၄ ရာ 18:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ အဆီးရီးယား​ဘုရင်​သည် အစ္စရေး​လူမျိုး​တို့​ကို အဆီးရီးယား​ပြည်​သို့ ဖမ်းခေါ်​သွား​ပြီး ဟာလာ​အရပ်​၊ ဂေါဇန်​နယ်​ရှိ ဟာဗော်​မြစ်​နား​၊ မေဒိ​မြို့ရွာ​များ​တွင် နေရာချ​ထား​၏​။

Common Language Bible

¹¹ အာ​ရှု​ရိ​ဧ​က​ရာဇ်​ဘုရင် သည်​ဣ​သ​ရေ​လ​အ​မျိုး​သား​တို့​အား သုံ့​ပန်း​များ အ​ဖြစ်​ဖမ်း​သွား​ပြီး​လျှင်​အ​ချို့​ကို​ဟာ​လ​မြို့​၌ လည်း​ကောင်း၊ အ​ချို့​ကို​ဂေါ​ဇန်​ခ​ရိုင်​ဟာ​ဗော်​မြစ် အ​နီး​၌​လည်း​ကောင်း၊ အ​ချို့​ကို​မေ​ဒိ​ပြည်​ရှိ မြို့​များ​၌​လည်း​ကောင်း​နေ​ထိုင်​စေ​၏။

Garrad Bible

¹¹ အာ ရှု ရိ ဘု ရင် သည် ဣ သ ရေ လ လူ မျိုး တို့ ကို အာ ရှု ရိ ပြည် သို့ သိမ်း သွား လျက် ဟာ လ နယ်၌ လည်း ကောင်း၊ ဂေါ ဇန် နယ် ရှိ ဟာ ဗော် မြစ် အ နီး ၌ လည်း ကောင်း၊ မေ ဒိ ပြည် နယ် မြို့ ရွာ များ ၌ လည်း ကောင်း နေ စေ ၏။

Judson Bible

¹¹ အာ​ရှု​ရိ​ရှင်​ဘု​ရင်​သည် ဣ​သ​ရေ​လ​အ​မျိုး​ကို အာ​ရှု​ရိ​ပြည်​သို့​သိမ်း​သွား၍ ဂေါ​ဇန်​မြစ်​နား၊ ဟာ​လ​မြို့၊ ဟာ​ဗော်​မြို့​အ​စ​ရှိ​သော မေ​ဒိ​နိုင်​ငံ​မြို့​ရွာ​တို့၌​ထား၏။

၄ ရာ 18:11 Referencias Cruzadas

၄ ရာ 15:29

အစ္စရေး​ဘုရင်​ပေကာ​မင်းကြီး​လက်ထက်​တွင် အဆီးရီးယား​ဘုရင်​တိဂလတ်ပိလေသာ​မင်းကြီး​သည် စစ်ချီလာ​၍ ဣယုန်​မြို့​၊ အာဗေလဗက်မာခါ​မြို့​၊ ယာနော​မြို့​၊ ကေဒေရှ​မြို့​၊ ဟာဇော်​မြို့​၊ ဂိလဒ်​ပြည်​၊ ဂါလိလဲ​ပြည်​နှင့် နဿလိ​ပြည်​တစ်ပြည်လုံး​ကို သိမ်းယူ​ပြီး ပြည်သူပြည်သား​တို့​ကို အဆီးရီးယား​ပြည်​သို့ ဖမ်းခေါ်​သွား​၏​။

၄ ရာ 17:6

ဟောရှေ​မင်းကြီး​နန်းစံ​ကိုး​နှစ်​အကြာ​တွင် အဆီးရီးယား​ဘုရင်​သည် ရှမာရိ​မြို့​ကို​သိမ်းပိုက်​ပြီး အစ္စရေး​လူမျိုး​တို့​ကို အဆီးရီးယား​ပြည်​သို့​ဖမ်းခေါ်​သွား​ကာ ဟာလာ​အရပ်​၊ ဂေါဇန်​နယ်​ရှိ​ဟာဗော်​မြစ်​နား​နှင့်​မေဒိ​မြို့ တို့​၌​နေထိုင်​စေ​၏​။

၄ ရာ 19:11

ကြည့်ရှု​လော့​။ အဆီးရီးယား​ဘုရင်​တို့​သည် တိုင်းပြည်​အားလုံး အကုန်အစင်​ပျက်စီး​သွား​အောင် မည်သို့​ပြု​ခဲ့​သည်​ကို သင်​ကြား​ရ​ပြီ​။ သင်​လည်း လွတ်မြောက်​မည်​ဟု​မ​ထင်​နှင့်​။

၄ ရာ 21:8

သူ​တို့​အား ငါ​မိန့်မှာ​သမျှ​အတိုင်း​၊ ငါ့​အစေအပါး​မောရှေ​မှာထား​သမျှ​သော ပညတ်တရား​အတိုင်း လိုက်နာ​ပြုကျင့်​မည်​ဆိုလျှင် အစ္စရေး​လူမျိုး​တို့​သည် သူ​တို့​၏​ဘိုးဘေး​တို့​အား ငါ​ပေး​ထား​သော​ပြည်​မှ​ထွက်သွား​၍ လှည့်လည်သွားလာ​ရ​တော့​မည်​မ​ဟုတ်​”​ဟု မိန့်မှာ​တော်မူ​ခဲ့​၏​။

၄ ရာ 23:27

ထို့ကြောင့် ထာဝရဘုရား​က “​အစ္စရေး​လူမျိုး​ကို ငါ​ဖယ်ရှား​ပစ်​သကဲ့သို့ ယုဒ​လူမျိုး​ကို​လည်း ငါ့​ရှေ့​မှ​ဖယ်ရှား​ပစ်​မည်​။ ငါ​ရွေးချယ်​ခဲ့​သော​ဂျေရုဆလင်​မြို့​နှင့် ‘ထို​နေရာ​၌​ငါ့​နာမ​ကို​တည်​စေ​မည်’​ဟု ငါ​ဆို​ခဲ့​သော​အိမ်​တော်​ကို ငါ​စွန့်ပစ်​မည်​”​ဟု မိန့်​တော်မူ​၏​။

၁ ရာ​ချုပ် 5:26

ထို့ကြောင့် အစ္စရေး​လူမျိုး​၏​ဘုရားသခင်​သည် အဆီးရီးယား​ဘုရင်​ပုလ​မင်းကြီး​တည်းဟူသော အဆီးရီးယား​ဘုရင်​တိဂလတ်ပိလေသာ​မင်းကြီး​၏​စိတ်​ကို နှိုးဆော်​၍ သူ​သည် ရုဗင်​အမျိုး​၊ ဂဒ်​အမျိုး​၊ မနာရှေ​၏​အမျိုး​တစ်ဝက်​တို့​ကို ဖမ်းဆီးခေါ်ဆောင်​သွား​၏​။ သူ​တို့​သည် ဟာလာ​အရပ်​၊ ဟာဗော်​အရပ်​၊ ဟာရ​အရပ်​၊ ဂေါဇန်​အရပ်​ရှိ​မြစ်​နား​တစ်လျှောက်​တို့​တွင် ယနေ့​တိုင်အောင် နေထိုင်​ကြ​၏​။

နေ​ဟ​မိ 9:30

ကိုယ်တော်​သည် သူ​တို့​အား​နှစ်​ပေါင်း​များစွာ​သည်းခံ​တော်မူ​၍ ကိုယ်တော်​၏​ဝိညာဉ်​တော်​ခံရ​သော ပရောဖက်​များ​အားဖြင့် သူ​တို့​ကို သတိပေး​သော်လည်း ဂရု​မ​စိုက်​ကြ​သောကြောင့် သူ​တို့​ကို ဤ​ပြည်​ရှိ လူမျိုးခြား​တို့​လက်​သို့ အပ်လိုက်​တော်မူ​၏​။

ဟေ​ရှာ​ယ 10:11

ရှမာရိ​မြို့​နှင့်​ထို​မြို့​မှ​ရုပ်တု​များ​ကို ငါ​ပြု​သကဲ့သို့ ဂျေရုဆလင်​မြို့​နှင့်​ထို​မြို့​မှ​ရုပ်တု​များ​ကို ငါ​ပြု​မည်​မ​ဟုတ်​လော​”​ဟု ဆို​တတ်​၏​။

ဟေ​ရှာ​ယ 10:5

အဆီးရီးယား​လူမျိုး​သည် အမင်္ဂလာ​ရှိ​၏​။ ထို​လူမျိုး​သည် ငါ့​အမျက်​တော်​ကြိမ်လုံး​ဖြစ်​၏​။ သူ​တို့​ကိုင်ဆောင်​သော​တုတ်​သည် ငါ​၏​အမျက်​ဖြစ်​၏​။

ဟေ​ရှာ​ယ 36:2

အဆီးရီးယား​ဘုရင်​သည် ရာဗရှာခ​ကို စစ်သည်​အလုံးအရင်း​နှင့်တကွ လာခိရှ​မြို့​မှ ဂျေရုဆလင်​မြို့​ရှိ​ဟေဇကိ​မင်းကြီး​ထံသို့ စေလွှတ်​လေ​၏​။ ရာဗရှာခ​သည် ခဝါသည်​၏​လယ်​သို့​သွား​သော​လမ်းမကြီး​တွင်​ရှိ​သည့် အထက်​ရေကန်​ရေသွယ်မြောင်း​နားတွင် တပ်ချ​လေ​၏​။

ဟေ​ရှာ​ယ 37:12

ငါ့​ဘိုးဘေး​တို့​ဖျက်ဆီး​ခဲ့​သော​လူမျိုး​များ​ဖြစ်​သည့် ဂေါဇန်​လူမျိုး​၊ ဟာရန်​လူမျိုး​၊ ရေဇပ်​လူမျိုး​၊ တေလသာ​မြို့​ရှိ ဧဒင်​အမျိုးသား​တို့​၏​ဘုရား​များ​သည် သူ​တို့​ကို ကယ်​ခဲ့​ဖူး​သလော​။

ဟေ​ရှာ​ယ 7:8

အကြောင်းမူကား ဆီးရီးယား​ပြည်​၏​ဦးခေါင်း​သည် ဒမတ်စကပ်​မြို့​၊ ဒမတ်စကပ်​မြို့​၏​ဦးခေါင်း​သည် ရေဇိန်​မင်းကြီး​ဖြစ်​၏​။ ဧဖရိမ်​သည် ခြောက်ဆယ့်​ငါး​နှစ်​အတွင်း လူမျိုး​တစ်​မျိုး​အဖြစ်​မှ တစ်စစီပြိုကွဲ​သွား​ရ​လိမ့်မည်​ဟု မိန့်​တော်မူ​ပြီ​။

ဟေ​ရှာ​ယ 8:4

အကြောင်းမူကား ထို​သူငယ်​သည် အဖေ​၊ အမေ​ဟု မ​ခေါ်​တတ်​မီ ဒမတ်စကပ်​မြို့​၏​ဥစ္စာပစ္စည်း​၊ ရှမာရိ​မြို့​၏​လုယက်ပစ္စည်း​တို့​ကို အဆီးရီးယား​ဘုရင် သိမ်းယူ​သွား​လိမ့်မည်​”​ဟု မိန့်​တော်မူ​၏​။

ဟော​ရှေ 9:3

သူ​တို့​သည် ထာဝရဘုရား​၏​ပြည်​တွင် နေ​ရ​တော့​မည်​မ​ဟုတ်​။ ဧဖရိမ်​သည် အီဂျစ်​ပြည်​သို့​ပြန်သွား​ရ​လိမ့်မည်​။ အဆီးရီးယား​ပြည်​တွင် မစင်ကြယ်​သော​အစာ​ကို စား​ရ​လိမ့်မည်​။

အာ​မုတ် 2:6

တစ်ဖန် ထာဝရဘုရား​ဤသို့​မိန့်​တော်မူ​ပြီ​။ ထာဝရဘုရား​က “​အစ္စရေး​လူမျိုး​တို့​သည် အပြစ်​သုံး​လေး​မျိုး​မက ကျူးလွန်​သောကြောင့် ငါ​အပြစ်​မ​ပေး​ဘဲ​မ​နေ​။ အကြောင်းမူကား သူ​တို့​သည် ငွေ​အတွက် ဖြောင့်မတ်​သော​သူ​ကို ရောင်းစား​၏​။ ဖိနပ်​တစ်ရံ​အတွက် နွမ်းပါး​သူ​ကို ရောင်းစား​၏​။

အာ​မုတ် 5:6

အသက်ချမ်းသာ​ရာ​ရ​မည့်​အကြောင်း ထာဝရဘုရား​ကို​ရှာ​ကြ​လော့​။ သို့မဟုတ်လျှင် ယောသပ်​အမျိုးအနွယ်​ကို ရုတ်ချည်း​မီး​လောင်​၍ ငြှိမ်းသတ်​မည့်​သူ​မ​ရှိ​ဘဲ ဗေသလ​မြို့​ကို ဝါးမျို​လိမ့်မည်​။

တမန်တော်ဝတ္ထု 7:43

သင်​တို့​သည် မောလုတ်​၏​တဲ​နှင့် သင်​တို့​ဘုရား​ရင်ဖန်​၏​ကြယ်​တို့​ကို သယ်ဆောင်​ခဲ့​ကြ​၏။ ၎င်း​တို့​သည် သင်​တို့​ကိုးကွယ်​ရန်​ပြုလုပ်​ထား​သော ရုပ်တု​များ​ဖြစ်​ကြ​၏။ ထို့ကြောင့် ငါ​သည် သင်​တို့​ကို ဘေဘီလုံ​မြို့​တစ်ဖက်လွန်​အောင် ပြောင်းရွှေ့​စေ​မည်’​ဟု ရေး​ထား​သည့်​အတိုင်း​ဖြစ်​၏။