၄ ရာ 18:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ထို့ကြောင့် ထာဝရဘုရား​သည် သူ​နှင့်အတူ​ရှိ​တော်မူ​ပြီး ပြု​လေရာရာ​၌ အထမြောက်​၏​။ သူ​သည် အဆီးရီးယား​ဘုရင်​၏​လက်အောက်ခံ​အဖြစ်​မ​နေ​ဘဲ ပုန်ကန်​လေ​၏​။

Common Language Bible

⁷ သို့​ဖြစ်​၍​ထာ​ဝရ​ဘု​ရား​သည်​သူ​နှင့်​အ​တူ​ရှိ တော်​မူ​သ​ဖြင့် သူ​သည်​ပြု​လေ​သ​မျှ​သော အ​မှု​တို့​တွင်​အောင်​မြင်​လေ​သည်။ သူ​သည် အာ​ရှု​ရိ​ဧ​က​ရာဇ်​ဘု​ရင်​ကို​အ​ညံ့​မ​ခံ​ဘဲ ပုန်​ကန်​လေ​သည်။-

Garrad Bible

⁷ ထို မင်း နှင့် အ တူ ထာ ဝ ရ ဘု ရား ရှိ တော် မူ သော ကြောင့် ချီ လေ ရာ ရာ အောင် မြင်၍ အာ ရှု ရိ ဘု ရင့် လက် အောက် မ ခံ၊ ခြား နား လေ၏။

Judson Bible

⁷ ထာ​ဝ​ရ​ဘု​ရား​သည် သူ​နှင့်​အ​တူ​ရှိ​တော်​မူ​သ​ဖြင့် သူ​သည် ပြု​လေ​ရာ​ရာ၌ အောင်​လေ၏။ အာ​ရှု​ရိ​ရှင်​ဘု​ရင်၏​ကျွန်​မ​ခံ။ ပုန်​ကန်​လေ၏။

၄ ရာ 18:7 Referencias Cruzadas

ကမ္ဘာ​ဦး 21:22

ထို​အခါ​၌ အဘိမလက်​မင်းကြီး​နှင့် သူ​၏​စစ်သူကြီး​ဖိကောလ​သည် အာဗြဟံ​အား “​သင်​ပြု​လေသမျှ​တို့​၌ သင်​နှင့်အတူ ဘုရားသခင်​ရှိ​တော်မူ​၏​။

၂ ရာ 8:14

ဧဒုံ​ပြည်​တွင်​လည်း မြို့စောင့်တပ်​များ ချထား​လိုက်​၏​။ ထိုသို့ ဧဒုံ​ပြည်​တစ်ပြည်လုံး​တွင် မြို့စောင့်တပ်​များ ချထား​သောကြောင့် ဧဒုံ​လူမျိုး​အပေါင်း​တို့​သည် ဒါဝိဒ်​မင်းကြီး​၏​လက်အောက်ခံ​ဖြစ်သွား​၏​။ ထာဝရဘုရား​သည်​လည်း ဒါဝိဒ်​မင်းကြီး​စစ်ချီ​သွား​လေရာရာ​၌ အောင်ပွဲရ​စေ​တော်မူ​၏​။

၂ ရာ 8:6

ဆီးရီးယား​ပြည်​၊ ဒမတ်စကပ်​မြို့​တွင် မြို့စောင့်တပ်​များ​ကို​ချထား​ခဲ့​၏​။ ဆီးရီးယား​လူမျိုး​တို့​သည် ဒါဝိဒ်​မင်းကြီး​၏​လက်အောက်ခံ​များ​ဖြစ်လာ​ပြီး အခွန်​ဆက်သ​ရ​၏​။ ထာဝရဘုရား​သည် ဒါဝိဒ်​မင်းကြီး​စစ်ချီ​သွား​လေရာရာ​၌ အောင်ပွဲရ​စေ​တော်မူ​၏​။

၄ ရာ 16:7

ထိုအခါ အာခတ်​မင်းကြီး​သည် အဆီးရီးယား​ဘုရင်​တိဂလတ်ပိလေသာ​မင်းကြီး​ထံသို့ တမန်​ကို​စေလွှတ်​၍ “​အကျွန်ုပ်​သည် အရှင့်​အစေအပါး​၊ အရှင့်​သား ဖြစ်​ပါ​၏​။ အကျွန်ုပ်​ကို​လာတိုက်​သော ဆီးရီးယား​ဘုရင်​နှင့် အစ္စရေး​ဘုရင်​တို့​လက်​မှ အကျွန်ုပ်​ကို လာ​၍​ကယ်တင်​တော်မူ​ပါ​”​ဟု မှာလိုက်​၏​။

၄ ရာ 17:3

ဟောရှေ​မင်းကြီး​အား အဆီးရီးယား​ဘုရင်​ရှာလမနေဇာ​မင်းကြီး ချီတက်​တိုက်ခိုက်​ရာ ဟောရှေ​မင်းကြီး​သည် သူ​၏​လက်အောက်ခံ​အဖြစ်​ခံယူ​ပြီး အခွန်​ဆက်သ​ရ​လေ​၏​။

၄ ရာ 18:14

ထို့ကြောင့် ယုဒ​ဘုရင်​ဟေဇကိ​မင်းကြီး​က လာခိရှ​မြို့​ရှိ အဆီးရီးယား​ဘုရင်​ထံသို့ လူ​လွှတ်​၍ “​အကျွန်ုပ် အမှားပြု​မိ​ပါ​ပြီ​။ အရှင်မင်းကြီး တပ်​ပြန်ဆုတ်​ပေး​ပါ​။ တောင်း​သမျှ​ကို ပေး​ပါ​မည်​”​ဟု​မှာလိုက်​လျှင် အဆီးရီးယား​ဘုရင်​က ယုဒ​ဘုရင်​ဟေဇကိ​မင်းကြီး​ထံမှ ငွေ​တာလန်​သုံး​ရာ​၊ ရွှေ​တာလန်​သုံးဆယ်​ကို တောင်း​၏​။

၄ ရာ 18:20

သင်​၌ စစ်ဗျူဟာ​၊ စစ်အင်အား​ရှိ​သည်​ဆို​သည်​မှာ အပြောသက်သက်​သာ​ဖြစ်​၏​။ ယခု သင်​သည် အဘယ်သူ​ကို​ကိုးစား​၍ ငါ့​ကို ပုန်ကန်​သနည်း​။

၂ ရာ​ချုပ် 15:2

သူ​သည် အာသ​မင်းကြီး​ထံ​သွား​ကာ “​အို အာသ​မင်းကြီး​နှင့် ယုဒ​အမျိုး​၊ ဗင်္ယာမိန်​အမျိုး​အပေါင်း​တို့​၊ ငါ့​စကား​ကို နားထောင်​ကြ​ပါ​လော့​။ သင်​တို့​သည် ထာဝရဘုရား​နှင့်အတူ​ရှိ​လျှင် ထာဝရဘုရား​သည်​လည်း သင်​တို့​နှင့်အတူ ရှိ​လိမ့်မည်​။ ကိုယ်တော်​ကို​ရှာ​လျှင် အတွေ့ခံ​တော်မူ​မည်​။ ကိုယ်တော်​ကို စွန့်ပစ်​လျှင် ကိုယ်တော်​သည်​လည်း သင်​တို့​ကို စွန့်ပစ်​တော်မူ​မည်​။

၂ ရာ​ချုပ် 31:21

ဟေဇကိ​မင်းကြီး​သည် ဘုရားသခင်​၏​အိမ်​တော်​အမှု​ကို ကြိုးစား​ဆောင်ရွက်​ခဲ့​၏​။ တရားတော်​များ​၊ ပညတ်တော်​များ​အားဖြင့် မိမိ​၏​ဘုရားသခင်​ကို ရှာဖွေ​ခဲ့​၏​။ ဘုရား​အမှု​ကို​ဆောင်​လေရာရာ​၌ စိတ်နှလုံး​အကြွင်းမဲ့​လုပ်ဆောင်​ခဲ့​သောကြောင့် အောင်မြင်မှု ရရှိ​လေ​၏​။

၂ ရာ​ချုပ် 32:30

ထို့ပြင် ဟေဇကိ​မင်းကြီး​သည် ဂိဟုန်​ချောင်း​အထက်​ရေစီးကြောင်း​ကို ပိတ်​ပြီး ဒါဝိဒ်​မြို့​၏​အနောက်ဘက်​သို့ မြောင်းသွယ်​၍​စီးဆင်း​စေ​၏​။ ဟေဇကိ​မင်းကြီး​သည် ပြု​လေသမျှ​တို့​၌ အောင်မြင်​၏​။

ဆာ​လံ 1:3

ထို​သူ​ကား ရေစီး​သော​ချောင်း​နားမှာ စိုက်​ထား​၍ မိမိ​အချိန်တန်​သောအခါ​အသီး​သီး​ပြီး အရွက်​မ​ညှိုးနွမ်း​တတ်​သော​အပင်​နှင့်​တူ​၏​။ ပြု​လေသမျှ​တို့​၌​အောင်မြင်​တတ်​၏​။

ဆာ​လံ 46:11

ကောင်းကင်​ဗိုလ်ခြေ​အရှင်​ထာဝရဘုရား​သည် ငါ​တို့​နှင့်အတူ​ရှိ​တော်မူ​၏​။ ယာကုပ်​၏​ဘုရားသခင်​သည် ငါ​တို့​၏​ခိုကိုး​ရာ​ဖြစ်​တော်မူ​၏​။(​စေလာ)

ဆာ​လံ 60:12

ငါ​တို့​သည် ဘုရားသခင်​အားဖြင့် ရဲရင့်​စွာ​ပြု​ကြ​မည်​။ ကိုယ်တော်​သည် ငါ​တို့​အား​ရန်ဖက်ပြု​သော​သူ​များ​ကို နင်းချေ​တော်မူ​လိမ့်မည်​။

ဟေ​ရှာ​ယ 33:6

ကိုယ်တော်​သည် သင်​အသက်ရှင်​သည့်​ကာလ​တွင် တည်ငြိမ်​ခြင်း​၊ ကယ်တင်​ခြင်း​စည်းစိမ်​၊ ဉာဏ်ပညာ​၊ အသိပညာ​ဖြစ်​တော်မူ​မည်​။ ထာဝရဘုရား​ကို​ကြောက်ရွံ့​ခြင်း​သည် သင်​၏​ဘဏ္ဍာ ဖြစ်​လိမ့်မည်​။

ဟေ​ရှာ​ယ 36:5

သင်​၌ စစ်ဗျူဟာ​၊ စစ်အင်အား​ရှိ​သည်​ဆို​သည်​မှာ အပြောသက်သက်​သာ​ဖြစ်​၏​။ ယခု သင်​သည် အဘယ်သူ​ကို​ကိုးစား​၍ ငါ့​ကို ပုန်ကန်​သနည်း​။

မဿဲ 1:23

“ကြည့်ရှု​လော့။ အပျို​ကညာ​သည် သန္ဓေတည်​၍ သား​ယောက်ျား​ကို​ဖွားမြင်​လိမ့်မည်။ ထို​သား​၏​အမည်​ကို ဧမာနွေလ​ဟု ခေါ်​ကြ​လိမ့်မည်”​ဟု ပရောဖက်​အားဖြင့် မိန့်​တော်မူ​သည့်​အရာ ပြည့်စုံ​ခြင်း​သို့​ရောက်​မည့်​အကြောင်း​တည်း။ (ဧမာနွေလ​၏​အဓိပ္ပာယ်​မှာ “ငါ​တို့​နှင့်အတူ​ရှိ​တော်မူ​သော​ဘုရားသခင်”​ဟူ၍ ဖြစ်​၏။)

မဿဲ 28:20

သင်​တို့​အား ငါ​ပညတ်​ထား​သမျှ​သော​အရာ​အားလုံး​တို့​ကို​စောင့်ထိန်း​ရန် သူ​တို့​ကို သွန်သင်​ကြ​လော့။ ငါ​သည်​လည်း ကပ်ကမ္ဘာ​ကုန်ဆုံး​သည့်​တိုင်အောင် သင်​တို့​နှင့်အတူ အစဉ်မပြတ်​ရှိ​၏”​ဟု မိန့်​တော်မူ​၏။

ရော​မ 8:31

သို့ဖြစ်လျှင် ဤ​အရာ​များ​ကို​ထောက်၍ မည်သို့​ဆို​ရ​မည်နည်း။ ဘုရားသခင်​သည် ငါ​တို့​ဘက်​၌​ရှိ​တော်မူ​လျှင် မည်သူ​သည် ငါ​တို့​ကို ဆန့်ကျင်​နိုင်​မည်နည်း။

သူ​ကြီး 1:19

ထာဝရဘုရား​သည် ယုဒ​အမျိုး​တို့​နှင့်အတူ ပါရှိ​တော်မူ​သဖြင့် သူ​တို့​သည် တောင်ပေါ်ဒေသ​တို့​ကို သိမ်းပိုက်​နိုင်​ခဲ့​၏​။ ချိုင့်ဝှမ်းဒေသ​၌​နေထိုင်​သော​သူ​တို့​မူကား သံ​စစ်ရထား​များ​ပိုင်ဆိုင်​သောကြောင့် ထို​သူ​တို့​ကို မ​နှင်ထုတ်​နိုင်​ခဲ့​ပေ​။

၁ ရာ 18:14

ထာဝရဘုရား​သည် ဒါဝိဒ်​နှင့်အတူ ပါရှိ​တော်မူ​သဖြင့် သူ​လုပ်ဆောင်​လေရာရာ​တို့​၌ အောင်မြင်​မှု​ရရှိ​လေ​၏​။

၁ ရာ 18:5

ဒါဝိဒ်​သည် ရှောလု​မင်းကြီး​စေခိုင်း​သမျှ​တို့​၌ အောင်မြင်​စွာ​လုပ်ဆောင်​နိုင်​၏​။ ထို့ကြောင့် ရှောလု​မင်းကြီး​သည် ဒါဝိဒ်​အား စစ်သူရဲအုပ်​အရာ​၌​ခန့်ထား​ရာ စစ်သည်​အပေါင်း​တို့​သာမက ရှောလု​မင်းကြီး​၏​အမှုထမ်း​တို့​လည်း သူ့​ကို နှစ်သက်​သဘောကျ​ကြ​၏​။