေ​မင်းကြီး​ပြု​ခဲ့​သော​အပြစ်​များ​ကြောင့် စကား​တော်​အတိုင်း ထာဝရဘုရား​သည် ယုဒ​ပြည်​ကို ရှေ့​တော်​မှ ဖယ်ရှား​ရန် ဤသို့​စီရင်​ခြင်း ဖြစ်​၏​။

၄ ရာ 25:11

ထို့နောက် ကိုယ်ရံတော်မှူး​နေဗုဇာရဒန်​သည် မြို့​ထဲ၌​ကြွင်းကျန်​သော​သူ​များ​၊ ဘေဘီလုံ​ဘုရင်​ထံ ခိုလှုံလာ​သူ​များ​နှင့် ကျန်ရှိ​သော​ပြည်သူပြည်သား​တို့​ကို ဖမ်းခေါ်​သွား​လေ​၏​။

၄ ရာ 25:21

ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်းပြည်​မှ ဖမ်းခေါ်​သွား​ခြင်း​ခံရ​လေ​၏​။

ဆာ​လံ 51:11

အကျွန်ုပ်​ကို ကိုယ်တော်​၏​ရှေ့မှောက်​မှ နှင်ထုတ်​တော်​မ​မူ​ပါ​နှင့်​။ ကိုယ်တော်​၏​သန့်ရှင်း​သော​ဝိညာဉ်​တော်​ကို အကျွန်ုပ်​ထံမှ​ရုပ်သိမ်း​တော်​မ​မူ​ပါ​နှင့်​။

ယေ​ရ​မိ 15:4

ဂျေရုဆလင်​မြို့​၌ ဟေဇကိ​၏​သား​၊ ယုဒ​ဘုရင်​မနာရှေ​ပြု​ခဲ့​သော​အမှု​ကြောင့် ငါ​သည် သူ​တို့​အား မြေကြီး​ပေါ်ရှိ​တိုင်းနိုင်ငံ​အားလုံး​အတွက် ထိတ်လန့်စရာ​ဖြစ်​စေ​မည်​။

ယေ​ရ​မိ 23:20

ထာဝရဘုရား​သည် အကြံအစည်​တော် မ​ထမြောက်​မ​ချင်း​၊ မ​ပြီးမြောက်​မ​ချင်း အမျက်​တော်​ပြေ​လိမ့်မည်​မ​ဟုတ်​။ ဤ​အရာ​ကို နောက်ဆုံး​သော​ကာလ​၌ သင်​တို့ ရှင်းရှင်းလင်းလင်း​နားလည်​ကြ​လိမ့်မည်​။

ယေ​ရ​မိ 23:33

“​ဤ​လူမျိုး​ထဲမှ တစ်ယောက်ယောက်​ဖြစ်စေ​၊ ပရောဖက်​ဖြစ်စေ​၊ ယဇ်ပုရောဟိတ်​ဖြစ်စေ ‘​ထာဝရဘုရား​၏​ဗျာဒိတ်​တော်​ကား အဘယ်သို့နည်း​’​ဟု သင့်​ကို​မေး​လာ​လျှင် ‘​အဘယ်​ဗျာဒိတ်​နည်း​။ သင်​တို့​ကို ငါ​ပစ်ပယ်​ပြီ’​ဟူ၍ ထာဝရဘုရား​မိန့်​တော်မူ​သည်”​ဟု သူ​တို့​အား ပြန်ပြော​ရ​မည်​။

ယေ​ရ​မိ 23:39

ကြည့်ရှု​လော့​။ ငါ​သည် သင်​တို့​ကို လုံးဝ​မေ့ပစ်​မည်​။ သင်​တို့​နှင့်တကွ သင်​တို့​နှင့်​သင်​တို့​ဘိုးဘေး​တို့​အား ငါ​ပေး​သော​မြို့​ကို ငါ​၏​ရှေ့မှောက်​မှ ဖယ်ရှား​ပစ်​မည်​။

ယေ​ရ​မိ 31:37

ထာဝရဘုရား​က “​သူ​တို့​သည် အထက်​မိုးကောင်းကင်​ကို တိုင်းတာ​နိုင်​၍ အောက်​မြေကြီး​၏​အုတ်မြစ်​ကို စူးစမ်း​နိုင်​မှသာ အစ္စရေး​တစ်မျိုးနွယ်လုံး​ပြု​ခဲ့​သော​အပြစ်​ကြောင့် သူ​တို့​ကို ငါ​စွန့်ပစ်​မည်​”​ဟု မိန့်​တော်မူ​၏​။

ယေ​ရ​မိ 32:31

ထာဝရဘုရား​က ‘ဤ​မြို့​သည် တည်​သည့်​အချိန်​မှစ၍ ယနေ့​အထိ ငါ့​အမျက်​ဒေါသ​ကို နှိုးဆော်​လေ​ပြီ​။ ငါ​သည် ဤ​မြို့​ကို ငါ့​ရှေ့မှောက်​မှ​ဖယ်ရှား​မည်​။

ယေ​ရ​မိ 33:24

“လူ​တို့​က ‘ထာဝရဘုရား​သည် မိမိ​ရွေးချယ်​တော်မူ​သော​လူမျိုး​နှစ်​မျိုး​ကို စွန့်ပယ်​တော်မူ​ပြီ’​ဟု ပြောဆို​ကြ​သော​စကား​ကို သင်​သတိ​မ​ပြု​မိ​သလော​။ သူ​တို့​သည် ငါ့​လူမျိုး​တော်​ကို မထီလေးစား​ပြု​ကြ​လေ​ပြီ​။ လူမျိုး​တစ်​မျိုး​အဖြစ် မမှတ်​ကြ​တော့​ပေ​။

မြည်​တမ်း​စ​ကား 2:7

ဘုရားရှင်​သည် ယဇ်ပလ္လင်​ကို​စွန့်ပယ်​တော်မူ​ပြီ​။ သန့်ရှင်းရာဌာန​ကို စက်ဆုပ်​တော်မူ​ပြီ​။ နန်းတော်​တံတိုင်း​တို့​ကို​လည်း ရန်သူ့​လက်​သို့ အပ်လိုက်​တော်မူ​ပြီ​။ ရန်သူ​တို့​သည် ပွဲတော်​နေ့​ကဲ့သို့ပင် ထာဝရဘုရား​၏​အိမ်​တော်​၌ ကြွေးကြော်​ကြ​လေ​ပြီ​။